လံာ်တၢ်ဘူၣ်ထီၣ်ဘါထီၣ် 14:8 - Sgaw Karen Common Bible

⁸ ဒီးပှၤလၢအကဆှီထီၣ်တဂၤန့ၣ်ကဘၣ်ဆှုၣ်အကူအသိး, လူၤကွံာ်အဆူၣ်ခဲလၢာ်လၢအိၣ်လၢအလိၤဒီးလုၢ်ထံဒ်သိးကကဆှီထီၣ်အဂီၢ်လီၤ. ဒ်သိးဟဲက့ၤနုာ်ဆူပှၤသူၣ်ဒဲအလီၢ်ပူၤကသ့အဂီၢ်န့ၣ်ကဘၣ်အိၣ် လၢအဒဲဒၣ်ဝဲအချၢနွံသီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:8 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 26:21

လၢအဝဲအတၢ်အိၣ်မူအိၣ်လီၤတဲာ်တ့ၢ်အကတီၢ်န့ၣ်, စီၤပၤဧူးစံယါကဲထီၣ်ပှၤတကဆှီဘၣ်ဒ်တၢ်အလုၢ်အလၢ်အိၣ်ဝဲ အသိးမ့ၢ်လၢအတၢ်ဆါအဃိန့ၣ်လီၤ. အဝဲလဲၤနုာ်ကဒီးဆူယွၤအတၢ်လုၢ်ဟံၣ်အပူၤတသ့လၢၤဘၣ်အဃိအဝဲ အိၣ်ဆိးလၢအဟံၣ်ဒၣ်ဝဲအပူၤ, ဘၣ်တၢ်ဆိကတီၢ်ကွံာ်အီၤလၢအမူအဒါခဲလၢာ်, ဖဲအဝဲအဖိခွါစီၤယိၤသၣ်ပၢက့ၤဝဲထံကီၢ်အခါန့ၣ်လီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:14

အန့ၣ်ဝံၤဒီး, စီၤမိၤၡ့ဟဲက့ၤလီၤလၢကစၢၢ်လိၤဒီးတဲဘၣ်ပှၤ ဂီၢ်မုၢ်လၢကကတဲာ်ကတီၤအသးလၢတၢ်ဘူၣ်ထီၣ်ဘါထီၣ်အဂီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဆှုၣ် အတၢ်ကူတၢ်သိးတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:25

ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 14:20

ဒီးကလုၢ်ထီၣ်ဝဲဃုာ်ဒီးတၢ်လုၢ်ဘုဧိၤဟုဧိၤလၢတၢ်လုၢ်လီၢ် အဖီခိၣ်န့ၣ်လီၤ. မၤသးဒ်န့ၣ်ဒီး, ပှၤလုၢ်တၢ်အခိၣ်ကမၤတၢ်မၤက ဆှီထီၣ်က့ၤလၢပှၤတဂၤန့ၣ်အဂီၢ်ဒီးပှၤတဂၤန့ၣ်ကကဆှီထီၣ်ဝဲ ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:9

ဒီးလၢနွံသီတသီန့ၣ်ကဘၣ်လူၤကဒီးဝဲအ ခိၣ်ဆူၣ်အခၣ်ဆူၣ်ဒီးအမဲာ်တူၢ်, ဒီးအဆူၣ်ခဲလၢာ်လၢအလိၤန့ၣ်လီၤ. ဒီးကဘၣ်ဆှုၣ် အကူအသိးဒီးလုၢ်ထံန့ၣ်လီၤ. အန့ၣ်ဝံၤဒီးက ကဆှီထီၣ်ဝဲဒၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:13

ဒီးတုၤပှၤတဂၤလၢအအိၣ်ဒီးတၢ်ယွၤလီၤဘျါက့ၤလံဝဲန့ၣ်, ကဘၣ်အိၣ်ခိးဝဲနွံသီ, ကဘၣ်ဆှုၣ် အကူအသိးဒီးလုၢ်ထံလၢထံမူအပူၤန့ၣ်လီၤ. ဒီးကကဆှီထီၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:6

ဒီးစီၤမိၤၡ့ကိးထီၣ်စီၤအၤဟရိၣ်ဒီးအဖိခွါတဖၣ်ဆူတၢ်မဲာ် ညါဒီးမၢအမၤကဆှီအသးလၢထံဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးလီၤ.

လံာ်တၢ်ဂံၢ် 6:9

ပှၤနစၤရံဖိတဂၤအခိၣ်သူလၢအဘၣ်တၢ်ပာ်စီဆှံအီၤ, မ့ၢ်ဘၣ်အၢလၢအဝဲအိၣ်ဘူးဘၣ်ဒီးပှၤတဂၤလၢ်လၢ်လၢအသံ သတူၢ်ကလာ်အဃိန့ၣ်, အဝဲကဘၣ်အိၣ်ခိးနွံသီဝံၤလူၤကွံာ်အခိၣ် သူဒီးအခၣ်ဆူၣ်န့ၣ်လီၤ. မၤသးဒ်န့ၣ်ဒီးကကဆှီထီၣ်က့ၤဝဲဒၣ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

လံာ်တၢ်ဂံၢ် 8:7

ဖှံအီၤဒီးတၢ်မၤကဆှီထီၣ်တၢ်အထံဒီးတဲဘၣ်အဝဲသ့ၣ်လၢကလူၤ ကွံာ်အဆူၣ်ဒီဂၤညါ, ဒီးကဆှုၣ်ကွံာ်အတၢ်ကူတၢ်သိးဒၣ်ဝဲတဖၣ်တက့ၢ်. အန့ၣ်ဒီးအဝဲသ့ၣ်က, ကဆှီထီၣ်ဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်သိၣ်လီၤသီလီၤတၢ် 21:12

က့ၤကိးအီၤဆူသုဟံၣ်, တၢ်လီၢ်ဖဲအဝဲကလူၤကွံာ်အခိၣ်, တံာ်ကွံာ်အစုမ့ၣ်တဖၣ်,

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.