လံာ်တၢ်ဘူၣ်ထီၣ်ဘါထီၣ် 14:32 - Sgaw Karen Common Bible

³² အအံၤမ့ၢ်တၢ်သိၣ်တၢ်သီလၢပှၤတဂၤလၢအအိၣ်ဒီးတၢ်ဆါအၢဘၣ်ဆၣ် ဒီးမၤဝဲတၢ်လုၢ်ဒ်ညီနုၢ်အသိးတန့ၢ်ဘၣ်လၢတၢ်မၤကဆှီက့ၤအီၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:32 Iomraidhean Croise

စံးထီၣ်ပတြၢၤ 136:23

ဒီးသ့ၣ်နီၣ်ထီၣ်က့ၤပှၤဖဲပဒုၣ်ပဒါမၤနၢၤပှၤ အကတီၢ်န့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်တၢ်ဘူၣ်ထီၣ်ဘါထီၣ် 13:2

ပှၤတဂၤလၢ်လၢ်လၢအအိၣ်ဒီးတၢ်ပူၤလီၢ်လၢအဖံးဘ့ၣ်ခိၣ်လိၤမ့ၢ်ဂ့ၤ, ဝ့ထီၣ်မ့ၢ်ဂ့ၤ, အဖံးညိးထီၣ်မ့ၢ်ဂ့ၤလၢအကဲထီၣ်တၢ်ဆါအၢသ့န့ၣ်ကဘၣ်တၢ်ဟဲ ဆှၢအီၤဆူပှၤလုၢ်တၢ်အခိၣ်စီၤအၤဟရိၣ်အအိၣ်မ့တမ့ၢ်အဖိခွါတဂၤဂၤလၢအမ့ၢ်ပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:59

ဒီးတၢ်အံၤမ့ၢ်တၢ်သိၣ်တၢ်သီဘၣ်ဃးတၢ်ဆါအၢလၢအအိၣ်လၢတၢ်ကူ တၢ်သိးလၢအဘၣ်တၢ်မၤအီၤလၢသိအဆူၣ်မ့ၢ်ဂ့ၤ, လုၣ်မ့ၢ်ဂ့ၤ, တၢ်ကံးညာ်မ့ၢ်ဂ့ၤ, တၢ်ဖံးမ့ၢ်ဂ့ၤ, အလိၤဒ်သိးတၢ်ကနီၤဖးအီၤ လၢအကဆှီဒီးတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:10

ဒီးလၢဃိးသီတသီန့ၣ်ကဘၣ်ဟဲစိာ်ဝဲသိဖါခံဒုဒီးသိ အမိၢ်ဖိတဒုလၢအသးအိၣ်တနံၣ်လၢမဲၣ်သူမဲၣ်ဂီၤတအိၣ်ဘၣ်လၢအလိၤ, ဒီးကိၣ်ကမူၣ်အဃၢလီၤတယၢၢ်သၢအ့စရိၣ်လၢအဃါဃုာ်ဒီးသ့ၣ်စၤ ယံးအသိဒီးသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:21

ဒီးပှၤတဂၤန့ၣ်မ့မ့ၢ်ပှၤအဖှီၣ်ဒီးမၤဝဲမ့ၢ်တန့ၢ် ဘၣ်န့ၣ်ကဘၣ်ဟဲစိာ်ဝဲလၢတၢ်မၤကဆှီထီၣ်က့ၤအီၤအဂီၢ်ထဲသိဖါ ဖိတဒုဧိၤဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်အဂီၢ်, ဒီးတၢ်ဟ့ၣ်လီၤဆီတမံၤဆူယွၤအအိၣ်လၢပှၤလုၢ်တၢ်အခိၣ်အဂီၢ် န့ၣ်လီၤ. ဒီးကဘၣ်ဟဲစိာ်ဝဲကိၣ်ကမူၣ်အဃၢလီၤတယၢၢ် တအ့စရိၣ်လၢ အဃါဃုာ်အသးဒီးသ့ၣ်စၤယံးအသိလၢတၢ်လုၢ်မၤဘူၣ်ဘုဧိၤဟုဧိၤအဂီၢ် ဒီးသ့ၣ်စၤယံးအသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:31

ဒ်တၢ်လုၢ်တၢ်ပျၢ်တၢ်ဒဲးဘးအသိး, ဒီးအဂၤတဘ့ၣ်ဒ်တၢ်လုၢ်မ့ၣ် အူအသိးဃုာ်ဒီးတၢ်လုၢ်ဘုဧိၤဟုဧိၤန့ၣ်လီၤ. ဒီးအအံၤမ့ၢ်ပှၤလုၢ်တၢ်အခိၣ်ကမၤတၢ်မၤကဆှီထီၣ်က့ၤတၢ်ဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:33

ဒီးယွၤဟ့ၣ်လီၤစီၤမိၤၡ့ဒီးစီၤအၤဟရိၣ်, တၢ်သိၣ်တၢ်ဘျၢတဖၣ်ဘၣ်ဃးဒီးဟံၣ်လၢယွၤပာ်ဃးတၢ်ဆါအၢအဃၢ်လၢ အပူၤ, ဖဲပှၤအံၣ်စရ့လးဖိတဖၣ်လဲၤနုာ်ဆူကီၢ်ကနၤဧၣ်, လၢယွၤကဟ့ၣ်လီၤအီၤဒ်အတၢ်န့ၢ်သါအသိးန့ၣ်လီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.