လံာ်တၢ်ဘူၣ်ထီၣ်ဘါထီၣ် 14:3 - Sgaw Karen Common Bible

³ ဒီးပှၤလုၢ်တၢ်အခိၣ်ကကိးအီၤဆူပှၤသူၣ်ဒဲအလီၢ်အချၢဒီးကကွၢ် လီၤတံၢ်အီၤန့ၣ်လီၤ. ဒီးတၢ်ဆါမ့ၢ်ဘျါလံန့ၣ်,

လံာ်တၢ်ဘူၣ်ထီၣ်ဘါထီၣ် 14:3 Iomraidhean Croise

လံာ်စီၤပၤခံဘ့ၣ်တဘ့ၣ် 5:14

လၢတၢ်န့ၣ်အဃိ, စီၤနဧၤမၣ်လဲၤလီၤဆူထံကျိယၢ်ဒ့ၣ်အပူၤ, ဘျၢလီၤအသးလၢထံကျိအပူၤနွံဘျီ, ဒ်စီၤအလံၤၡါနဲၣ်တ့ၢ်အီၤကျဲအသိး, ဒီးအဝဲဘၣ်တၢ်မၤဘျါက့ၤအီၤလၢာ်လၢာ်ဆ့ဆ့န့ၣ်လီၤ. အဝဲအဖံးအညၣ်တဖၣ်ဂ့ၤထီၣ်ကဒါက့ၤဒီးကဆှီထီၣ်က့ၤဝဲဒ်ဖိသၣ် တဂၤအဖံးအညၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:3

ဘၣ်မုၢ်တနံၤ, အဝဲစံးဘၣ်အကစၢ်မုၣ်ဒ်အံၤ, “ယဆၢမးလၢယကစၢ်လဲၤဆူဝံတဂၤလၢအအိၣ်ဆိးလၢကီၢ်ၡၤမရံ အပူၤအအိၣ်, ကသ့ဝဲန့ၣ်လီၤ. အဝဲကမၤဘျါအီၤလၢအတၢ်ဆါန့ၣ်လီၤ.”

လံာ်စီၤယိၤဘး 5:18

ကစၢ်ယွၤဘိၣ်ဘံထီၣ်တၢ်ပူၤလီၢ်လၢအတီၢ်ဝဲတဖၣ်လီၤ. အစုမၤဆါတၢ်ဒီးအစုမၤဘျါတၢ်လီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 13:2

ပှၤတဂၤလၢ်လၢ်လၢအအိၣ်ဒီးတၢ်ပူၤလီၢ်လၢအဖံးဘ့ၣ်ခိၣ်လိၤမ့ၢ်ဂ့ၤ, ဝ့ထီၣ်မ့ၢ်ဂ့ၤ, အဖံးညိးထီၣ်မ့ၢ်ဂ့ၤလၢအကဲထီၣ်တၢ်ဆါအၢသ့န့ၣ်ကဘၣ်တၢ်ဟဲ ဆှၢအီၤဆူပှၤလုၢ်တၢ်အခိၣ်စီၤအၤဟရိၣ်အအိၣ်မ့တမ့ၢ်အဖိခွါတဂၤဂၤလၢအမ့ၢ်ပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:46

ဖဲတၢ်ဆါအၢအိၣ်ဒီးအီၤအဖၢမုၢ်န့ၣ်အဝဲမ့ၢ်ပှၤတကဆှီ ဘၣ်တဂၤလီၤ. ဒီးအဝဲကဘၣ်အိၣ်လၢတၢ်သူၣ်ဒဲလီၢ်အချၢလၢ အစီၤစုၤဒီးပှၤဂုၤပှၤဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:48

ဒီးဖဲပှၤလုၢ်တၢ်အခိၣ်မ့ၢ်ဟဲလၢကကွၢ်ဝဲ, ဒီးတၢ်ဆါအၢအဃၢ် မ့ၢ်တအိၣ်ဖျါထီၣ်က့ၤလၢၤဘၣ်ဖဲတၢ်မၤက့ၤကပံာ်အသီဝံၤအလီၢ်ခံန့ၣ်, ကဘၣ်ဘိးဘၣ်သ့ၣ်ညါဝဲလၢဟံၣ်န့ၣ်ကဆှီဝဲဒၣ်လီၤ. အဂ့ၢ်ဒ်အံၤ, တၢ်ဆါအၢအဃၢ်ဘၣ်တၢ်သုးကွံာ်အီၤလၢာ်လၢာ်ဆ့ဆ့လံအဃိန့ၣ်လီၤ.

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်လူၤကၣ် 4:27

ဒီးဖဲဝံအလံၤၡါအဆၢကတီၢ်န့ၣ်, ပှၤလၢအတူၢ်ဘၣ်တၢ်ဆါလိၤ တဂ့ၤအိၣ်ဝဲအါဒံအါဂၤလၢကီၢ်အံၣ်စရ့လးအပူၤ, ဘၣ်ဆၣ်အဝဲသ့ၣ်တဘၣ်တၢ်မၤဘျါက့ၤအီၤနီတဂၤဘၣ်. တၢ်မၤဘျါက့ၤဒၣ်ထဲပှၤစူၤရံဖိစီၤနဧၤမၣ်တဂၤဧိၤလီၤ.”

လံာ်လူၤကၣ် 7:22

အဝဲဒၣ်စံးဆၢက့ၤစီၤယိၤဟၣ်အပှၤဆှၢတၢ်ကစီၣ်တဖၣ်, “က့ၤဒီးတဲဘၣ်စီၤယိၤဟၣ်တၢ်လၢသုထံၣ်ဘၣ်ဒီးနၢ် ဟူဘၣ်တ့ၢ်သုဝဲန့ၣ်တက့ၢ်. ပှၤမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤခီၣ်ဟးဂီၤတဖၣ်ဟးထီၣ်က့ၤဝဲသ့, ပှၤလိၤတဂ့ၤတဖၣ်ဘၣ်တၢ်မၤကဆှီထီၣ်က့ၤအီၤ, ပှၤနၢ်တအၢတဖၣ်နၢ်ဟူထီၣ်က့ၤတၢ်, ပှၤသံတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ, ဒီးတၢ်သးခုကစီၣ်ဘၣ်တၢ်စံၣ်တဲၤတဲလီၤန့ၢ်ပှၤဖှီၣ်ဖိယာ်ဖိတဖၣ်လီၤ.