လံာ်တၢ်ဘူၣ်ထီၣ်ဘါထီၣ် 11:45 - Sgaw Karen Common Bible

⁴⁵ ယမ့ၢ်ယွၤလၢအထုးထီၣ်သုလၢကီၢ်အဲၤကူပတူးအပူၤဒ်သိးယကမ့ၢ်သုကစၢ်ယွၤန့ၣ်လီၤ. သုကဘၣ်စီဆှံဝဲမ့ၢ်လၢယစီဆှံအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:45 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:6

ပှၤဂီၢ်မုၢ်တဖုလၢတၢ်ပာ်စီဆှံအီၤထဲဒၣ်ဆူယၤတဂၤဧိၤအအိၣ်, ဒီးသုကမၤတၢ်ခ့တၢ်ပှၤအတၢ်မၤလၢယဂီၢ်ဒ်ပှၤလုၢ်တၢ်အခိၣ်တဖၣ် အသိးန့ၣ်လီၤ.”

လံာ်တၢ်ဟးထီၣ်ကွံာ် 22:30

ဟ့ၣ်ယၤသုဂီၤဘုၣ်ဂီၤဖံး, ဒီးသုသိတဖၣ်အဖိဝဲၢ်ကိတက့ၢ်. ပျဲတၢ်အဝဲၢ်ကိအဖါန့ၣ်အိၣ်ဒီးအမိၢ်နွံသီဒီးဃိးသီတသီ န့ၣ်လုၢ်ထီၣ်ပာ်ထီၣ်ဆူယအိၣ်တက့ၢ်.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်တၢ်ဘူၣ်ထီၣ်ဘါထီၣ် 11:44

ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 11:46

ဒီးတၢ်အံၤမ့ၢ်တၢ်သိၣ်တၢ်သီဘၣ်ဃးဆၣ်ဖိကီၢ်ဖိ, ထိၣ်, ကယဲၢ်တၢ်အိၣ်လၢထံကျါ, ဒီးကယဲၢ်တၢ်အိၣ်လၢဟီၣ်ခိၣ်လိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:36

သုဘၣ်အိၣ်ဒီးနီၣ်ထိၣ်အတီအလိၤ, စီၤပီၢ်အတီအလိၤဒီးနီၣ်ဃီၣ်အတီအလိၤလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလၢအထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:7

ဒီးမၤစီဆှံလီၤသုသးဒီးကဲထီၣ်ပှၤစီဆှံတက့ၢ်. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:33

ဒီးဟံးထီၣ်ကွံာ်သုလၢကီၢ်အဲၤကူပတူးအပူၤဒ်သိးယကမ့ၢ်သုကစၢ်ယွၤလီၤ. ယဲဒၣ်အံၤယမ့ၢ်ယွၤလီၤ.”

လံာ်တၢ်ဘူၣ်ထီၣ်ဘါထီၣ် 25:38

တၢ်မၤလိာ်အံၤမ့ၢ်ယွၤ, သုကစၢ်ယွၤလၢအထုးထီၣ်သုလၢကီၢ်အဲၤကူပတူးဒ်သိးကဟ့ၣ်သု လၢကီၢ်ကနၤဧၣ်ဒီးကဲထီၣ်ဝဲသုကစၢ်ယွၤအတၢ်မၤလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:45

ယကမၤသီထီၣ်က့ၤယတၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်ဖဲယဒုးနဲၣ် ကယဲၢ်ပှၤကလုာ်တဖၣ်လၢယစိကမီၤခီဖျိတၢ်ထုးထီၣ်ယပှၤ ဂီၢ်မုၢ်လၢကီၢ်အဲၤကူပတူးအပူၤ, ဒ်သိးယၤ, ယွၤအံၤ ကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ဂံၢ် 15:40

တၢ်အနွံတဖၣ်အံၤကမၤသ့ၣ်နီၣ်သုလၢသုကဘၣ်တိၢ်န့ၢ်ကယဲၢ်ယတၢ်မၤ လိာ်တဖၣ်, ဒီးသုကဘၣ်ဃးဒီးယၤလၢလၢပှဲၤပှဲၤန့ၣ်လီၤ.

၁ သ့းစၤလနံ 4:7

အဂ့ၢ်ဒ်အံၤ, ကစၢ်ယွၤတကိးဃီၤပှၤဆူတၢ်ကလုာ်ကလိၤ အပူၤဘၣ်. မ့မ့ၢ်အဝဲဒၣ်ကိးဃီၤပှၤဆူတၢ်အိၣ်မူအစီအဆှံ အပူၤလီၤ.

လံာ်စီၤယိၤၡူ 24:19

ဘၣ်ဆၣ်စီၤယိၤၡူစံးဘၣ်ပှၤဂီၢ်မုၢ်, “သုမၤယွၤအတၢ်တသ့ဘၣ်. အဂ့ၢ်ဒ်အံၤ, အဝဲမ့ၢ်ကစၢ်ယွၤလၢအစီဆှံဒီးတပျၢ်သုတၢ်ဒဲးဘးတဖၣ်န့ၣ်ဘၣ်. အဝဲမ့ၢ်ယွၤလၢအသးက့ၣ်,

၁ ပ့းတရူး 1:16

တၢ်ကွဲးအသးစံးဝဲဒၣ်, “ကဲထီၣ်ပှၤစီဆှံတက့ၢ်. အဂ့ၢ်ဒ်အံၤယမ့ၢ်ပှၤစီဆှံလီၤ” (ဘူၣ်ဘါ ၁၁:၄၄).

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 6:20

မၤသးဒ်န့ၣ်ဒီး, ပှၤဝ့ၢ်ဘ့ၤသၡ့မ့ၣ်ဖိတဖၣ်စံးဝဲ, “မ့ၢ်မတၤဆၢထၢၣ်လၢယွၤ, ကစၢ်ယွၤလၢအစီဆှံ တဂၤအံၤအမဲာ်ညါသ့ဝဲန့ၣ်လဲၣ်. လၢတၢ်သုးကွံာ်အီၤလၢပအိၣ်အဂီၢ် မ့ၢ်ပကဆှၢအီၤဆူတၢ်လီၢ်မတၤလဲၣ်.”