လံာ်တၢ်ဘူၣ်ထီၣ်ဘါထီၣ် 16:6 - Sgaw Karen Common Bible

⁶ ဒီးကလုၢ်ထီၣ်ဝဲဂီၤဖံးဖါတဒုလၢအနီၢ်ကစၢ်ဒၣ်ဝဲအတၢ် ဒဲးဘးကဘၣ်တၢ်ပျၢ်အီၤအဂီၢ်ဒီးလၢအဟံၣ်ဖိဃီဖိတဖၣ်အတၢ်ဒဲး ဘးကဘၣ်တၢ်ပျၢ်အီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 16:6 Iomraidhean Croise

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

လံာ်ယဃ့းစက့လး 43:19

ပှၤလုၢ်တၢ်အခိၣ်တဖၣ်လၢအဘၣ်ဃးဒီးလ့ၤဝံအဒူၣ်လၢအမ့ၢ်ဒၣ်ထဲ စီၤစၤဒိးအစၢၤအသွဲၣ်တဖၣ်ဧိၤန့ၣ်ကဟဲနုာ်ဘၣ်ဆူအမဲာ်ညါလၢ ကမၤယတၢ်အဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ် ဟ့ၣ်လီၤတၢ်ကလုၢ်အံၤန့ၣ်လီၤ. နကဘၣ်ဟ့ၣ်လီၤအဝဲသ့ၣ်လၢ ဂီၤဖံးဖါဖိတဒုလၢကလုၢ်ထီၣ်ဝဲဒ်တၢ်လုၢ်တၢ်ပာ်တမံၤအသိး လၢတၢ်လုၢ်တၢ်ဒဲးဘးအဂီၢ်န့ၣ်လီၤ.

လံာ်ယဃ့းစက့လး 43:27

တုၤမ့ၢ်တနွံလၢာ်ကွံာ်န့ၣ်, ပှၤလုၢ်တၢ်အခိၣ်တဖၣ်ကဘၣ်စးထီၣ် လုၢ်ထီၣ်ပှၤဂီၢ်မုၢ်အတၢ်ဆိၣ်ကဲၤအတၢ်လုၢ်တဖၣ်ဒီးအတၢ်လုၢ် မၤဃူမၤဖိးတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. အန့ၣ်တစု ယကဘၣ်သူၣ်ဘၣ်သးသုဝဲခဲလၢာ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 16:3

လဲၤနုာ်ဝဲကသ့ဒၣ်ဖဲလၢအဟဲစိာ်ဂီၤဖံးဖိတဒုလၢတၢ်လုၢ်, တၢ်ပျၢ်တၢ်ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအ ဂီၢ်ဝံၤအလီၢ်ခံန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 16:7

အန့ၣ်ဝံၤဒီးကဘၣ်လဲၤစိာ်မဲာ်တဲးလဲးဖါခံဒုန့ၣ်ဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:7

ဒီးစီၤမိၤၡ့စံးဘၣ်စီၤအၤဟရိၣ်, “လဲၤဆူတၢ်လုၢ်လီၢ်ဒီးလုၢ်ထီၣ်တၢ်ပျၢ်တၢ်ဒဲးဘးဒီးတၢ်လုၢ် မ့ၣ်အူလၢကစိာ်ကွံာ်နတၢ်ဒဲးဘးတဖၣ်ဒီးပှၤဂီၢ်မုၢ်အတၢ်ဒဲးဘး အဂီၢ်န့ၣ်တက့ၢ်. လုၢ်ထီၣ်တၢ်လုၢ်တဖၣ်အံၤလၢကစိာ် ကွံာ်ပှၤဂီၢ်မုၢ်အတၢ်ဒဲးဘးတဖၣ်ဒ်ယွၤမၤလိာ်ဝဲအသိးန့ၣ်တက့ၢ်.”

ဧ့ၤဘြံၤ 7:27

အဝဲန့ၣ်, အလီၢ်တအိၣ်ဘၣ်လၢအကလုၢ်ထီၣ်ပာ်ထီၣ်တၢ်လုၢ် တဖၣ်ကိးနံၤဒဲး, အဆိလၢအတၢ်ဒဲးဘးဒၣ်ဝဲအဂီၢ်, လၢခံက့ၤလၢပှၤဂၤအဂီၢ်, ဒ်ပှၤလုၢ်တၢ်အခိၣ်အဒိၣ်ကတၢၢ် တဖၣ်န့ၣ်အသိးဘၣ်. အဝဲလုၢ်ထီၣ်တၢ်ထဲတဘျီဧိၤလၢအလၢဝဲပှဲၤဝဲလၢကိးဆၢ ကတီၢ်ဒဲးအဂီၢ်ဖဲအလုၢ်ထီၣ်အသးဒၣ်ဝဲန့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.