လံာ်တၢ်ဘူၣ်ထီၣ်ဘါထီၣ် 16:3 - Sgaw Karen Common Bible

³ လဲၤနုာ်ဝဲကသ့ဒၣ်ဖဲလၢအဟဲစိာ်ဂီၤဖံးဖိတဒုလၢတၢ်လုၢ်, တၢ်ပျၢ်တၢ်ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအ ဂီၢ်ဝံၤအလီၢ်ခံန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 16:3 Iomraidhean Croise

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:6

ဒီးကလုၢ်ထီၣ်ဝဲဂီၤဖံးဖါတဒုလၢအနီၢ်ကစၢ်ဒၣ်ဝဲအတၢ် ဒဲးဘးကဘၣ်တၢ်ပျၢ်အီၤအဂီၢ်ဒီးလၢအဟံၣ်ဖိဃီဖိတဖၣ်အတၢ်ဒဲး ဘးကဘၣ်တၢ်ပျၢ်အီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 4:1

ဒီးယွၤဟ့ၣ်လီၤအကလုၢ်ဆူစီၤမိၤၡ့အအိၣ်, လၢအကစံးဘၣ်တဲဘၣ်ပှၤအံၣ်စရ့လးဖိတဖၣ်လၢပှၤတဂၤဂၤမ့ၢ်မၤ ဘၣ်တၢ်ဒဲးဘးဒီးခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ် သူၣ်ပာ်သးအပူၤန့ၣ်ကဘၣ်တိၢ်န့ၢ်တၢ်သိၣ်တၢ်သီဒ်လၢလာ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:3

ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 8:14

ဒီးစီၤမိၤၡ့ဟံးန့ၢ်ဂီၤဖံးဖါဖိလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးစီၤအၤဟရိၣ်ဒီးအဖိခွါတဖၣ်ပာ်ထီၣ်အစုလၢအခိၣ်လိၤလီၤ.

လံာ်တၢ်ဘူၣ်ထီၣ်ဘါထီၣ် 8:18

ဒီးစီၤမိၤၡ့ဟံးန့ၢ်သိဖါတဒုလၢတၢ်လုၢ်မ့ၣ်အူအဂီၢ်, ဒီးစီၤအၤဟရိၣ်အဖိခွါတဖၣ်ပာ်ထီၣ်အစုလၢအခိၣ်လိၤလီၤ.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 9:3

ဒီးစံးဘၣ်ပှၤအံၣ်စရ့လးဖိတဖၣ်လၢကဟဲစိာ်ဝဲမဲာ်တဲးလဲး ဖါတဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးဂီၤဖံးတနံၣ်ဖိတဒု, ဒီးသိတနံၣ်ဖိတဒုလၢမဲၣ်သူမဲၣ်ဂီၤတအိၣ်ဘၣ်လၢတၢ်လုၢ်မ့ၣ်အူအဂီၢ်,

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.