လံာ်တၢ်ဘူၣ်ထီၣ်ဘါထီၣ် 15:5 - Sgaw Karen Common Bible

⁵ ကယဲၢ်ပှၤလၢအထိးဘၣ်အလီၢ်မံမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 15:5 Iomraidhean Croise

စံးထီၣ်ပတြၢၤ 26:6

ယွၤဧၢ, ယသ့ယစုလၢတၢ်ဒဲးဘးတအိၣ်ဘၣ်အပူၤ ဒီးလဲၤဆူနတၢ်လုၢ်လီၢ်လၢ တၢ်ဘူၣ်ထီၣ်ဘါထီၣ်နၤအဂီၢ်လီၤ.

စံးထီၣ်ပတြၢၤ 51:2

သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်ယၡါယၤ 22:14

ယွၤစိဒိၣ်ကမီၤထီ, သ့တၢ်လၢာ်ကစၢ်အကစၢ်ဒၣ်ဝဲကတိၤတ့ၢ် တၢ်ဒီးယၤဒီးစံးဝဲ, “ဖဲအဝဲသ့ၣ်အိၣ်မူဒံးအဖၢမုၢ်ဒီး, တၢ်အၢတၢ်သီအံၤတၢ်ပျၢ်ဖျဲးအီၤတသ့ဘၣ်နီတစုဘၣ်. ယၤ, ယွၤစိဒိၣ်ကမီၤထီ, သ့တၢ်လၢာ်ကစၢ်ကတိၤတ့ၢ်လံတၢ်လီၤ.”

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ယဃ့းစက့လး 36:29

ယကမၤပူၤဖျဲးသုလၢကယဲၢ်တၢ်ကိးမံၤဒဲးလၢအမၤဘၣ်အၢ သုန့ၣ်လီၤ. ယကဟ့ၣ်လီၤယကလုၢ်လၢဘုဧိၤဟုဧိၤကအါဝဲဂီၢ်ဝဲအဂီၢ်, ဒ်သိးသုသုတအိၣ်ဒီးတၢ်သၣ်ဝံၤလီၤဒိနီတဘျီလၢၤတဂ့ၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:24

ပှၤတဂၤလၢ်လၢ်လၢအထိးဘၣ်ဆၣ်ဖိကီၢ်ဖိအစိၣ်န့ၣ်ကကဲထီၣ်တၢ် တကဆှီတုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:25

ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:28

ဒီးပှၤတဂၤလၢ်လၢ်လၢအစိာ်ဘၣ်အစိၣ်န့ၣ်ကဘၣ်ဆှုၣ်အကူအသိး, ဘၣ်ဆၣ်ကကဲထီၣ်တၢ်တကဆှီတုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:32

ဒီးအသံစိၣ်မ့ၢ်လီၤတဲာ်ဘၣ်လၢတၢ်တမံၤဂ့ၤတမံၤဂ့ၤလၢအမ့ၢ်သ့ၣ်မ့ၢ်ဂ့ၤ, တၢ်ကူတၢ်သိးမ့ၢ်ဂ့ၤ, တၢ်ဖံးမ့ၢ်ဂ့ၤ, ထၢၣ်မ့ၢ်ဂ့ၤတၢ်လၢအဘၣ်တၢ်သူအီၤအလိၤန့ၣ်ကကဲထီၣ်တၢ်တကဆှီလီၤ. ဒီးတၢ်ကဘၣ်စုၣ်လီၤအီၤလၢထံအပူၤ, ဘၣ်ဆၣ်ကမ့ၢ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:34

ဒီးလၢနွံသီတသီန့ၣ်ပှၤလုၢ်တၢ်အခိၣ်ကကွၢ်ကဒီးတၢ်အပူၤလီၢ်, ဒီးမ့ၢ်တလဲၢ်ထီၣ်ဒီးတယိာ်န့ၢ်အဖံးလၢအခိၣ်အဃၢၤဘၣ်ဒီးအဝဲ ကဘိးဘၣ်သ့ၣ်ညါအီၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးန့ၣ်လီၤ. ဒီးပှၤတဂၤန့ၣ်ကဆှုၣ်အတၢ်ကူတၢ်သိးဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 13:6

ဒီးလၢနွံသီတသီန့ၣ်ပှၤလုၢ်တၢ်အခိၣ်ကကွၢ်ကဒီးအီၤတဘျီ, ဒီးအပူၤလီၢ်မ့ၢ်လီၤသံးကွံာ်ဒီးတလဲၢ်ထီၣ်ဘၣ်န့ၣ်, ကဘိးဘၣ်သ့ၣ်ညါလၢပှၤတဂၤန့ၣ်ကဆှီဝဲဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးဒီးမ့ၢ်ဒၣ်တၢ်ပူၤလီၢ်တခါလီၤ. ဒီးပှၤတဂၤန့ၣ်ကဆှုၣ်အတၢ်ကူတၢ်သိးဒီးကမ့ၢ်ပှၤကဆှီ တဂၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးလီၤ.

လံာ်တၢ်ဘူၣ်ထီၣ်ဘါထီၣ် 14:27

ဒီးကဖှံတၢ်သွံၣ်တနီၤနွံစုလၢအစုမုၢ်လၢအထွဲတခီလၢယွၤအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:18

ပိာ်ခွါဒီးပိာ်မုၣ်မံဃုာ်လိာ်အသးမ့ၢ်ဝံၤန့ၣ်အဝဲသ့ၣ်ခံဂၤလိာ်ကဘၣ်လုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:4

ဒီးကယဲၢ်လီၢ်မံလၢအဆ့ၣ်နီၤဝဲလၢအလိၤမ့ၢ်ဂ့ၤ, မံလီၤဝဲလၢအလိၤမ့ၢ်ဂ့ၤန့ၣ်မ့ၢ်တၢ်တကဆှီဘၣ်လီၤ.

လံာ်တၢ်ဘူၣ်ထီၣ်ဘါထီၣ် 15:6

ဆ့ၣ်နီၤဘၣ်ဝဲလၢအဝဲဆ့ၣ်နီၤတ့ၢ်အလီၢ်မ့ၢ်ဂ့ၤန့ၣ်ကဘၣ်ဆှုၣ်အ တၢ်ကူတၢ်သိးဒီးလုၢ်ထံ, ဒီးကဲထီၣ်ပှၤတကဆှီဘၣ်တုၤမုၢ်ဟါ လီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:26

ဒီးပှၤတဂၤလၢအပျဲကွံာ်မဲာ်တဲးလဲးဆူပှၢ်မုၢ်ကနၢလၢတၢ်နါဧ့စ့ၤစ့လး အဂီၢ်န့ၣ်, ကဘၣ်ဆှုၣ်အကူအသိးတဖၣ်ဒီးလုၢ်ထံတချုးလၢ အဟဲက့ၤနုာ်လီၤက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:28

ဒီးပှၤတဂၤလၢအဆူးကဲၤတၢ်န့ၣ်ကဘၣ်ဆှုၣ်အကူအသိးဒီးလုၢ်ထံ, တချုးလၢအက့ၤနုာ်ကဒါက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:15

ပှၤတဂၤလၢ်လၢ်လၢအမ့ၢ်ပှၤအံၣ်စရ့လးဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, မ့ၢ်အီၣ်ဆၣ်ဖိကီၢ်ဖိလၢအသံဒၣ်ဝဲ, မ့တမ့ၢ်လၢအဘၣ်တၢ်အ့ၣ်သံအီၤလၢတၢ်မံၤလာ်အ ညၣ်န့ၣ်ကဘၣ်ဆှုၣ်အကူအသိးတဖၣ်, ဒီးလုၢ်ထံလီၤ. ဒီးကကဲထီၣ်ဝဲတၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဂံၢ် 19:10

ပှၤတဂၤလၢအထၢဖှိၣ်ချါတဖၣ်န့ၣ်ကဘၣ်ဆှုၣ်အတၢ်ကူတၢ်သိးတဖၣ်, ဘၣ်ဆၣ်ဒီးအဝဲမ့ၢ်တၢ်တကဆှီဘၣ်တုၤမုၢ်ဟါလီၤအကတီၢ်န့ၣ်လီၤ. အအံၤမ့ၢ်တၢ်သိၣ်တၢ်ဘျၢအဂၢၢ်အကျၢၤအစိၤစိၤအဃၣ်ဃၣ်လၢပှၤ အံၣ်စရ့လးဖိတဖၣ်ဒီးပှၤတခီဘီမုၢ်ဖိလၢအအိၣ်ဆိးလၢအဝဲသ့ၣ် အကျါခံဖုလိာ်အဂီၢ်န့ၣ်လီၤ.

လံာ်တၢ်ဂံၢ် 19:22

တၢ်တမံၤလၢ်လၢ်လၢပှၤတကဆှီဘၣ်တဂၤထိးဘၣ်ဝဲန့ၣ်ကဲထီၣ်တၢ် တကဆှီဘၣ်ဒီးပှၤတဂၤလၢ်လၢ်လၢအထိးဘၣ်တၢ်န့ၣ်ကဲထီၣ်တၢ် တကဆှီဘၣ်တုၤမုၢ်ဟါအကတီၢ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

ဧ့ၤဘြံၤ 9:26

မ့ၢ်မၤဝဲဒ်န့ၣ်ဒီးကဘၣ်တူၢ်တၢ်တဘျီဘၣ်တဘျီအါဘျီ စးထီၣ်လၢဟီၣ်ခိၣ်အခီၣ်ထံးလံၤလံၤန့ၣ်လီၤ. မ့မ့ၢ်အခဲအံၤ ဖဲတၢ်အကတၢၢ်ဘူးထီၣ်အကတီၢ်အံၤ, အဝဲလီၣ်ဖျါထီၣ် အသးထဲတဘျီဧိၤဒ်သိးအကသုးကွံာ်တၢ်ဒဲးဘးခီဖျိ အလုၢ်ထီၣ်အကစၢ်ဒၣ်ဝဲန့ၣ်လီၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:26

ဘၣ်ဆၣ်ဒီးအနံၤဝဲန့ၣ်စီၤစီလူးတတဲတၢ်နီတမံၤဘၣ်. အဂ့ၢ်ဒ်အံၤဆိကမိၣ်ဝဲ, “တၢ်မၤအသးဒီးအီၤတမံၤမံၤဒီး တကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိးဘၣ်အဃိလီၤ.”