လံာ်တၢ်ဘူၣ်ထီၣ်ဘါထီၣ် 11:44 - Sgaw Karen Common Bible

⁴⁴ ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 11:44 Iomraidhean Croise

စံးထီၣ်ပတြၢၤ 99:5

စံးထီၣ်ပတြၢၤယွၤပကစၢ်ယွၤ, ဘူၣ်ထီၣ်ဘါထီၣ်အီၤလၢ အလီၢ်ပစိာ်အမဲာ်ညါတက့ၢ်. အဝဲဒၣ်န့ၣ်စီဆှံဝဲလီၤ.

စံးထီၣ်ပတြၢၤ 99:9

စံးထီၣ်ပတြၢၤယွၤ, ပကစၢ်ယွၤ, ဒီးဘူၣ်တၢ်ဘါတၢ်လၢအကစၢၢ်စီဆှံန့ၣ်တက့ၢ်. အဂ့ၢ်ဒ်အံၤယွၤပကစၢ်ယွၤန့ၣ်စီဝဲဆှံဝဲလီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:6

ပှၤဂီၢ်မုၢ်တဖုလၢတၢ်ပာ်စီဆှံအီၤထဲဒၣ်ဆူယၤတဂၤဧိၤအအိၣ်, ဒီးသုကမၤတၢ်ခ့တၢ်ပှၤအတၢ်မၤလၢယဂီၢ်ဒ်ပှၤလုၢ်တၢ်အခိၣ်တဖၣ် အသိးန့ၣ်လီၤ.”

လံာ်တၢ်ဟးထီၣ်ကွံာ် 22:30

ဟ့ၣ်ယၤသုဂီၤဘုၣ်ဂီၤဖံး, ဒီးသုသိတဖၣ်အဖိဝဲၢ်ကိတက့ၢ်. ပျဲတၢ်အဝဲၢ်ကိအဖါန့ၣ်အိၣ်ဒီးအမိၢ်နွံသီဒီးဃိးသီတသီ န့ၣ်လုၢ်ထီၣ်ပာ်ထီၣ်ဆူယအိၣ်တက့ၢ်.

လံာ်တၢ်ဟးထီၣ်ကွံာ် 22:31

သုမ့ၢ်ယပှၤဂီၢ်မုၢ်လီၤ. မၤသးဒ်န့ၣ်ဒီးဆၣ်ဖိကီၢ်ဖိတဒုလၢ် လၢ်အဖံးအညၣ်လၢအဘၣ်တၢ်မၤသံအီၤလၢဆၣ်ဖိကီၢ်ဖိအမံၤတဖၣ်န့ၣ် အီၣ်အီၤတဂ့ၤ. အခိၣ်တလိာ်ဟ့ၣ်ဒုးအီၣ်ထွံၣ်တဖၣ်တက့ၢ်.

လံာ်တၢ်ဟးထီၣ်ကွံာ် 23:25

သုမ့ၢ်ဘူၣ်ထီၣ်ဘါထီၣ်ယၤ, ယွၤ, သုကစၢ်ယွၤဒီး, ယကဆိၣ်ဂ့ၤသုလၢတၢ်အီၣ်တၢ်အီဒီးထံဒီးသုးယံၤကွံာ် ကယဲၢ်သုတၢ်ဆူးတၢ်ဆါခဲလၢာ်လီၤ.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ယၡါယၤ 51:15

ယမ့ၢ်ယွၤ, သုကစၢ်ယွၤလီၤ. ယထိၣ်ဂဲၤထီၣ်ပီၣ်လဲၣ် ဒီးဒုးသီၣ်ထီၣ်အလပီတဖၣ်ရူၢ်ရူၢ်လီၤ. ယမံၤမ့ၢ်ဝဲယွၤသ့တၢ်လၢာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 11:43

ဒီးမၤဘၣ်အၢသုသးလၢတၢ်အီၣ်ကယဲၢ်ဆၣ်ဖိကီၢ်ဖိတဖၣ် အံၤအဃိန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:10

ဒဲးစပံးသၣ်လၢသုစပံးလီၢ်တုၤအလၢာ်တဂ့ၤ. ထၢထီၣ်စပံးသၣ်လၢအလီၤဆှုတဖၣ်လၢသုစပံးလီၢ်ပူၤတုၤ အလၢာ်တဂ့ၤ. သုကဘၣ်ပာ်တီၢ်အီၤလၢပှၤဖှီၣ်ဖိယာ်ဖိဒီးပှၤတ ခီဘီမုၢ်ဖိတဖၣ်အဂီၢ်န့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:4

ဃၣ်ကွံာ်သုသးလၢယၤဒီးဘါထီၣ်တၢ်ဂီၤတၢ်ဖီၣ်တဂ့ၤ. တ့တၢ်ဂီၤလၢတိၢ်ဘီဃါဃုာ်ဒီးထူ, စ့ဒီးဘါထီၣ်အီၤတဂ့ၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:26

ဒီးသုကဘၣ်စီဆှံလၢယဂီၢ်လီၤ. အဂ့ၢ်ဒ်အံၤ, တၢ်လၢယၤယွၤအံၤယစီဆှံဝဲဒၣ်န့ၣ်လီၤ. ဒီးယပာ်လီၤဆီသုဒီးပှၤကလုာ်ဂၤတဖၣ်ဒ်သိးသုကမ့ၢ်ယတၢ်လီၤ.

လံာ်တၢ်ဘူၣ်ထီၣ်ဘါထီၣ် 20:7

ဒီးမၤစီဆှံလီၤသုသးဒီးကဲထီၣ်ပှၤစီဆှံတက့ၢ်. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:8

ပှၤဂီၢ်မုၢ်ကဘၣ်ပာ်ပှၤလုၢ်တၢ်အခိၣ်ဒ်အမ့ၢ်ပှၤစီဆှံလီၤ. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်လီၤ. ယမ့ၢ်ယွၤ, ယစီဆှံယဲဒီးယမၤစီဆှံယပှၤဂီၢ်မုၢ်န့ၣ်လီၤ.

လံာ်ဧၤမိၣ် 3:3

ပှၤခံဂၤအသးမ့ၢ်တဒ်သိးသိးဘၣ်ဒီး, ကလဲၤတၢ်တပူၤဃီစ့ၢ်ကီးဧါ.

လံာ်တၢ်ဂံၢ် 15:40

တၢ်အနွံတဖၣ်အံၤကမၤသ့ၣ်နီၣ်သုလၢသုကဘၣ်တိၢ်န့ၢ်ကယဲၢ်ယတၢ်မၤ လိာ်တဖၣ်, ဒီးသုကဘၣ်ဃးဒီးယၤလၢလၢပှဲၤပှဲၤန့ၣ်လီၤ.

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်သိၣ်လီၤသီလီၤတၢ် 14:2

သုဘၣ်ဃးဒီးယွၤသုကစၢ်ယွၤန့ၣ်လီၤ. အဝဲဃုထၢတ့ၢ်သုလၢသု ကမ့ၢ်အဝဲအပှၤဂီၢ်မုၢ်ဒၣ်ဝဲလၢကယဲၢ်ပှၤဂီၢ်မုၢ်တဖၣ်လၢအအိၣ်လၢ ဟီၣ်ခိၣ်အံၤအကျါန့ၣ်လီၤ.

၁ သ့းစၤလနံ 4:7

အဂ့ၢ်ဒ်အံၤ, ကစၢ်ယွၤတကိးဃီၤပှၤဆူတၢ်ကလုာ်ကလိၤ အပူၤဘၣ်. မ့မ့ၢ်အဝဲဒၣ်ကိးဃီၤပှၤဆူတၢ်အိၣ်မူအစီအဆှံ အပူၤလီၤ.

လံာ်စီၤယိၤၡူ 24:19

ဘၣ်ဆၣ်စီၤယိၤၡူစံးဘၣ်ပှၤဂီၢ်မုၢ်, “သုမၤယွၤအတၢ်တသ့ဘၣ်. အဂ့ၢ်ဒ်အံၤ, အဝဲမ့ၢ်ကစၢ်ယွၤလၢအစီဆှံဒီးတပျၢ်သုတၢ်ဒဲးဘးတဖၣ်န့ၣ်ဘၣ်. အဝဲမ့ၢ်ယွၤလၢအသးက့ၣ်,

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 22:11

ပှၤလၢအအၢအသီဝဲတဂၤလၢ်လၢ်န့ၣ်, ကအၢကသီဒၣ်ဝဲ, ဒီးပှၤလၢအဘၣ်အၢဘၣ်သီဝဲတဂၤလၢ်လၢ်န့ၣ်ကဘၣ်အၢဘၣ်သီ ဒၣ်ဝဲ, ပှၤလၢအဂ့ၤဝဲဝါဝဲတဂၤလၢ်လၢ်န့ၣ်, ကမၤဒၣ်ဝဲတၢ်ဂ့ၤတၢ်ဝါဒီးပှၤလၢအစီဝဲဆှံဝဲတဂၤလၢ်လၢ်န့ၣ်, ကစီဆှံဒၣ်ဝဲတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 6:20

မၤသးဒ်န့ၣ်ဒီး, ပှၤဝ့ၢ်ဘ့ၤသၡ့မ့ၣ်ဖိတဖၣ်စံးဝဲ, “မ့ၢ်မတၤဆၢထၢၣ်လၢယွၤ, ကစၢ်ယွၤလၢအစီဆှံ တဂၤအံၤအမဲာ်ညါသ့ဝဲန့ၣ်လဲၣ်. လၢတၢ်သုးကွံာ်အီၤလၢပအိၣ်အဂီၢ် မ့ၢ်ပကဆှၢအီၤဆူတၢ်လီၢ်မတၤလဲၣ်.”