လံာ်တၢ်ဘူၣ်ထီၣ်ဘါထီၣ် 16:29 - Sgaw Karen Common Bible

²⁹ တၢ်သိၣ်တၢ်ဘျၢလၢလာ်တဖၣ်အံၤန့ၣ်ကဘၣ်တၢ်ဒိကနၣ်မၤထွဲအီၤ အစိၤစိၤအဃၣ်ဃၣ်န့ၣ်လီၤ. လၢနွံလါတလါထီၣ်အသီ တဆံအနံၤန့ၣ်ပှၤအံၣ်စရ့လးဖိဒီးပှၤတခီဘီမုၢ် ဖိလၢအအိၣ်ဝဲဆိးဝဲလၢပှၤအံၣ်စရ့လးဖိအကျါခဲလၢာ်ကဘၣ်ဒုၣ်တၢ်အီၣ်ဒီး တဘၣ်ဖံးတၢ်မၤတၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 16:29 Iomraidhean Croise

လံာ်စီၤပၤအခီၣ်ထံးတဘ့ၣ် 8:2

အဝဲသ့ၣ်ခဲလၢာ်အိၣ်ဖှိၣ်ရိဖှိၣ်ဖဲတၢ်မၤဘူၣ်ဘူၣ်ဒဲအခါလၢ လါအ့သၤနံၣ်အပူၤန့ၣ်လီၤ.

လံာ်စီၤဧ့စြၤ 3:1

တုၤလီၤလၢလါနွံလါတလါန့ၣ်, ကီၢ်အံၣ်စရ့လးအပှၤဂီၢ်မုၢ်ဆီ လီၤအတၢ်အိၣ်တၢ်ဆိးလၢအဝ့ၢ်ဒၣ်ဝဲတဖၣ်အပူၤဝံၤခဲလၢာ်လံ. အန့ၣ်ဒီးအိၣ်ဖှိၣ်ရိဖှိၣ်လၢဝ့ၢ်ယရူၤၡလ့ၣ်အပူၤ,

လံာ်စီၤဧ့စြၤ 8:21

ဖဲအၤဟဝၤထံကျိအကပၤန့ၣ်, ယဟ့ၣ်လီၤယကလုၢ်လၢပဝဲ ခဲလၢာ်ပကဒုၣ်တၢ်အီၣ်တၢ်အီဒီးဆီၣ်လီၤပသးလၢပကစၢ်ယွၤအမဲာ် ညါ, ဒီးဃ့အီၤလၢကဆှၢပှၤလၢပတၢ်လဲၤအပူၤဒီးကဒီဒၣ်အိၣ်ပှိၤပှၤ ဒီးပဖိတဖၣ်ဒီးကယဲၢ်တၢ်လၢအအိၣ်ဒီးပှၤတဖၣ်န့ၣ်လီၤ.

စံးထီၣ်ပတြၢၤ 35:13

ဘၣ်ဆၣ်ယဲဒၣ်ယၤအံၤ, ဖဲအဝဲသ့ၣ်ဘၣ်တၢ်ဆူးတၢ်ဆါန့ၣ်ဒီး ယကူထီၣ်ကၤထီၣ် တၢ်သူၣ်အုးသးအုးအဆ့ကၤ, ယတူၢ်ဖှီၣ်ယသးလၢတၢ်ဒုၣ်တၢ်အီၣ်န့ၣ်လီၤ. ယဘါထုကဖၣ်လၢတၢ်ဆုးလီၤယခိၣ်အပူၤ,

စံးထီၣ်ပတြၢၤ 69:10

တုၤယဆီၣ်လီၤယသးလၢတၢ်ဒုၣ်တၢ်အီၣ်န့ၣ် ကဲထီၣ်က့ၤဝဲလၢတၢ်ဒုၣ်ဒွဲၣ်ယၤန့ၣ်လီၤ.

လံာ်တၢ်ဟးထီၣ်ကွံာ် 12:16

ဒီးလၢအခီၣ်ထံးတသီဒီးနွံသီတသီန့ၣ်သုကဘၣ်ပာ်ဖှိၣ်ထီၣ်သု သးလၢတၢ်ဘူၣ်ထီၣ်ဘါထီၣ်အဂီၢ်လီၤ. လၢမုၢ်နံၤတဖၣ်န့ၣ်အတီၢ်ပူၤသုတဘၣ်မၤတၢ်နီတမံၤဘၣ်. ဘၣ်ဆၣ်ဒီးသုကတဲာ်ကတီၤတၢ်အီၣ်တၢ်အီသ့ဝဲလီၤ.

လံာ်တၢ်ဟးထီၣ်ကွံာ် 20:10

မ့မ့ၢ်နွံသီတသီန့ၣ်မ့ၢ်တၢ်အိၣ်ဘှံးအနံၤလၢတၢ်ပာ်စီဆှံ အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်ပှၤတဘၣ်မၤတၢ်နီတဂၤဘၣ်. သုဝဲသ့ၣ်မ့ၢ်ဂ့ၤ, သုဖိတဖၣ်မ့ၢ်ဂ့ၤ, သုကုၢ်တဖၣ်မ့ၢ်ဂ့ၤ, သုဆၣ်ဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်လၢသု ကီၢ်ပူၤမ့ၢ်ဂ့ၤတဘၣ်မၤတၢ်နီတဂၤဘၣ်.

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်တၢ်ဟးထီၣ်ကွံာ် 31:14

သုဘၣ်ပာ်စီဆှံမုၢ်အိၣ်ဘှံးအနံၤလီၤ. အဂ့ၢ်ဒ်အံၤ, စီဆှံဝဲလီၤ. ပှၤတဂၤလၢ်လၢ်လၢအတပာ်စီဆှံအီၤ, ဒီးမၤတၢ်လၢမုၢ်တနံၤန့ၣ်, ကဘၣ်တၢ်မၤသံအီၤန့ၣ်လီၤ.

လံာ်တၢ်ဟးထီၣ်ကွံာ် 31:15

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. မ့မ့ၢ်နွံသီတသီန့ၣ်, မ့ၢ်သပှၢ်ကတၢၢ်နံၤအိၣ်ဘှံးလၢတၢ်ပာ်စီဆှံအီၤဆူယအိၣ်လီၤ. ပှၤတဂၤလၢ်လၢ်လၢအမၤတၢ်တမံၤဂ့ၤတမံၤဂ့ၤလၢမုၢ်တနံၤန့ၣ်ကဘၣ်တၢ်မၤသံအီၤလီၤ.

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ယၡါယၤ 58:5

ဖဲသုဒုၣ်တၢ်အီၣ်တၢ်အီန့ၣ်, သုပာ်ဖျါသုသးလၢသုတူၢ်ဘၣ် တၢ်လီၤ. သုဆုးဖုၣ်လီၤသုခိၣ်တဖၣ်ဒ်နီၣ်အလၣ်တဘ့ၣ်အသိး, ဒီးသုဒါလီၤထၢၣ်တၢ်ကံးယာ်ဒီးဖှံလီၤဖၣ်ကမူၣ်ဖၣ်ဆါဒ်သိး သုကမံလီၤလၢအဖီခိၣ်အဂီၢ်လီၤ. တၢ်န့ၣ်မ့ၢ်တၢ်လၢသုကိးအီၤ လၢအမ့ၢ်တၢ်ဒုၣ်တၢ်အီၣ်တၢ်အီန့ၣ်ဧါ. မ့ၢ်သုဆိကမိၣ်လၢ ယကမုာ်သူၣ်မုာ်သးလၢတၢ်ဒ်န့ၣ်ဧါ.

လံာ်ဒၤနံးယ့လး 10:12

အန့ၣ်ဝံၤဒီးအဝဲစံးဘၣ်ယၤ, “စီၤဒၤနံးယ့လးဧၢ, ပျံၤတၢ်တဂ့ၤ, ကစၢ်ယွၤနၢ်ဟူတ့ၢ်လံနတၢ်ထုကဖၣ်တဖၣ်, စးထီၣ်မုၢ်တနံၤလၢ နပာ်လီၤနသးဒ်သိးနကဆီၣ်လီၤနသးလၢနကဒိးန့ၢ်ဘၣ်တၢ် သ့ၣ်ညါနၢ်ပၢၢ်န့ၣ်လီၤ. ယဟဲယဲလၢတၢ်စံးဆၢနတၢ်ထုကဖၣ် အဂီၢ်လီၤ.

လံာ်ဒၤနံးယ့လး 10:3

ယတအီၣ်ဘၣ်တၢ်အီၣ်အဝံၣ်မ့ၢ်ဂ့ၤ, တၢ်ဖံးတၢ်ညၣ်, တၢ်အီစပံးထံတကလုာ်ဂ့ၤတကလုာ်ဂ့ၤမ့ၢ်ဂ့ၤ, ခွံယခိၣ်မ့ၢ်ဂ့ၤ တုၤလၢသၢနွံလဲၤပူၤကွံာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 23:21

ဒီးလၢမုၢ်တနံၤဃီဒၣ်ဝဲန့ၣ်အပူၤမၤမုၢ်ဆ့ၣ်မုၢ်ဂီၤအတၢ်မၤနီ တမံၤတဂ့ၤ. မ့မ့ၢ်ပာ်ဖှိၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. သုစၢၤသုသွဲၣ်တဖၣ်ကဘၣ်တိၢ်န့ၢ်တၢ်သိၣ်တၢ်ဘျၢအံၤတဘိ ယူၢ်ဃီဖဲအအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:3

သုအိၣ်ဒီးမုၢ်နံၤဃုနံၤလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢနွံနံၤတနံၤန့ၣ်မ့ၢ်မုၢ် အိၣ်ဘှံးအနံၤတနံၤလၢသုကဘၣ်အိၣ်ဘှံးန့ၣ်လီၤ. သုတဘၣ်မၤတၢ်လၢမုၢ်နံၤအဝဲန့ၣ်ဘၣ်. မ့မ့ၢ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. မုၢ်အိၣ်ဘှံးနံၤန့ၣ်ဘၣ်ဃးဒီးယွၤဖဲသုအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:36

သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဒီးလၢဃိးနံၤတနံၤန့ၣ်ဟဲသကိးကဒီး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးလုၢ်ထီၣ်တၢ်လုၢ်မ့ၣ်အူ တက့ၢ်. မ့ၢ်မုၢ်နံၤတနံၤလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးသုတဘၣ်မၤ တၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 25:9

ဒီးလၢလါနွံလါတလါထီၣ်အသီတဆံအနံၤလၢအမ့ၢ်ဝဲတၢ်ပူၤဖျဲး အမုၢ်နံၤန့ၣ်သုဘၣ်ဒုးသီၣ်ကွဲၤအသီၣ်လၢသုကီၢ်ဒီကီၢ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်တၢ်ဂံၢ် 29:7

လၢလါနွံလါတလါထီၣ်အသီတဆံအနံၤန့ၣ်ပာ်ဖှိၣ်ထီၣ်သုသးလၢ တၢ်ဘူၣ်ထီၣ်ဘါထီၣ်ယွၤအဂီၢ်တက့ၢ်. အီၣ်တၢ်နီတမံၤတဂ့ၤ. ဒီးမၤတၢ်နီတမံၤတဂ့ၤ.

မၤတၢ် 27:9

ပအိၣ်ပဝဲဖဲန့ၣ်အါနံၤအါသီတုၤပကလဲၤဆူညါအဂီၢ်, တၢ်ဘၣ်ယိၣ်ဘၣ်ဘီအလီၢ်အိၣ်ထီၣ်ဝဲဒၣ်န့ၣ်လီၤ. အဂ့ၢ်ဒ်အံၤ, ခဲအံၤတၢ်ဆၢကတီၢ်စဲၤခံဝဲဒီးတၢ်ပျၢ်တၢ်ဒဲးဘးအမုၢ်နံၤ ပူၤကွံာ်လံဝဲအဃိန့ၣ်လီၤ. လၢတၢ်န့ၣ်အဃိ စီၤပီလူးဟ့ၣ်ကူၣ်ဟ့ၣ်ဖး အဝဲသ့ၣ်ဒီးစံးဝဲ,

1 ကရံၣ်သူး 11:31

ပမ့ၢ်သမံသမိးဆိလီၤက့ၤပသးဒီး, တမ့ၢ်လၢပကဘၣ်ယွၤ အတၢ်စံၣ်ညီၣ်ဘၣ်.

ဧ့ၤဘြံၤ 4:10

အဂ့ၢ်ဒ်အံၤ, ပှၤတဂၤလၢ်လၢ်လၢအဒိးန့ၢ်ဘၣ်တၢ်အိၣ်ဘှံးလၢ ကစၢ်ယွၤစံးပာ်န့ၣ်ကဆိကတီၢ်ကွံာ်လၢအတၢ်ဖံးတၢ်မၤဒ် ကစၢ်ယွၤအိၣ်ဘှံးက့ၤလၢတၢ်ဖံးတၢ်မၤအပူၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:6

လၢတၢ်န့ၣ်အဃိအဝဲသ့ၣ်ပာ်ဖှိၣ်ထီၣ်အသးဖဲဝ့ၢ်မံးစပၤလီၤ. အဝဲသ့ၣ်ဒၢၣ်န့ၢ်ထံတနီၤဒီးလူလီၤအီၤဒ်တၢ်လုၢ်မၤဘူၣ်တမံၤ ဆူယွၤအအိၣ်ဒီးဒုၣ်တၢ်အီၣ်သ့တနံၤကျၢၤလီၤ. အဝဲသ့ၣ်စံး, “ပမၤတ့ၢ်တၢ်ဒဲးဘးထီဒါယွၤလီၤ.” (ဝ့ၢ်မံးစပၤန့ၣ်မ့ၢ်တၢ်လီၢ်လၢစီၤၡမူၤအ့လးမၤလိၤမၤဘၣ် တၢ်ဂ့ၢ်လိာ်ဘှီလိာ်တဖၣ်လၢပှၤအံၣ်စရ့လးဖိတဖၣ်အဘၢၣ်စၢၤန့ၣ်လီၤ.)