လံာ်တၢ်ဘူၣ်ထီၣ်ဘါထီၣ် 16:2 - Sgaw Karen Common Bible

² ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:2 Iomraidhean Croise

လံာ်စီၤပၤအခီၣ်ထံးတဘ့ၣ် 6:16

ဒၢးလၢတၢ်အသးကံၢ်ပူၤကတၢၢ်လၢအဘၣ်တၢ်ကိးအီၤလၢတၢ်စီဆှံ ကတၢၢ်န့ၣ်ဘၣ်တၢ်ဘှီအီၤဖဲယွၤအတၢ်လုၢ်ဟံၣ်အလီၢ်ခံန့ၣ်လီၤ. အထီအိၣ်ဝဲအပျၢ်ခံဆံဒီးဘၣ်တၢ်ဒူၣ်တဲာ်အီၤလၢသ့ၣ်ဆှိအ့ ရ့းအသ့ၣ်ဘၣ်တဖၣ်စးထီၣ်လၢတၢ်ဒါအလီၢ်ဒီးတုၤလၢအခိၣ်ဒုးလာ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:6

ဒီးပှၤလုၢ်တၢ်အခိၣ်တဖၣ်လဲၤစိာ်နုာ်ယွၤအတၢ်အၢၣ်လီၤအီလီၤ အတလါစီဆှံဆူယွၤအတၢ်လုၢ်ဟံၣ်အပူၤဒီးပာ်လီၤဝဲလၢတၢ်လီၢ် စီဆှံကတၢၢ်ဖဲခ့ရူာ်တဖၣ်အဒံးဆ့အဖီလာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:14

သတးဒီးပှၤလုၢ်တၢ်အခိၣ်တဖၣ်, မၤတၢ်ဘူၣ်ထီၣ်ဘါထီၣ်ယွၤအတၢ် ရဲၣ်တၢ်ကျဲၤတသ့လၢၤဘၣ်လၢတၢ်အၢၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 16:13

ဒီးဘၣ်ပာ်တၢ်နၢမူလၢမ့ၣ်အူဖီခိၣ်လၢယွၤအမဲာ်ညါ, ဒ်သိးတၢ်နၢမူအမ့ၣ်အူလုၣ်ကကျၢၢ်ဘၢတၢ်အၢၣ်လီၤအီလီၤတလါ အဖီခိၣ်ဒ်သိးအသုတထံၣ်အီၤဒီးသံတဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:34

ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ. တၢ်ဘူၣ်တၢ်ဘါအလုၢ်အလၢ်အံၤကဘၣ်တၢ်မၤအီၤတနံၣ်တဘျီ, လၢတၢ်ကမၤကဆှီထီၣ်က့ၤအံၣ်စရ့လးအပှၤဂီၢ်မုၢ်လၢအတၢ်ဒဲးဘး ခဲလၢာ်အဂီၢ်န့ၣ်လီၤ. ဒီးမၤဝဲဒ်ယွၤမၤလိာ်တ့ၢ်အီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:35

သုကဘၣ်အိၣ်လၢတၢ်ဘူၣ်ထီၣ်ဘါထီၣ်ယွၤအကျဲစၢၤနွံနံၤနွံနၤ, ဒီးမၤတၢ်လၢယွၤမၤလိာ်ဝဲန့ၣ်လီၤ. သုမ့ၢ်တမၤဘၣ်တၢ်န့ၣ်ဒီးသုကသံလီၤ. တၢ်အံၤမ့ၢ်တၢ်လၢယွၤမၤလိာ်ယၤန့ၣ်လီၤ.”

လံာ်တၢ်ဂံၢ် 17:10

ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”

လံာ်တၢ်ဂံၢ် 4:19

သုတဘၣ်တၢ်မၤသံကွံာ်အီၤလၢအဟဲဘူးဒီးတၢ်စီဆှံအပီးအလီ တဖၣ်အံၤအဃိတဂ့ၤ. လၢတၢ်တြီဃာ်တၢ်အံၤဒ်သိးအသုတကဲထီၣ်တဂ့ၤအဂီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဝဲဒီးဟ့ၣ်လီၤပှၤ တဂၤဘၣ်တဂၤအမူအဒါလၢကမၤဝဲဒီးတဲဘၣ်အီၤတၢ်လၢ ကဘၣ်စိာ်ဝဲန့ၣ်လီၤ.

လံာ်တၢ်ဂံၢ် 4:5

ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.

လံာ်မးသဲ 27:51

တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်,

ဧ့ၤဘြံၤ 6:19

ပအိၣ်ဒီးတၢ်မုၢ်လၢ်အံၤဒ်ပသးသမူအနီၣ်သက့ၤအသိးလီၤ. တၢ်မုၢ်လၢ်အံၤမ့ၢ်တၢ်လၢအလီၤတံၢ်ဒီးဂၢၢ်ဝဲကျၢၤဝဲ ဒီးလဲၤနုာ်ပၢၢ်တုၤလၢတၢ်စီဆှံအလီၢ်ဖျိကွံာ်ယၣ်ဘျးလီၤအသး,

ဧ့ၤဘြံၤ 9:25

ပှၤယူဒၤဖိအပှၤလုၢ်တၢ်အခိၣ်အဒိၣ်ကတၢၢ်လဲၤနုာ်ဝဲဆူ တၢ်စီဆှံကတၢၢ်အလီၢ်ကိးနံၣ်ဒဲးစိာ်ဃုာ်ဒီးဆၣ်ဖိကီၢ်ဖိ အသွံၣ်လီၤ. ဘၣ်ဆၣ်ခရံာ်တလုၢ်ထီၣ်ဘၣ်အနီၢ်ကစၢ်ဒၣ်ဝဲ တဘျီဘၣ်တဘျီဒ်န့ၣ်အသိးဘၣ်.

ဧ့ၤဘြံၤ 9:3

ဒဲလၢအအိၣ်လၢယၣ်ဘျးသဒၢတၢ်ခံဘ့ၣ်တဘ့ၣ်အလီၢ်ခံတခီ ဘၣ်တၢ်ကိးအီၤလၢတၢ်စီတၢ်ဆှံကတၢၢ်အလီၢ်န့ၣ်လီၤ.

ဧ့ၤဘြံၤ 9:5

လၢတလါအံၤအဖီခိၣ်န့ၣ်တၢ်လၤကပီၤအခ့ရူာ်တဖၣ်အိၣ်ဝဲလီၤ. အဒံးဆ့တဖၣ်သလၣ်ထီၣ်အသးဒီးကဒုလီၤဘၣ်လၢတၢ်သူၣ် ကညီၤသးကညီၤအလီၢ်ပစိာ်အလိၤန့ၣ်လီၤ. ဘၣ်ဆၣ်ခဲအံၤ, တမ့ၢ်ဘၣ်တၢ်အကတီၢ်လၢပကတဲဖျါတၢ်ဂ့ၢ်တဖၣ်အံၤလီၤ တံၢ်လီၤဆဲးန့ၣ်ဘၣ်.

လံာ်လီၣ်ဖျါ 15:8

တၢ်လုၢ်ဟံၣ်ပှဲၤဝဲဒီးမ့ၣ်အူလုၢ်လၢအဟဲလၢကစၢ်ယွၤ အလၤကပီၤဒီးအစိကမီၤ, ဒီးတချုးလၢတၢ်နးတၢ်ဖှီၣ်နွံမံၤလၢအဘၣ်တၢ်ဟဲစိာ် အီၤလၢကလူးနွံဂၤကတၢၢ်ဒံးဘၣ်န့ၣ်, ပှၤလဲၤနုာ်ဆူတၢ်လုၢ်ဟံၣ်အပူၤတသ့ဝဲနီတဂၤ ဘၣ်လီၤ.