လံာ်တၢ်ဘူၣ်ထီၣ်ဘါထီၣ် 12:6 - Sgaw Karen Common Bible

⁶ ဒီးဖဲအဘၣ်တၢ်မၤကဆှီအီၤဝံၤန့ၣ်လၢအဖိပိာ်ခွါအဂီၢ်မ့ၢ်ဂ့ၤ, အဖိမုၣ်အဂီၢ်မ့ၢ်ဂ့ၤအဝဲကဘၣ်ဟဲစိာ်သိဖိတနံၣ်ဖိတဒုလၢတၢ် လုၢ်မ့ၣ်အူအဂီၢ်, ဒီးထိၣ်ကးက့ၣ်တဘ့ၣ်မ့တမ့ၢ်ထိၣ်လွံၢ်ဘုၣ်တဘ့ၣ်လၢတၢ်လုၢ်တၢ် ပျၢ်တၢ်ဒဲးဘးအဂီၢ်, ဆူပှၤလုၢ်တၢ်အခိၣ်အအိၣ်ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:6 Iomraidhean Croise

လံာ်တၢ်ကဲထီၣ်အခီၣ်ထံး 15:9

ဒီးယွၤစံးဆၢအီၤ, “ဟဲစိာ်န့ၢ်ယၤလၢဂီၤဖံးမိၢ်တဒု, မဲာ်တဲးလဲးတဒုဒီးသိဖါတဒုလၢအသးအိၣ်သၢနံၣ်စုာ်စုာ်ဒီး ထိၣ်လွံၢ်တဘ့ၣ်ဒီးထိၣ်ကးက့ၣ်ဖိတဘ့ၣ်တက့ၢ်.”

လံာ်တၢ်ဘူၣ်ထီၣ်ဘါထီၣ် 12:5

ဘၣ်ဆၣ်ဒီးပိာ်မုၣ်အံၤမ့ၢ်ဆံးစၢ်အဖိမုၣ်ဝံၤအလီၢ်ခံတဆံလွံၢ်သီအတီၢ်ပူၤန့ၣ်အဝဲ ကဲထီၣ်တၢ်တကဆှီဒ်အအိၣ်လၢပိာ်မုၣ်အလုၢ်အလၢ်အသိးန့ၣ်လီၤ. အန့ၣ်ဝံၤ, ပိာ်မုၣ်အံၤကဘၣ်အိၣ်ဒံးဆူ ညါဃုဆံဃုသီတုၤလၢအဘၣ်တၢ်မၤကဆှီအီၤလၢအသွံၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:7

ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူယွၤအအိၣ်လၢတၢ် မၤကဆှီထီၣ်က့ၤအီၤအဂီၢ်, ဒီးကကဆှီထီၣ်ဝဲဒၣ်လီၤ. တၢ်အံၤမ့ၢ်တၢ်လၢပိာ်မုၣ်က ဘၣ်မၤဝဲဖဲအဆံးစၢ်ဝံၤအလီၢ်ခံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:22

ဒီးကဘၣ်ဟဲစိာ်စ့ၢ်ကီးဝဲထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ် န့ၣ်လီၤ. တဘ့ၣ်န့ၣ်ကမ့ၢ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ် န့ၣ်ကမ့ၢ်လၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:14

ဒီးလၢဃိးသီတသီန့ၣ်ကဘၣ်ဟံးန့ၢ်ထိၣ်ကးက့ၣ်ဖိ ခံဘ့ၣ်မ့တမ့ၢ်ထိၣ်လွံၢ်ဘုၣ်ခံဘ့ၣ်ဒီးဟဲစိာ်ဝဲဆူတၢ်ဘူၣ် ထီၣ်ဘါထီၣ်ယွၤအဒဲအကျဲစၢၤဒီးဟ့ၣ်လီၤဝဲဆူပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:29

ဒီးလၢဃိးနံၤတနံၤန့ၣ်ကဘၣ်ဟဲစိာ်ဝဲထိၣ်လွံၢ်ဘုၣ်ခံဘ့ၣ်မ့တမ့ၢ်, ထိၣ်ကးက့ၣ်ဖိခံဘ့ၣ်ဆူပှၤလုၢ်တၢ်အခိၣ်အအိၣ်, ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဂံၢ် 6:10

လၢဃိးသီတသီန့ၣ်အဝဲကဘၣ်ဟဲစိာ်ဝဲထိၣ်ကးက့ၣ်ခံဘ့ၣ်မ့ တမ့ၢ်ထိၣ်လွံၢ်ခံဘ့ၣ်ဆူပှၤလုၢ်တၢ်အခိၣ်အအိၣ်ဖဲယွၤအိၣ်ဝဲ ဆိးဝဲအဒဲစီဆှံအကျဲစၢၤန့ၣ်လီၤ.

လံာ်လူၤကၣ် 2:22

တၢ်ဆၢကတီၢ်တုၤဃီၤဝဲဒၣ်လၢစီၤယိၤသးဒီးနီၢ်မၤရံကအိၣ်ဒီး တၢ်မၤကဆှီထီၣ်အသးအလုၢ်အလၢ်ဒ်စီၤမိၤၡ့အတၢ်သိၣ် တၢ်သီမၤလိာ်ဝဲအသိးန့ၣ်လီၤ. လၢတၢ်န့ၣ်အဃိ, အဝဲသ့ၣ်လဲၤစိာ်ဖိသၣ်န့ၣ်ဆူဝ့ၢ်ယရူၤရှလ့ၣ် ဒ်သိးအကပာ်ဖျါထီၣ်အီၤလၢကစၢ်အမဲာ်ညါအဂီၢ်,

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.