လံာ်တၢ်ဘူၣ်ထီၣ်ဘါထီၣ် 15:24 - Sgaw Karen Common Bible

²⁴ ဒီးပိာ်ခွါတဂၤလၢအမံဃုာ်ဒီးအီၤဖဲအသွံၣ်ဟဲအကတီၢ်န့ၣ်ကကဲထီၣ်တၢ်တကဆှီနွံသီ, ဒီးလီၢ်မံလၢအမံလီၤဝဲန့ၣ်ကကဲထီၣ်တၢ်တကဆှီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:24 Iomraidhean Croise

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 22:10

အဝဲသ့ၣ်တနီၤမံဃုာ်ဒီးအပၢ်အမါန့ၣ်လီၤ. အဝဲသ့ၣ်တနီၤမၤဆူၣ်ပိာ်မုၣ်တဖၣ်လၢကမံဃုာ်ဂဲၤဃုာ်ဒီးအီၤ ဖဲအသွံၣ်ဟဲထံဟဲအဆၢကတီၢ်လီၤ.

လံာ်တၢ်ဘူၣ်ထီၣ်ဘါထီၣ် 15:23

ဒီးကယဲၢ်ပှၤလၢအထိးဘၣ်တၢ်လၢအမံလီၤဝဲလၢအလိၤမ့ၢ်ဂ့ၤ, ဆ့ၣ်နီၤဝဲလၢအလိၤမ့ၢ်ဂ့ၤန့ၣ်ကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:33

ဒီးပိာ်မုၣ်လၢအသွံၣ်ဟဲမ့ၢ်ဂ့ၤ, ပိာ်ခွါတဂၤလၢအမံဃုာ်ဒီးပိာ်မုၣ်လၢအတ ကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးမ့ၢ်ဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:19

သုတမံဃုာ်ဒီးပိာ်မုၣ်တဂၤလၢအသွံၣ်ဟဲန့ၣ်တဂ့ၤ. အဂ့ၢ်ဒ်အံၤ, ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်အဝဲ တကဆှီဝဲဒၣ်ဘၣ်.

လံာ်တၢ်ဘူၣ်ထီၣ်ဘါထီၣ် 20:18

ပှၤလၢအမံဃုာ်ဒီးပိာ်မုၣ်တဂၤဖဲအသွံၣ်ဟဲအကတီၢ် န့ၣ်အဝဲသ့ၣ်ခံဂၤလိာ်ကဘၣ်တၢ်နီၣ်ဟးကွံာ်အီၤလၢကမျၢၢ် အကျါလီၤ. အဂ့ၢ်ဒ်အံၤ, မ့ၢ်လၢအခီပတာ်တၢ်သိၣ်တၢ်သီဘၣ်ဃးဒီးတၢ်တ ကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအဃိန့ၣ်လီၤ.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.