လံာ်တၢ်ဘူၣ်ထီၣ်ဘါထီၣ် 14:21 - Sgaw Karen Common Bible

²¹ ဒီးပှၤတဂၤန့ၣ်မ့မ့ၢ်ပှၤအဖှီၣ်ဒီးမၤဝဲမ့ၢ်တန့ၢ် ဘၣ်န့ၣ်ကဘၣ်ဟဲစိာ်ဝဲလၢတၢ်မၤကဆှီထီၣ်က့ၤအီၤအဂီၢ်ထဲသိဖါ ဖိတဒုဧိၤဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်အဂီၢ်, ဒီးတၢ်ဟ့ၣ်လီၤဆီတမံၤဆူယွၤအအိၣ်လၢပှၤလုၢ်တၢ်အခိၣ်အဂီၢ် န့ၣ်လီၤ. ဒီးကဘၣ်ဟဲစိာ်ဝဲကိၣ်ကမူၣ်အဃၢလီၤတယၢၢ် တအ့စရိၣ်လၢ အဃါဃုာ်အသးဒီးသ့ၣ်စၤယံးအသိလၢတၢ်လုၢ်မၤဘူၣ်ဘုဧိၤဟုဧိၤအဂီၢ် ဒီးသ့ၣ်စၤယံးအသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:21 Iomraidhean Croise

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

တၢ်ကတိၤဒိ. 17:5

နမ့ၢ်နံၤဘၣ်ဖၣ်လဲပှၤဖှီၣ်ဖိယာ်ဖိဒီးနဒုၣ်ဒွဲၣ်ကစၢ်ယွၤလၢ အတ့လီၤအဝဲသ့ၣ်လီၤ. နမ့ၢ်သးခုလၢပှၤအဂၤတဂၤအတၢ်ဟဲဝံတဂ့ၤတဘၣ်ဒီး, နကဘၣ်တၢ်စံၣ်ညီၣ်လီၤ.

တၢ်ကတိၤဒိ. 22:2

ပှၤထူးပှၤတီၤဒီးပှၤဖှီၣ်ဖိယာ်ဖိအိၣ်ဒီးတၢ်အံၤတမံၤဃီ န့ၣ်လီၤ. ယွၤတ့လီၤအဝဲသ့ၣ်ခံဖုလိာ်လီၤ.

လံာ်ယဃ့းစက့လး 46:7

ဃုာ်ဒီးဂီၤဖံးဖါတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ်ဝဲ ဘုဧိၤဟုဧိၤတအ့ဖး, ဒီးဃုာ်ဒီးသိဖိတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ် တၢ်တမံၤလၢ်လၢ်လၢစီၤပၤဖိခွါအဲၣ်ဒိးဟ့ၣ်ဝဲန့ၣ်လီၤ. သ့ၣ်စၤယံး အသိတအ့ဖးန့ၣ်ကဘၣ်တၢ်မၤဘူၣ်အီၤဃုာ်ဒီးတၢ်လုၢ်မၤဘူၣ် ဘုဧိၤဟုဧိၤဒ်န့ၣ်အသိးတမံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:14

ဒီးပှၤတဂၤအံၤမ့ၢ်လုၢ်ထီၣ်ထိၣ်ဒ်တၢ်လုၢ်မ့ၣ်အူအသိးန့ၣ်ကဘၣ် မ့ၢ်ထိၣ်လွံၢ်ဘုၣ်, မ့တမ့ၢ်ထိၣ်ကးက့ၣ်ဖိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 14:10

ဒီးလၢဃိးသီတသီန့ၣ်ကဘၣ်ဟဲစိာ်ဝဲသိဖါခံဒုဒီးသိ အမိၢ်ဖိတဒုလၢအသးအိၣ်တနံၣ်လၢမဲၣ်သူမဲၣ်ဂီၤတအိၣ်ဘၣ်လၢအလိၤ, ဒီးကိၣ်ကမူၣ်အဃၢလီၤတယၢၢ်သၢအ့စရိၣ်လၢအဃါဃုာ်ဒီးသ့ၣ်စၤ ယံးအသိဒီးသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:22

ဒီးကဘၣ်ဟဲစိာ်စ့ၢ်ကီးဝဲထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ် န့ၣ်လီၤ. တဘ့ၣ်န့ၣ်ကမ့ၢ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ် န့ၣ်ကမ့ၢ်လၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:8

ဒီးပှၤလၢအအၢၣ်လီၤအသးတဂၤမ့ၢ်ဖှီၣ် ဝဲဒီးဟ့ၣ်အပှ့ၤလၢတၢ်ပာ်အီၤမ့ၢ်တန့ၢ်န့ၣ်အဝဲကဘၣ်ဟဲဆူပှၤ လုၢ်တၢ်အခိၣ်အအိၣ်, ဒီးပှၤလုၢ်တၢ်အခိၣ်ကဘၣ်မၤစှၤလီၤအပှ့ၤထဲသိးဒီးအဝဲ ဟ့ၣ်ဝဲန့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:11

ဘၣ်ဆၣ်ဒီးလုၢ်ထီၣ်ဝဲထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ထိၣ်ကးက့ၣ်ခံဘ့ၣ်မ့ၢ်ဂ့ၤမ့ၢ်တန့ၢ်ဘၣ်ဒီးကဘၣ်ဟဲစိာ်ဝဲကိၣ် ကမူၣ်လၢအဂ့ၤတအ့ဖးဆံဆဲၣ်ပူတပူလၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. တဘၣ်ဒၢနုာ်ဝဲသိမ့ၢ်ဂ့ၤ, တၢ်နၢမူမ့ၢ်ဂ့ၤဘၣ်, မ့ၢ်လၢအမ့ၢ်တၢ်လုၢ်တၢ်ပျၢ်တၢ်ဒဲးဘးဒီးတမ့ၢ်တၢ်လုၢ်ဘုဧိၤ ဟုဧိၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:7

ဘၣ်ဆၣ်ဒီး, လုၢ်ထီၣ်ဝဲသိဖိမ့တမ့ၢ်မဲာ်တဲးလဲးဖိမ့ၢ်တန့ၢ် န့ၣ်, ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ်, တဘ့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ်လၢတၢ်လုၢ် မ့ၣ်အူအဂီၢ်ဆူယွၤအအိၣ်န့ၣ်လီၤ.

လံာ်လူၤကၣ် 6:20

ယ့ၣ်ၡူးကွၢ်ဃီၤအပျဲၢ်အဘီၣ်တဖၣ်ဒီးစံးဝဲ, “သုဝဲပှၤဖှီၣ်ဖိယာ်ဖိတဖၣ်အံၤ သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤအဘီအမုၢ်မ့ၢ်သုတၢ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.