လံာ်တၢ်ဘူၣ်ထီၣ်ဘါထီၣ် 16:21 - Sgaw Karen Common Bible

²¹ ဒီးကဘၣ်ပာ်ထီၣ်အစုခံခီလိာ်လၢမဲာ်တဲးလဲးန့ၣ်အခိၣ် လိၤဒီးတဲလီၤကျဲၤလီၤအံၣ်စရ့လးအပှၤဂီၢ်မုၢ်အတၢ်အၢတၢ်သီတဖၣ်ခဲလၢာ်, အတၢ်ဒဲးဘးတဖၣ်, ဒီးကီၢ်အံၣ်စရ့လးအပှၤဂီၢ်မုၢ်အတၢ်ပူထီၣ် တဖၣ်ဒ်သိးအပာ်ထီၣ်အီၤလၢမဲာ်တဲးလဲးတဒုန့ၣ်အခိၣ်လိၤန့ၣ် လီၤ. အန့ၣ်ဝံၤဒီးမဲာ်တဲးလဲးတဒုန့ၣ်ကဘၣ်တၢ်ပျဲကွံာ်အီၤဆူပှၢ် မုၢ်ကနၢခီဖျိပှၤလၢဘၣ်တၢ်ဃုထၢအီၤလၢတၢ်မၤအံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:21 Iomraidhean Croise

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

စံးထီၣ်ပတြၢၤ 51:3

အဂ့ၢ်ဒ်အံၤ, ယသ့ၣ်ညါယတၢ်မၤကမၣ်တၢ်တဖၣ်, ဒီးယတၢ်ဒဲးဘးအိၣ်လၢယမဲာ်ညါတထံၣ်ဃီလီၤ.

လံာ်တၢ်ဟးထီၣ်ကွံာ် 29:10

ဟဲစိာ်ဂီၤဖံးဖါဆူယအိၣ်ယဆိးအဒဲစီဆှံအမဲာ်ညါဒီးတဲဘၣ် စီၤအၤဟရိၣ်ဒီးအဖိခွါတဖၣ်လၢကပာ်ထီၣ်အစုလၢဂီၤဖံးဖါ အခိၣ်လိၤန့ၣ်တက့ၢ်.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:4

ကဘၣ်ပာ်အစုလၢဂီၤဖံးဖါအခိၣ်လိၤဒီးကဘၣ်တၢ်တူၢ်လိာ်အီၤဒ် တၢ်လုၢ်တၢ်ပာ်လၢအစိာ်ကွံာ်အတၢ်ဒဲးဘးအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:20

ဖဲစီၤအၤဟရိၣ်မၤဝံၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီ တၢ်လီၢ်စီဆှံကတၢၢ်, တၢ်ဘူၣ်ထီၣ်ဘါထီၣ်ယွၤအဒဲခဲလၢာ်, ဒီးတၢ်လုၢ်လီၢ်, တစုန့ၣ်, အဝဲကဘၣ်လုၢ်ထီၣ်မဲာ်တဲးလဲးမူဒံးတဒုဆူယွၤ အအိၣ်လၢအဘၣ်တၢ်ဃုထၢအီၤလၢတၢ်နါဧ့စ့ၤစ့လးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:22

မဲာ်တဲးလဲးတဒုန့ၣ်ကစိာ်ကွံာ်အဝဲသ့ၣ်အတၢ်ဒဲးဘးခဲလၢာ်ဆူပှၢ်မုၢ်ကနၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:40

မ့မ့ၢ်သုစၢၤသုသွဲၣ်တဖၣ်ကအၢၣ်လီၤအတၢ်ဒဲးဘးဒီးပှၤလၢအဝဲ သ့ၣ်ဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးတဖၣ်လၢ အမၤကမၣ်ယၤဒီးပူထီၣ်ထီဒါယၤ,

လံာ်တၢ်ဘူၣ်ထီၣ်ဘါထီၣ် 5:5

တုၤပှၤတဂၤအတၢ်ဒဲးဘးအိၣ်လၢတၢ်တမံၤမံၤအံၤအပူၤန့ၣ်အဝဲ ကဘၣ်အၢၣ်လီၤအတၢ်ဒဲးဘးလၢအမၤတ့ၢ်ဝဲလီၤ.

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.