လံာ်တၢ်ဘူၣ်ထီၣ်ဘါထီၣ် 14:4 - Sgaw Karen Common Bible

⁴ ပှၤလုၢ်တၢ်အခိၣ်ကဘၣ်မၤလိာ်လၢပှၤကဘၣ်ဟဲစိာ်ထိၣ်အက ဆှီခံဘ့ၣ်လၢအမူဝဲဃုာ်ဒီးသ့ၣ်ဆှိအ့ရ့းတကူာ်, လုၣ်အဂီၤလုးတဘိ, ဒီးကဖျီၣ်အ့စိးအဒ့တဒ့လီၤ.

လံာ်တၢ်ဘူၣ်ထီၣ်ဘါထီၣ် 14:4 Iomraidhean Croise

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်တၢ်ဟးထီၣ်ကွံာ် 12:22

ဒီးဟံးန့ၢ်ကဖျီၣ်အ့စိးတကဒိၣ်ဒီးဘျၢလီၤအီၤလၢသလၢအိၣ် ဒီးဆၣ်ဖိကီၢ်ဖိအသွံၣ်အပူၤဒီးထွါတၢ်သွံၣ်န့ၣ်လၢတြဲၤအထူၣ် တဖၣ်အလိၤဒီးကျိၤအိၣ်လၢသုဟံၣ်အတြဲၤဖီခိၣ်တက့ၢ်. တချုးလၢမုၢ်ဆ့ၣ်ထီၣ်ဒံးဘၣ်န့ၣ်ပှၤလၢသုကျါတဘၣ်ဟးထီၣ်လၢ ဟံၣ်နီတဂၤဘၣ်.

လံာ်တၢ်ဘူၣ်ထီၣ်ဘါထီၣ် 1:14

ဒီးပှၤတဂၤအံၤမ့ၢ်လုၢ်ထီၣ်ထိၣ်ဒ်တၢ်လုၢ်မ့ၣ်အူအသိးန့ၣ်ကဘၣ် မ့ၢ်ထိၣ်လွံၢ်ဘုၣ်, မ့တမ့ၢ်ထိၣ်ကးက့ၣ်ဖိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 14:5

အန့ၣ်ဝံၤဒီးပှၤလုၢ်တၢ်အခိၣ်ကဘၣ်မၤလိာ်ဝဲလၢထိၣ်ခံဘ့ၣ်အကျါ တဘ့ၣ်န့ၣ်ကဘၣ်တၢ်မၤသံကွံာ်အီၤလၢသပၢၤဟီၣ်ခိၣ် အိၣ်ဒီးထံမူလၢအပူၤတဖျၢၣ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:6

ဒီးပှၤလုၢ်တၢ်အခိၣ်ကဟံးန့ၢ်ထိၣ်လၢအမူဒံးတဘ့ၣ် ဒီးစုၣ်လီၤအီၤဃုာ်ဒီးသ့ၣ်ဆှိအ့ရ့းတကူာ်, လုၣ်အဂီၤလုးတဘိ, ဒီးကဖျီၣ်အ့စိးအဒ့တဒ့ဆူထိၣ်တဘ့ၣ်လၢအဘၣ်တၢ်မၤသံကွံာ်အီၤအသွံၣ်ကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:7

ဘၣ်ဆၣ်ဒီး, လုၢ်ထီၣ်ဝဲသိဖိမ့တမ့ၢ်မဲာ်တဲးလဲးဖိမ့ၢ်တန့ၢ် န့ၣ်, ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ်, တဘ့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ်လၢတၢ်လုၢ် မ့ၣ်အူအဂီၢ်ဆူယွၤအအိၣ်န့ၣ်လီၤ.

လံာ်တၢ်ဂံၢ် 19:18

အဆိကတၢၢ်န့ၣ်, ပှၤတဂၤဂၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အသိးန့ၣ်ကဘၣ်မၤန့ၢ်ကဖျီၣ်အ့စိးအဒ့ဖိတဒ့, ဘျုးလီၤအီၤလၢ ထံကျါဒီးဖှံဒဲန့ၣ်ဒီး ကယဲၢ်တၢ်ကိးမံၤဒဲးလၢအအိၣ်လၢဒဲပူၤ ဒီးပှၤကိးဂၤဒဲးလၢအအိၣ်ဖဲန့ၣ်လီၤ. ဝံၤဒီး, ပှၤလၢအကဆှီဝဲ ဒ်တၢ်ဘူၣ်တၢ်ဘါအလုၢ်အလၢ်အသိးတဂၤန့ၣ် ကဘၣ်ဖှံထံန့ၣ်လၢပှၤတဂၤ လၢအထိးဘၣ်ပှၤကညီအဃံမ့ၢ်ဂ့ၤ, ပှၤသံစိၣ်မ့ၢ်ဂ့ၤ, တၢ်သွၣ်ခိၣ်တခါမ့ၢ်ဂ့ၤအဖီခိၣ်န့ၣ်လီၤ.

လံာ်တၢ်ဂံၢ် 19:6

အန့ၣ်ဝံၤဒီးအဝဲကဘၣ်ဟံးန့ၢ်သ့ၣ်ဆှိးအ့ရ့းတနီၤ, ကဖျီၣ်အ့စိးအဒ့တဒ့, ဒီးပျံၤအလွဲၢ်ဂီၤတဘိဒီးကွံာ်နုာ်အီၤဆူမ့ၣ်အူကျါန့ၣ်လီၤ.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.