လံာ်တၢ်ဘူၣ်ထီၣ်ဘါထီၣ် 14:12 - Sgaw Karen Common Bible

¹² ဒီးပှၤလုၢ်တၢ်အခိၣ်ကဟံးန့ၢ်သိဖါဖိတဒုဃုာ်ဒီး သိတလိာ်လၢကဘၣ်လုၢ်ထီၣ်ဝဲဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ် ကမၣ်အဂီၢ်န့ၣ်လီၤ. ဒီးကလုၢ်ထီၣ်ဝဲဆူယွၤအအိၣ်ဒ်တၢ်ဟ့ၣ်လီၤဆီ တမံၤလၢပှၤလုၢ်တၢ်အခိၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:12 Iomraidhean Croise

လံာ်တၢ်ဟးထီၣ်ကွံာ် 29:22

ကူးတဲာ်ကွံာ်သိဖါအသိ, အမဲၢ်ဘီၣ်, တၢ်အသိလၢအကျးဘၢအပှံာ် အကဖုတဖၣ်, တၢ်အဂ့ၤကတၢၢ်လၢအသူၣ်ကျါ, အကလ့ၢ်ခံဖျၢၣ်ဒီးအသိ အိၣ်လၢအလိၤ, ဒီးအကံၣ်ဒုၣ်လၢအထွဲတခီန့ၣ်တက့ၢ်.

လံာ်တၢ်ဟးထီၣ်ကွံာ် 29:24

ဒၢနုာ်တၢ်အီၣ်တဖၣ်အံၤခဲလၢာ်ဆူစီၤအၤဟရိၣ်ဒီးအဖိခွါတဖၣ် အစုပူၤဒီးတဲဘၣ်အဝဲသ့ၣ်လၢကပာ်စီဆှံထီၣ်အီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်.

လံာ်တၢ်ဟးထီၣ်ကွံာ် 29:26

ဟံးန့ၢ်သိဖါအံၤအသးနါပှၢ်ဒီးပာ်စီဆှံအီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်. ဆၣ်ဖိကီၢ်ဖိအညၣ်အံၤကမ့ၢ်ဝဲလၢနဂီၢ်လီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 14:10

ဒီးလၢဃိးသီတသီန့ၣ်ကဘၣ်ဟဲစိာ်ဝဲသိဖါခံဒုဒီးသိ အမိၢ်ဖိတဒုလၢအသးအိၣ်တနံၣ်လၢမဲၣ်သူမဲၣ်ဂီၤတအိၣ်ဘၣ်လၢအလိၤ, ဒီးကိၣ်ကမူၣ်အဃၢလီၤတယၢၢ်သၢအ့စရိၣ်လၢအဃါဃုာ်ဒီးသ့ၣ်စၤ ယံးအသိဒီးသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:11

ဒီးပှၤလုၢ်တၢ်အခိၣ်ကလဲၤကိးပှၤလၢအကဆှီထီၣ်တဂၤ န့ၣ်ဃုာ်ဒီးအတၢ်လုၢ်မၤဘူၣ်ဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:19

ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးဒီးကမၤ ဝဲတၢ်မၤကဆှီထီၣ်က့ၤန့ၣ်လီၤ. မ့ၢ်ဝံၤဒီးအဝဲကမၤသံ ဆၣ်ဖိကီၢ်ဖိလၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:15

ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.