လံာ်တၢ်ဘူၣ်ထီၣ်ဘါထီၣ် 15:29 - Sgaw Karen Common Bible

²⁹ ဒီးလၢဃိးနံၤတနံၤန့ၣ်ကဘၣ်ဟဲစိာ်ဝဲထိၣ်လွံၢ်ဘုၣ်ခံဘ့ၣ်မ့တမ့ၢ်, ထိၣ်ကးက့ၣ်ဖိခံဘ့ၣ်ဆူပှၤလုၢ်တၢ်အခိၣ်အအိၣ်, ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:29 Iomraidhean Croise

လံာ်တၢ်ဘူၣ်ထီၣ်ဘါထီၣ် 12:6

ဒီးဖဲအဘၣ်တၢ်မၤကဆှီအီၤဝံၤန့ၣ်လၢအဖိပိာ်ခွါအဂီၢ်မ့ၢ်ဂ့ၤ, အဖိမုၣ်အဂီၢ်မ့ၢ်ဂ့ၤအဝဲကဘၣ်ဟဲစိာ်သိဖိတနံၣ်ဖိတဒုလၢတၢ် လုၢ်မ့ၣ်အူအဂီၢ်, ဒီးထိၣ်ကးက့ၣ်တဘ့ၣ်မ့တမ့ၢ်ထိၣ်လွံၢ်ဘုၣ်တဘ့ၣ်လၢတၢ်လုၢ်တၢ် ပျၢ်တၢ်ဒဲးဘးအဂီၢ်, ဆူပှၤလုၢ်တၢ်အခိၣ်အအိၣ်ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 15:14

ဒီးလၢဃိးသီတသီန့ၣ်ကဘၣ်ဟံးန့ၢ်ထိၣ်ကးက့ၣ်ဖိ ခံဘ့ၣ်မ့တမ့ၢ်ထိၣ်လွံၢ်ဘုၣ်ခံဘ့ၣ်ဒီးဟဲစိာ်ဝဲဆူတၢ်ဘူၣ် ထီၣ်ဘါထီၣ်ယွၤအဒဲအကျဲစၢၤဒီးဟ့ၣ်လီၤဝဲဆူပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:28

ဒီးပိာ်မုၣ်အံၤအသွံၣ်မ့ၢ်တုာ်န့ၣ်ကဘၣ်ခိးနွံသီ, ဒီးကကဲထီၣ်က့ၤတၢ်ကဆှီဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:30

ဒီးပှၤလုၢ်တၢ်အခိၣ်ကလုၢ်ထီၣ်ဝဲတဘ့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးအဂၤတဘ့ၣ်လၢတၢ်လုၢ်မ့ၣ်အူအဂီၢ်န့ၣ်လီၤ. အအံၤမ့ၢ်အဝဲအတၢ်မၤကဆှီထီၣ်က့ၤတၢ်လၢပိာ်မုၣ်တဂၤန့ၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 9:1

တၢ်ဒိးပာ်စုပှၤလုၢ်တၢ်အခိၣ်တဖၣ်ဝံၤဝဲအလီၢ်ခံလၢမုၢ်ဃိး နံၤတနံၤန့ၣ်, စီၤမိၤၡ့ကိးဖှိၣ်ဝဲစီၤအၤဟရိၣ်ဒီးအဖိခွါတဖၣ်, ဒီးပှၤအံၣ်စရ့လးဖိအခိၣ်အနၢ်တဖၣ်လီၤ.

လံာ်တၢ်ဂံၢ် 6:10

လၢဃိးသီတသီန့ၣ်အဝဲကဘၣ်ဟဲစိာ်ဝဲထိၣ်ကးက့ၣ်ခံဘ့ၣ်မ့ တမ့ၢ်ထိၣ်လွံၢ်ခံဘ့ၣ်ဆူပှၤလုၢ်တၢ်အခိၣ်အအိၣ်ဖဲယွၤအိၣ်ဝဲ ဆိးဝဲအဒဲစီဆှံအကျဲစၢၤန့ၣ်လီၤ.

လံာ်မးသဲ 21:12

ယ့ၣ်ၡူးလဲၤနုာ်ဆူတၢ်လုၢ်ဟံၣ်အပူၤ, ဒီးဟီထီၣ်ကွံာ်ပှၤလၢအဆါတၢ်ပှ့ၤတၢ်လၢတၢ်လုၢ်ဟံၣ်အပူၤခဲလၢာ်, ဒီးမၤလီၤတကျၢၢ်ကွံာ်ပှၤခီလဲကျိၣ်စ့တဖၣ်အစီၢ်နီၤခိၣ် တဖၣ်, ဒီးပှၤဆါထိၣ်လွံၢ်တဖၣ်အလီၢ်ဆ့ၣ်နီၤတဖၣ်န့ၣ်လီၤ.