လံာ်တၢ်ဘူၣ်ထီၣ်ဘါထီၣ် 16:23 - Sgaw Karen Common Bible

²³ အန့ၣ်ဝံၤဒီးစီၤအၤဟရိၣ်ကလဲၤနုာ်လီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤ, ဒီးဘ့ၣ်လီၤကွံာ်ပှၤလုၢ်တၢ်အခိၣ်အကူအသိးတဖၣ်လၢအသိးထီၣ်ဝဲ တချုးလၢအနုာ်လီၤဆူတၢ်လီၢ်စီဆှံကတၢၢ်အပူၤ, ဒီးပာ်တ့ၢ်အီၤဖဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:23 Iomraidhean Croise

လံာ်ယဃ့းစက့လး 42:14

ဖဲပှၤလုၢ်တၢ်အခိၣ်တဖၣ်အိၣ်လၢယွၤအတၢ်လုၢ်ဟံၣ်အပူၤဒီး အဲၣ်ဒိးလဲၤဟးထီၣ်ဆူတၢ်လုၢ်ဟံၣ်အဂၢၤလၢတၢ်ချၢန့ၣ်, အဝဲသ့ၣ် ကဘၣ်ဘ့ၣ်လီၤတ့ၢ်အတၢ်ကူတၢ်သိးစီဆှံလၢအကၤဝဲဖဲအမၤယွၤ အတၢ်အခါ, လၢဒၢးအံၤအပူၤန့ၣ်လီၤ. အဝဲသ့ၣ်ကဘၣ်ကူထီၣ် သိးထီၣ်တၢ်ကူတၢ်ကၤအဂၤတဖၣ်, တချုးဒံးဘၣ်လၢအလဲၤ ဟးထီၣ်ဆူတၢ်လီၢ်ဖဲပှၤဂီၢ်မုၢ်တဖၣ်ပာ်ဖှိၣ်အသးဘၣ်န့ၣ်လီၤ.

လံာ်ယဃ့းစက့လး 44:19

တချုးဒံးလၢအဝဲသ့ၣ်လဲၤထီၣ်ဆူတၢ်လုၢ်ဟံၣ်အဂၢၤလၢတၢ်ချၢ ဖဲပှၤဂီၢ်မုၢ်တဖၣ်အိၣ်ဝဲန့ၣ်, အဆိကတၢၢ်အဝဲသ့ၣ်ကဘၣ်ဘ့ၣ်လီၤ ကွံာ်တၢ်ကူတၢ်ကၤတဖၣ်လၢအဝဲသ့ၣ်ကူသိးတ့ၢ်ဝဲဖဲအမၤအမူ အဒါလၢယွၤအတၢ်လုၢ်ဟံၣ်ပူၤအခါဒီးပာ်တ့ၢ်အီၤလၢဒၢးစီဆှံ တဖၣ်အပူၤန့ၣ်လီၤ. အဝဲသ့ၣ်ကဘၣ်ကူသိးထီၣ်တၢ်ကူ တၢ်ကၤအဂၤတဖၣ်ဒီးဒ်သိးကတြီအတၢ်ကူတၢ်သိး စီဆှံတဖၣ်လၢသုတမၤဘၣ်ဒိပှၤဂီၢ်မုၢ်တဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:22

မဲာ်တဲးလဲးတဒုန့ၣ်ကစိာ်ကွံာ်အဝဲသ့ၣ်အတၢ်ဒဲးဘးခဲလၢာ်ဆူပှၢ်မုၢ်ကနၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:4

အန့ၣ်ဝံၤဒီးယွၤဟ့ၣ်လီၤတၢ်သိၣ်တၢ်ဘျၢဒ်အဖီလာ်အသိးန့ၣ်လီၤ. တချုးလၢစီၤအၤဟရိၣ်နုာ်ဆူတၢ်လီၢ်စီဆှံကတၢၢ်ဒံးဘၣ်န့ၣ်, ကဘၣ်လုၢ်ထံဒီးသိးထီၣ်ပှၤလုၢ်တၢ်အခိၣ်အကူအသိးတဖၣ်လၢအမ့ၢ်ဆ့ဖှီဝါစီဆှံ, ယီၢ်တကိးဖှီဝါဒီးခိၣ်သလုးဖှီဝါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:11

အန့ၣ်ဝံၤဒီးကဘၣ်လဲလိာ်က့ၤအဆ့ကၤဒီးလဲၤစိာ်ဖၣ်ဆါတဖၣ်န့ၣ် ဆူတၢ်လီၢ်ကဆှီလၢဒဲအချၢန့ၣ်လီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.