လံာ်တၢ်ဘူၣ်ထီၣ်ဘါထီၣ် 16:5 - Sgaw Karen Common Bible

⁵ ဒီးအံၣ်စရ့လးအပှၤဂီၢ်မုၢ်ကဘၣ်ဟ့ၣ်စီၤအၤဟရိၣ်လၢမဲာ်တဲးလဲးဖါခံဒုလၢတၢ်လုၢ်တၢ် ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:21

အဝဲသ့ၣ်လဲၤစိာ်ဂီၤဖံးဖါနွံဒု, သိနွံဒု, သိဖိနွံဒုဒီးမဲာ်တဲးလဲးနွံဒုဒ်တၢ်လုၢ်တၢ်ပာ်တမံၤအဆိး လၢကစိာ်ထီၣ်ကွံာ်စီၤပၤအဟံၣ်ဖိဃီဖိတဖၣ်ဒီးကီၢ်ယူဒၤ အပှၤဂီၢ်မုၢ်အတၢ်ဒဲးဘးတဖၣ်အဂီၢ်ဒီးလၢတၢ်မၤကဆှီထီၣ် ယွၤအတၢ်လုၢ်ဟံၣ်အဂီၢ်န့ၣ်လီၤ. စီၤပၤစံးဘၣ်ပှၤလုၢ်တၢ်အခိၣ်တဖၣ်လၢအမ့ၢ်စီၤအၤဟရိၣ်အစၢၤ အသွဲၣ်လၢကလုၢ်ထီၣ်ဆၣ်ဖိကီၢ်ဖိတဖၣ်လၢတၢ်လုၢ်လီၢ်အဖီခိၣ်ဒ် တၢ်လုၢ်တၢ်ပာ်တဖၣ်အသိးန့ၣ်လီၤ.

လံာ်စီၤဧ့စြၤ 6:17

လၢတၢ်ပာ်စီဆှံအဂီၢ်န့ၣ်, အဝဲသ့ၣ်လုၢ်ထီၣ်ပာ်ထီၣ်ကျီၢ်ဖါဖိ တကယၤ, သိအဒု ခံကယၤဒီး, သိဖိအဒုလွံၢ်ကယၤ, ဒ်တၢ်လုၢ်တၢ်ပာ်တဖၣ်အသိး, ဒီးမဲာ်တဲးလဲးဖါတဆံခံဒု ဒ်တၢ်လုၢ်တၢ်ဒဲးဘးအသိး, တဒုလၢပှၤအံၣ်စရ့လးဖိတဒူၣ်စုာ် စုာ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:3

ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 8:14

ဒီးစီၤမိၤၡ့ဟံးန့ၢ်ဂီၤဖံးဖါဖိလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးစီၤအၤဟရိၣ်ဒီးအဖိခွါတဖၣ်ပာ်ထီၣ်အစုလၢအခိၣ်လိၤလီၤ.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်တၢ်ဂံၢ် 29:11

လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤလၢတၢ်ပာ်ဖှိၣ်အါထီၣ်ဒီးမဲာ်တဲးလဲးလၢတၢ်လုၢ်ထီၣ်အီၤ ဒ်တၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီပှၤဂီၢ်မုၢ်အဂီၢ်, ဒီးတၢ်လုၢ်မ့ၣ်အူတနံၤဘၣ်တနံၤအတၢ်လုၢ် ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံ, န့ၣ်တက့ၢ်.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.