လံာ်တၢ်ဘူၣ်ထီၣ်ဘါထီၣ် 16:14 - Sgaw Karen Common Bible

¹⁴ ဒီးကဘၣ်ဟံးန့ၢ်ဂီၤဖံးဖါန့ၣ်အသွံၣ်တနီၤ, ဒီးဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အမဲာ်ညါလၢအစုမုၢ် န့ၣ်လီၤ. အန့ၣ်ဝံၤဒီးဖှံအီၤတနီၤလၢတၢ်အၢၣ်လီၤအီလီၤတလါအမဲာ်ညါ နွံစုန့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 16:14 Iomraidhean Croise

လံာ်တၢ်ဘူၣ်ထီၣ်ဘါထီၣ် 16:19

ဒီးကဘၣ်ဖှံတၢ်သွံၣ်နွံစုန့ၣ်လၢတၢ်လုၢ်လီၢ်အဖီခိၣ်န့ၣ်လီၤ. အအံၤမ့ၢ်အဝဲအတၢ်မၤကဆှီထီၣ်တၢ်လုၢ်လီၢ်လၢအံၣ်စရ့လးအပှၤ ဂီၢ်မုၢ်အတၢ်ဒဲးဘးတဖၣ်အဂီၢ်ဒီးမၤစီဆှံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:17

ဒီးဘျၢလီၤအစုမုၢ်တဘိလၢတၢ်သွံၣ်အပူၤဒီးဖှံအီၤနွံစု လၢယၣ်ဘျးတဒၢအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:11

ဒီးဟံးန့ၢ်ဝဲသိတနီၤဒီးဖှံတၢ်လုၢ်လီၢ်အဖီခိၣ်ဒီး တၢ်အပီးအလီခဲလၢာ်, ဒီးသရာ်အဖီခိၣ်ဒီးအခီၣ်ထံးနွံစု, ဒ်တၢ်ပာ်စီဆှံထီၣ်တၢ်တဖၣ်အံၤဆူယွၤအအိၣ်န့ၣ်လီၤ.

လံာ်တၢ်ဂံၢ် 19:4

အန့ၣ်ဝံၤဒီးစီၤအလၤဧစၢ်ကဘၣ်ဟံးန့ၢ်အသွံၣ်တနီၤဒီးကဘၣ်ဖှံ အီၤလိၤလိၤဆူဒဲစီဆှံန့ၣ်နွံဘျီလၢအစုမုၢ်လီၤ.

ဧ့ၤဘြံၤ 10:19

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ပအိၣ်ဒီးတၢ်သဘျ့အလၢအပှဲၤလၢပကလဲၤနုာ်ဘၣ်ဆူတၢ်လီၢ် စီဆှံကတၢၢ်အပူၤခီဖျိယ့ၣ်ၡူးအတၢ်သံန့ၣ်လီၤ.

ဧ့ၤဘြံၤ 10:4

အဂ့ၢ်ဒ်အံၤဂီၤဖံးဖါဒီးမဲာ်တဲးလဲးတဖၣ်အသွံၣ်ဟံးထီၣ်ကွံာ်ပှၤ အတၢ်ဒဲးဘးတဖၣ်တသ့နီတဘျီဘၣ်.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 9:13

မဲာ်တဲးလဲးဒီးဂီၤဖံးဖါအသွံၣ်ဒီးဂီၤဖံးမိၢ်လၢအဘၣ်တၢ်ဒွဲၣ် အူထီၣ်အီၤအဖၣ်ဆါအဘၣ်တၢ်ဖှံအီၤလၢပှၤဂီၢ်မုၢ်လၢ အတကဆှီဝဲဒ်တၢ်အလုၢ်အလၢ်အသိးတဖၣ်အလိၤလၢကမၤ ကဆှီထီၣ်အဝဲသ့ၣ်လၢကယဲၢ်မ့ၢ်တၢ်လၢအမၤ တကဆှီဘၣ်အဝဲသ့ၣ်န့ၣ်လီၤ.

ဧ့ၤဘြံၤ 9:21

အဝဲဖှံစ့ၢ်ကီးဒဲစီဆှံဒီးတၢ်အပီးအလီခဲလၢာ်လၢအဘၣ် တၢ်သူအီၤလၢတၢ်ဘူၣ်ထီၣ်ဘါအပူၤလၢတၢ်အသွံၣ်ဒ်န့ၣ် အသိးလီၤ.

ဧ့ၤဘြံၤ 9:25

ပှၤယူဒၤဖိအပှၤလုၢ်တၢ်အခိၣ်အဒိၣ်ကတၢၢ်လဲၤနုာ်ဝဲဆူ တၢ်စီဆှံကတၢၢ်အလီၢ်ကိးနံၣ်ဒဲးစိာ်ဃုာ်ဒီးဆၣ်ဖိကီၢ်ဖိ အသွံၣ်လီၤ. ဘၣ်ဆၣ်ခရံာ်တလုၢ်ထီၣ်ဘၣ်အနီၢ်ကစၢ်ဒၣ်ဝဲ တဘျီဘၣ်တဘျီဒ်န့ၣ်အသိးဘၣ်.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.