လံာ်တၢ်ဘူၣ်ထီၣ်ဘါထီၣ် 11:40 - Sgaw Karen Common Bible

⁴⁰ ဒီးပှၤတဂၤလၢ်လၢ်လၢအအီၣ်ဆၣ်ဖိကီၢ်ဖိအသံန့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ကမ့ၢ်ဒံးတၢ်တကဆှီ တုၤမုၢ်ဟါန့ၣ်လီၤ. ပှၤတဂၤလၢ်လၢ်လၢအစိာ်တၢ်သံစိၣ်န့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ဒီးကမ့ၢ်ဒံးတၢ်တက ဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:40 Iomraidhean Croise

လံာ်တၢ်ဟးထီၣ်ကွံာ် 22:31

သုမ့ၢ်ယပှၤဂီၢ်မုၢ်လီၤ. မၤသးဒ်န့ၣ်ဒီးဆၣ်ဖိကီၢ်ဖိတဒုလၢ် လၢ်အဖံးအညၣ်လၢအဘၣ်တၢ်မၤသံအီၤလၢဆၣ်ဖိကီၢ်ဖိအမံၤတဖၣ်န့ၣ် အီၣ်အီၤတဂ့ၤ. အခိၣ်တလိာ်ဟ့ၣ်ဒုးအီၣ်ထွံၣ်တဖၣ်တက့ၢ်.

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်ယဃ့းစက့လး 44:31

ပှၤလုၢ်တၢ်အခိၣ်တဖၣ်တဘၣ်အီၣ်ထိၣ်မ့တမ့ၢ်ဆၣ်ဖိကီၢ်ဖိလၢအသံဒၣ် အတၢ်မ့ၢ်ဂ့ၤ, လၢဆၣ်ဖိကီၢ်ဖိအဂၤတဒုဒုမၤသံအီၤမ့ၢ်ဂ့ၤန့ၣ်ဘၣ်.”

လံာ်တၢ်ဘူၣ်ထီၣ်ဘါထီၣ် 11:25

ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:28

ဒီးပှၤတဂၤလၢ်လၢ်လၢအစိာ်ဘၣ်အစိၣ်န့ၣ်ကဘၣ်ဆှုၣ်အကူအသိး, ဘၣ်ဆၣ်ကကဲထီၣ်တၢ်တကဆှီတုၤမုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:39

ဒီးဆၣ်ဖိကီၢ်ဖိလၢတၢ်အီၣ်အီၤသ့မ့ၢ်သံဒီး, ပှၤတဂၤလၢ်လၢ်လၢအထိးဘၣ်အီၤန့ၣ်ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:46

ပှၤတဂၤလၢ်လၢ်လၢအလဲၤနုာ်ဆူဟံၣ်တဖျၢၣ်လၢအဘၣ် တၢ်ကးတံၢ်အီၤန့ၣ်, ကမ့ၢ်တၢ်တကဆှီဘၣ်တုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:15

ပှၤလုၢ်တၢ်အခိၣ်ကဘၣ်လုၢ်ထီၣ်ထိၣ်တဘ့ၣ်ဒ်တၢ်လုၢ်တၢ်ပျၢ်တၢ်ဒဲး ဘးအသိးဒီးအဂၤတဘ့ၣ်ဒ်တၢ်လုၢ်မၤဘူၣ်လၢမ့ၣ်အူ အသိးအဂီၢ်န့ၣ်လီၤ. ဒီးအအံၤမ့ၢ်ပှၤလုၢ်တၢ်အခိၣ်ကမၤတၢ်မၤက ဆှီထီၣ်က့ၤတၢ်လၢပှၤတဂၤန့ၣ်အဂီၢ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:27

ဒီးကယဲၢ်ပှၤလၢအထိးဘၣ်တၢ်လီၢ်တဖၣ်န့ၣ်ကကဲထီၣ်တၢ်တကဆှီဘၣ်, ဒီးကဘၣ်ဆှုၣ်အကူအသိး, ဒီးလုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:26

ဒီးပှၤတဂၤလၢအပျဲကွံာ်မဲာ်တဲးလဲးဆူပှၢ်မုၢ်ကနၢလၢတၢ်နါဧ့စ့ၤစ့လး အဂီၢ်န့ၣ်, ကဘၣ်ဆှုၣ်အကူအသိးတဖၣ်ဒီးလုၢ်ထံတချုးလၢ အဟဲက့ၤနုာ်လီၤက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:28

ဒီးပှၤတဂၤလၢအဆူးကဲၤတၢ်န့ၣ်ကဘၣ်ဆှုၣ်အကူအသိးဒီးလုၢ်ထံ, တချုးလၢအက့ၤနုာ်ကဒါက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:6

ပှၤလုၢ်တၢ်အခိၣ်တဂၤလၢ်လၢ်လၢအထိးဘၣ်တၢ်သ့ၣ်တဖၣ်န့ၣ်တကဆှီဘၣ် ဝဲတုၤမုၢ်ဟါလီၤန့ၣ်လီၤ. ဒီးအဝဲမ့ၢ်တလုၢ်ထံဘၣ်ဒီးတဘၣ်အီၣ်တၢ်လုၢ်စီဆှံတဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 22:8

တဘၣ်အီၣ်ဝဲတၢ်ဖံးတၢ်ညၣ်လၢဆၣ်ဖိကီၢ်ဖိလၢအသံဒၣ်ဝဲ မ့တမ့ၢ်ဘၣ်တၢ်မၤသံအီၤလၢတၢ်မံၤလာ်အဒူတဖၣ်န့ၣ်ဘၣ်. ကဒုးကဲထီၣ်အီၤလၢတၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်တၢ်ဂံၢ် 19:19

လၢသၢသီတသီဒီးနွံသီတသီန့ၣ် ပှၤတဂၤလၢအကဆှီ ဝဲဒ်တၢ်ဘူၣ်တၢ်ဘါအလုၢ်အလၢ်အသိးန့ၣ်ကဘၣ်ဖှံ ထံမၤကဆှီတၢ်လၢပှၤတကဆှီဘၣ်တဂၤအဖီခိၣ်လီၤ. လၢနွံသီတသီဖဲမုၢ်လီၤနုာ်န့ၣ်အဝဲဒၣ်ကဘၣ်မၤကဆှီပှၤ တဂၤန့ၣ်, ပှၤတဂၤလၢအဆှုၣ်အတၢ်ကူတၢ်သိးတဖၣ်ဒီး လူလီၤအသးလၢထံလၢအကစၢ်ဒၣ်ဝဲအလိၤဝံၤအလီၢ်ခံကဲ ထီၣ်က့ၤပှၤလၢအကဆှီလံဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

1 ကရံၣ်သူး 10:21

သုကအီတၢ်လၢကစၢ်အလီခီပူၤဝံၤသုကအီတၢ်လၢတၢ်နါ အလီခီပူၤတသ့ဘၣ်. သုကအီၣ်သကိးတၢ်ဒီးကစၢ်ဝံၤသုကအီၣ်သကိးတၢ်ဒီးတၢ်နါ တသ့ဘၣ်.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.