လံာ်တၢ်ဘူၣ်ထီၣ်ဘါထီၣ် 16:26 - Sgaw Karen Common Bible

²⁶ ဒီးပှၤတဂၤလၢအပျဲကွံာ်မဲာ်တဲးလဲးဆူပှၢ်မုၢ်ကနၢလၢတၢ်နါဧ့စ့ၤစ့လး အဂီၢ်န့ၣ်, ကဘၣ်ဆှုၣ်အကူအသိးတဖၣ်ဒီးလုၢ်ထံတချုးလၢ အဟဲက့ၤနုာ်လီၤက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:26 Iomraidhean Croise

လံာ်တၢ်ဘူၣ်ထီၣ်ဘါထီၣ် 11:24

ပှၤတဂၤလၢ်လၢ်လၢအထိးဘၣ်ဆၣ်ဖိကီၢ်ဖိအစိၣ်န့ၣ်ကကဲထီၣ်တၢ် တကဆှီတုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:25

ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:27

ကယဲၢ်ဆၣ်ဖိကီၢ်ဖိလၢအဟးလၢအစုလၣ်အခီၣ်လၣ်လၢအအိၣ်ဒီးအခီၣ် လွံၢ်ခီန့ၣ်တကဆှီလၢသုဂီၢ်ဘၣ်. ကယဲၢ်ပှၤတဂၤလၢ်လၢ်လၢအထိးဘၣ်အစိၣ်န့ၣ်ကကဲထီၣ်တၢ်တကဆှီတုၤ မုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:28

ဒီးပှၤတဂၤလၢ်လၢ်လၢအစိာ်ဘၣ်အစိၣ်န့ၣ်ကဘၣ်ဆှုၣ်အကူအသိး, ဘၣ်ဆၣ်ကကဲထီၣ်တၢ်တကဆှီတုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:31

ပှၤတဂၤလၢ်လၢ်လၢအထိးဘၣ်အီၤမ့ၢ်ဂ့ၤ, အသံစိၣ်မ့ၢ်ဂ့ၤန့ၣ်, ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:32

ဒီးအသံစိၣ်မ့ၢ်လီၤတဲာ်ဘၣ်လၢတၢ်တမံၤဂ့ၤတမံၤဂ့ၤလၢအမ့ၢ်သ့ၣ်မ့ၢ်ဂ့ၤ, တၢ်ကူတၢ်သိးမ့ၢ်ဂ့ၤ, တၢ်ဖံးမ့ၢ်ဂ့ၤ, ထၢၣ်မ့ၢ်ဂ့ၤတၢ်လၢအဘၣ်တၢ်သူအီၤအလိၤန့ၣ်ကကဲထီၣ်တၢ်တကဆှီလီၤ. ဒီးတၢ်ကဘၣ်စုၣ်လီၤအီၤလၢထံအပူၤ, ဘၣ်ဆၣ်ကမ့ၢ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:39

ဒီးဆၣ်ဖိကီၢ်ဖိလၢတၢ်အီၣ်အီၤသ့မ့ၢ်သံဒီး, ပှၤတဂၤလၢ်လၢ်လၢအထိးဘၣ်အီၤန့ၣ်ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:40

ဒီးပှၤတဂၤလၢ်လၢ်လၢအအီၣ်ဆၣ်ဖိကီၢ်ဖိအသံန့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ကမ့ၢ်ဒံးတၢ်တကဆှီ တုၤမုၢ်ဟါန့ၣ်လီၤ. ပှၤတဂၤလၢ်လၢ်လၢအစိာ်တၢ်သံစိၣ်န့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ဒီးကမ့ၢ်ဒံးတၢ်တက ဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:8

ဒီးပှၤလၢအကဆှီထီၣ်တဂၤန့ၣ်ကဘၣ်ဆှုၣ်အကူအသိး, လူၤကွံာ်အဆူၣ်ခဲလၢာ်လၢအိၣ်လၢအလိၤဒီးလုၢ်ထံဒ်သိးကကဆှီထီၣ်အဂီၢ်လီၤ. ဒ်သိးဟဲက့ၤနုာ်ဆူပှၤသူၣ်ဒဲအလီၢ်ပူၤကသ့အဂီၢ်န့ၣ်ကဘၣ်အိၣ် လၢအဒဲဒၣ်ဝဲအချၢနွံသီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:27

ဒီးကယဲၢ်ပှၤလၢအထိးဘၣ်တၢ်လီၢ်တဖၣ်န့ၣ်ကကဲထီၣ်တၢ်တကဆှီဘၣ်, ဒီးကဘၣ်ဆှုၣ်အကူအသိး, ဒီးလုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:10

မ့မ့ၢ်မဲာ်တဲးလဲးတဒုလၢတၢ်ဖးလီၤဘၣ်လၢတၢ်နါ ဧ့စ့ၤစ့လးအဂီၢ်န့ၣ်ကဘၣ်တၢ်ပာ်အိၣ်မူဒံးအီၤလၢအမဲာ်ညါ ဒီးပျဲလီၤအီၤဆူပှၢ်မုၢ်ကနၢလၢပှၤဂီၢ်မုၢ်အတၢ်ဒဲးဘးကဘၣ် တၢ်ပျၢ်အီၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:25

ကဘၣ်ဆူးကဲၤထီၣ်ဆၣ်ဖိကီၢ်ဖိအသိလၢတၢ်လုၢ်လီၢ်အဖီခိၣ်လၢတၢ် လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:28

ဒီးပှၤတဂၤလၢအဆူးကဲၤတၢ်န့ၣ်ကဘၣ်ဆှုၣ်အကူအသိးဒီးလုၢ်ထံ, တချုးလၢအက့ၤနုာ်ကဒါက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:8

ဒီးဖဲန့ၣ်ကဘၣ်ဖီၣ်ဝဲတၢ်ဖးလၢမဲာ်တဲးလဲးဖါခံဒုအဂီၢ်ခီဖျိလၢၢ်ခံဖျၢၣ်, တဖျၢၣ်န့ၣ်လၢယွၤအဂီၢ်, ဒီးအတဖျၢၣ်န့ၣ်လၢတၢ်နါဧ့စ့ၤစ့လးအဂီၢ်လီၤ.

လံာ်တၢ်ဂံၢ် 19:21

သုကဘၣ်တိၢ်န့ၢ်တၢ်သိၣ်တၢ်ဘျၢအံၤအစိၤစိၤအဃၣ်ဃၣ်လီၤ. ပှၤတဂၤလၢအဖှံထံမၤကဆှီတၢ်န့ၣ်ကဘၣ်ဆှုၣ်စ့ၢ်ကီး အတၢ်ကူတၢ်သိးတဖၣ်လီၤ. ပှၤတဂၤလၢ်လၢ်လၢအထိးဘၣ်ထံမၤကဆှီ တၢ်လၢအအိၣ်တ့ၢ်ဒံးန့ၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ အကတီၢ်န့ၣ်လီၤ.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.