လံာ်တၢ်ဘူၣ်ထီၣ်ဘါထီၣ် 16:20 - Sgaw Karen Common Bible

²⁰ ဖဲစီၤအၤဟရိၣ်မၤဝံၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီ တၢ်လီၢ်စီဆှံကတၢၢ်, တၢ်ဘူၣ်ထီၣ်ဘါထီၣ်ယွၤအဒဲခဲလၢာ်, ဒီးတၢ်လုၢ်လီၢ်, တစုန့ၣ်, အဝဲကဘၣ်လုၢ်ထီၣ်မဲာ်တဲးလဲးမူဒံးတဒုဆူယွၤ အအိၣ်လၢအဘၣ်တၢ်ဃုထၢအီၤလၢတၢ်နါဧ့စ့ၤစ့လးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:20 Iomraidhean Croise

လံာ်ယဃ့းစက့လး 45:20

လၢလါထီၣ်နွံသီတသီန့ၣ်သုကဘၣ်မၤတၢ်တမံၤဃီဒ်အံၤလၢပှၤတဂၤဂၤ လၢအမၤတၢ်ဒဲးဘးလၢတၢ်တပာ်သူၣ်ပာ်သးအဃိမ့ၢ်ဂ့ၤ, လၢအတၢ်နူၤပၢၢ်နၢ်ဘှါတအိၣ်အဃိမ့ၢ်ဂ့ၤအဂီၢ်န့ၣ်လီၤ. လၢကျဲဒ်အံၤအပူၤန့ၣ်သုကပာ်စီပာ်ဆှံယွၤအတၢ်လုၢ်ဟံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:16

အအံၤမ့ၢ်တၢ်မၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီ ထီၣ်တၢ်လီၢ်စီဆှံကတၢၢ်လၢအံၣ်စရ့လးအပှၤ ဂီၢ်မုၢ်အတၢ်တကဆှီဒီးအတၢ်ဒဲးဘးတဖၣ်အဂီၢ်န့ၣ်လီၤ. ဒီးကဘၣ်မၤဝဲလၢတၢ်ဘူၣ်ထီၣ်ဘါထီၣ်ယွၤအဒဲအဂီၢ်မ့ၢ်လၢအအိၣ် လၢပှၤဂီၢ်မုၢ်အတၢ်သူၣ်ဒဲအလီၢ်ခၢၣ်သးလၢအမ့ၢ်တၢ်တကဆှီ ဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:19

ဒီးကဘၣ်ဖှံတၢ်သွံၣ်နွံစုန့ၣ်လၢတၢ်လုၢ်လီၢ်အဖီခိၣ်န့ၣ်လီၤ. အအံၤမ့ၢ်အဝဲအတၢ်မၤကဆှီထီၣ်တၢ်လုၢ်လီၢ်လၢအံၣ်စရ့လးအပှၤ ဂီၢ်မုၢ်အတၢ်ဒဲးဘးတဖၣ်အဂီၢ်ဒီးမၤစီဆှံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:21

ဒီးကဘၣ်ပာ်ထီၣ်အစုခံခီလိာ်လၢမဲာ်တဲးလဲးန့ၣ်အခိၣ် လိၤဒီးတဲလီၤကျဲၤလီၤအံၣ်စရ့လးအပှၤဂီၢ်မုၢ်အတၢ်အၢတၢ်သီတဖၣ်ခဲလၢာ်, အတၢ်ဒဲးဘးတဖၣ်, ဒီးကီၢ်အံၣ်စရ့လးအပှၤဂီၢ်မုၢ်အတၢ်ပူထီၣ် တဖၣ်ဒ်သိးအပာ်ထီၣ်အီၤလၢမဲာ်တဲးလဲးတဒုန့ၣ်အခိၣ်လိၤန့ၣ် လီၤ. အန့ၣ်ဝံၤဒီးမဲာ်တဲးလဲးတဒုန့ၣ်ကဘၣ်တၢ်ပျဲကွံာ်အီၤဆူပှၢ် မုၢ်ကနၢခီဖျိပှၤလၢဘၣ်တၢ်ဃုထၢအီၤလၢတၢ်မၤအံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:30

ဘၣ်ဆၣ်ဒီးတၢ်သွံၣ်တနီၤနီၤမ့ၢ်ဘၣ်တၢ်စိာ်နုာ်အီၤဆူတၢ်ဘူၣ် ထီၣ်ဘါထီၣ်ယွၤအဒဲအပူၤဒီးသူအီၤလၢ တၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်, ဆၣ်ဖိကီၢ်ဖိအံၤတၢ်တဘၣ်အီၣ်အီၤဘၣ်ဒီး ကဘၣ်တၢ်ဆူးကဲၤကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 8:15

စီၤမိၤၡ့မၤသံဂီၤဖံးဖါဖိန့ၣ်ဒီးဟံးန့ၢ်ဝဲအသွံၣ်တနီၤ, ဒီးပာ်ထီၣ်ဝဲဒီးအစုမုၢ်လၢတၢ်လုၢ်ထီၣ်အနၢၤတဖၣ်အလိၤ လၢတၢ်ပာ်စီဆှံထီၣ်အဂီၢ်န့ၣ်လီၤ. ဒီးတၢ်သွံၣ်လၢအအိၣ်တ့ၢ်န့ၣ်လူလီၤဝဲလၢတၢ်လုၢ်လီၢ်အခီၣ်ထံး ဒ်အမ့ၢ်တၢ်ပာ်စီဆှံထီၣ်ဒီးမၤစီဆှံအီၤအသိးန့ၣ်လီၤ.

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ရိမ့ၤ 8:34

မ့မ့ၢ်ဒ်န့ၣ်ဒီး, မ့ၢ်မတၤကစံၣ်ညီၣ်ဃၣ်အဝဲသ့ၣ်တဂၤဂၤန့ၣ်လဲၣ်. တမ့ၢ်ယ့ၣ်ၡူးခရံာ်လၢအသံတ့ၢ်, ဘၣ်ဆၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဒီးခဲအံၤအိၣ်ဝဲဒၣ်လၢယွၤအစုထွဲတခီ တဂၤန့ၣ်ဘၣ်ဧါ. အဝဲဒၣ်ဃ့သကွံၢ်ကညးတၢ်ဒီးယွၤလၢ ပဂီၢ်န့ၣ်လီၤ.

၂ ကရံၣ်သူး 5:19

ပတၢ်ကစီၣ်မ့ၢ်ဝဲ, ကစၢ်ယွၤဒုးကဲထီၣ်ပှၤဟီၣ်ခိၣ်ဖိခဲလၢာ်လၢ အတံၤသကိးတဖၣ်ခီဖျိခရံာ်န့ၣ်လီၤ. ကစၢ်ယွၤတကွဲးနီၣ်ကွဲးဃါအဝဲသ့ၣ်အတၢ်ဒဲးဘးအဂ့ၢ်အကျိၤ တဖၣ်ဘၣ်. ဒီးအဝဲဒၣ်ဟ့ၣ်ပှၤတၢ်ကစီၣ်လၢအတဲဘၣ်ဃး အဝဲဒၣ်ဒုးကဲထီၣ်အဝဲသ့ၣ်လၢအတံၤသကိးတဖၣ်န့ၣ် လၢကျဲဒ်လဲၣ်အဂ့ၢ်လီၤ.

ကလီးစဲ 1:20

ဒီးခီဖျိအီၤန့ၣ်ကစၢ်ယွၤကမၤဘၣ်လိာ်က့ၤတၢ်ခဲလၢာ်ဒီး အနီၢ်ကစၢ်ဒၣ်ဝဲ, ဒီးခီဖျိဖိခွါအတၢ်ဒိးသံအသးလၢထူၣ်စုညါ အလိၤန့ၣ်, အဝဲမၤတၢ်ဃူတၢ်ဖိးဒီးတၢ်အိၣ်လၢဟီၣ်ခိၣ် ဒီးမူခိၣ်ခဲလၢာ်, ဒီးကိးက့ၤအဝဲသ့ၣ်ဆူအနီၢ်ကစၢ်ဒၣ်ဝဲအအိၣ် န့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.