လံာ်တၢ်ဘူၣ်ထီၣ်ဘါထီၣ် 14:22 - Sgaw Karen Common Bible

²² ဒီးကဘၣ်ဟဲစိာ်စ့ၢ်ကီးဝဲထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ် န့ၣ်လီၤ. တဘ့ၣ်န့ၣ်ကမ့ၢ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ် န့ၣ်ကမ့ၢ်လၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:22 Iomraidhean Croise

စံးထီၣ်ပတြၢၤ 68:13

လၢအမ့ၢ်, ထိၣ်လွံၢ်အဂီၤတဖၣ်လၢ တၢ်ကးဘၢအီၤဒီးစ့, အိၣ်ဒီးအဒံးဆ့လၢ အကတြ့ၣ်ဒီးသူန့ၣ်လီၤ. (လၢတၢ်ဒုးတၢ်ယၤအမုၢ်နံၤန့ၣ် ဘၣ်မနုၤသုဝဲတနီၤအိၣ်မံလီၤလၢသိကရၢၢ်ပူၤလဲၣ်)

လံာ်တၢ်သးဝံၣ်တဖၣ်အတၢ်သးဝံၣ် 2:14

နလီၤဂာ်ဒီးထိၣ်လွံၢ်တဘ့ၣ်လၢအအိၣ်ခူသူၣ်လၢလၢၢ်သ့ၣ်ဖး အကဆူးပူၤ, ဒီးအိၣ်တဒၢလၢလ့ကဘျၣ်အပူၤန့ၣ်လီၤ. ဒုးထံၣ်ယၤလၢနမဲာ်ဃံလၤလီၤအဲၣ်လီၤကွံ, ဒီးပျဲယနၢ်ဟူနကလုၢ်လၢအမုာ်သယုၢ်တက့ၢ်.

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်ယံးရမံယၤ 48:28

သုဝဲပှၤဂီၢ်မုၢ်လၢ အအိၣ်ဆိးလၢ ကီၢ်မိၤအးအပူၤ သ့ၣ်ဧၢ, ဟးထီၣ်လၢသုဝ့ၢ်တဖၣ်အပူၤတက့ၢ်. လဲၤဒီးအိၣ်ဆိးလၢ လ့ကဘျၣ်ဖးထီတဖၣ်အလိၤတက့ၢ်. မၤသုသးဒ် ထိၣ်လွံၢ်လၢ အမၤအသွံလၢ တၢ်တြိအကပၤ အသိးန့ၣ်တက့ၢ်.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:21

ဒီးပှၤတဂၤန့ၣ်မ့မ့ၢ်ပှၤအဖှီၣ်ဒီးမၤဝဲမ့ၢ်တန့ၢ် ဘၣ်န့ၣ်ကဘၣ်ဟဲစိာ်ဝဲလၢတၢ်မၤကဆှီထီၣ်က့ၤအီၤအဂီၢ်ထဲသိဖါ ဖိတဒုဧိၤဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်အဂီၢ်, ဒီးတၢ်ဟ့ၣ်လီၤဆီတမံၤဆူယွၤအအိၣ်လၢပှၤလုၢ်တၢ်အခိၣ်အဂီၢ် န့ၣ်လီၤ. ဒီးကဘၣ်ဟဲစိာ်ဝဲကိၣ်ကမူၣ်အဃၢလီၤတယၢၢ် တအ့စရိၣ်လၢ အဃါဃုာ်အသးဒီးသ့ၣ်စၤယံးအသိလၢတၢ်လုၢ်မၤဘူၣ်ဘုဧိၤဟုဧိၤအဂီၢ် ဒီးသ့ၣ်စၤယံးအသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:24

ဒီးပှၤလုၢ်တၢ်အခိၣ်ကဟံးန့ၢ်သိတဒုန့ၣ်ဒီးသ့ၣ်စၤယံးအသိ, ဒီးလုၢ်ထီၣ်အီၤဒ်တၢ်ဟ့ၣ်လီၤဆီဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:14

ဒီးလၢဃိးသီတသီန့ၣ်ကဘၣ်ဟံးန့ၢ်ထိၣ်ကးက့ၣ်ဖိ ခံဘ့ၣ်မ့တမ့ၢ်ထိၣ်လွံၢ်ဘုၣ်ခံဘ့ၣ်ဒီးဟဲစိာ်ဝဲဆူတၢ်ဘူၣ် ထီၣ်ဘါထီၣ်ယွၤအဒဲအကျဲစၢၤဒီးဟ့ၣ်လီၤဝဲဆူပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:7

ဘၣ်ဆၣ်ဒီး, လုၢ်ထီၣ်ဝဲသိဖိမ့တမ့ၢ်မဲာ်တဲးလဲးဖိမ့ၢ်တန့ၢ် န့ၣ်, ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ်, တဘ့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ်လၢတၢ်လုၢ် မ့ၣ်အူအဂီၢ်ဆူယွၤအအိၣ်န့ၣ်လီၤ.

လံာ်တၢ်ဂံၢ် 6:10

လၢဃိးသီတသီန့ၣ်အဝဲကဘၣ်ဟဲစိာ်ဝဲထိၣ်ကးက့ၣ်ခံဘ့ၣ်မ့ တမ့ၢ်ထိၣ်လွံၢ်ခံဘ့ၣ်ဆူပှၤလုၢ်တၢ်အခိၣ်အအိၣ်ဖဲယွၤအိၣ်ဝဲ ဆိးဝဲအဒဲစီဆှံအကျဲစၢၤန့ၣ်လီၤ.