လံာ်တၢ်ဘူၣ်ထီၣ်ဘါထီၣ် 14:57 - Sgaw Karen Common Bible

⁵⁷ ဒီးတၢ်သိၣ်တၢ်သီတဖၣ်အံၤမ့ၢ်တၢ်နီၤဖးပဲာ်ဖးတၢ်တကဆှီဒီးတၢ်ကဆှီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:57 Iomraidhean Croise

လံာ်ယံးရမံယၤ 15:19

တၢ်ဂ့ၢ်အံၤယွၤစံးဆၢက့ၤဝဲဒ်အံၤ, “နမ့ၢ်ဟဲက့ၤကဒါက့ၤဒီး, ယကဟံးန့ၢ်က့ၤနၤ, ဒီးနကကဲထီၣ်က့ၤကဒီးယခ့ယပှၤန့ၣ်လီၤ. လၢနကကတိၤတၢ်နါစိၤနါပြာ်တၢ်အလီၢ် နမ့ၢ်တဲဖျါတၢ်ကစီၣ်လၢအလုၢ်အပှ့ၤအိၣ်ဒီး, နကမ့ၢ်က့ၤကဒီးယဝံန့ၣ်လီၤ. ပှၤဂီၢ်မုၢ်ကဟဲက့ၤကဒါက့ၤဆူနအိၣ်ဒီးတလိၣ် နလဲၤဆူအဝဲသ့ၣ်အအိၣ်န့ၣ်ဘၣ်.

လံာ်ယဃ့းစက့လး 44:23

ပှၤလုၢ်တၢ်အခိၣ်တဖၣ်ကဘၣ်သိၣ်လိယပှၤဂီၢ်မုၢ်လၢတၢ်လီၤဆီ လၢတၢ်စီဆှံဒီးတၢ်လၢအတစီဆှံဘၣ်အဘၢၣ်စၢၤဒီးတၢ်လၢ အကဆှီဒ်တၢ်ဘူၣ်တၢ်ဘါအလုၢ်အလၢ်အသိးဒီးတၢ်လၢ တကဆှီဘၣ်အဘၢၣ်စၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:10

ဒီးသုကဘၣ်နီၤဖးတၢ်စီဆှံဒီးတၢ်တစီဆှံတဖၣ်, ဒီးတၢ်ကဆှီဒီးတၢ်တကဆှီတဖၣ်အဆၢဒ်တၢ်ဘူၣ် တၢ်ဘါအလုၢ်အလၢ်အိၣ်ဝဲအသိးစ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:59

ဒီးတၢ်အံၤမ့ၢ်တၢ်သိၣ်တၢ်သီဘၣ်ဃးတၢ်ဆါအၢလၢအအိၣ်လၢတၢ်ကူ တၢ်သိးလၢအဘၣ်တၢ်မၤအီၤလၢသိအဆူၣ်မ့ၢ်ဂ့ၤ, လုၣ်မ့ၢ်ဂ့ၤ, တၢ်ကံးညာ်မ့ၢ်ဂ့ၤ, တၢ်ဖံးမ့ၢ်ဂ့ၤ, အလိၤဒ်သိးတၢ်ကနီၤဖးအီၤ လၢအကဆှီဒီးတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:1

ဒီးယွၤဟ့ၣ်လီၤစီၤမိၤၡ့ဒီးစီၤအၤဟရိၣ်လၢတၢ်သိၣ်တၢ်ဘျၢ တဖၣ်ဒ်လၢလာ်အသိး,

လံာ်သိၣ်လီၤသီလီၤတၢ် 24:8

ဖဲသုဘၣ်တၢ်ဆါအၢလီၤပျံၤတမံၤအခါန့ၣ်, မၤလီၤတံၢ်လၢသု ကမၤတၢ်လီၤတံၢ်လီၤဆဲးဒ်တၢ်လၢပှၤလ့ၤဝံဖိအပှၤလုၢ်တၢ်အခိၣ် တဖၣ်တဲဘၣ်သုန့ၣ်တက့ၢ်. ဒီးပိာ်ထွဲတၢ်သိၣ်လိနဲၣ်ယုၤတဖၣ် လၢယဟ့ၣ်လီၤတ့ၢ်အဝဲသ့ၣ်န့ၣ်တက့ၢ်.