လံာ်တၢ်ဘူၣ်ထီၣ်ဘါထီၣ် 11:32 - Sgaw Karen Common Bible

³² ဒီးအသံစိၣ်မ့ၢ်လီၤတဲာ်ဘၣ်လၢတၢ်တမံၤဂ့ၤတမံၤဂ့ၤလၢအမ့ၢ်သ့ၣ်မ့ၢ်ဂ့ၤ, တၢ်ကူတၢ်သိးမ့ၢ်ဂ့ၤ, တၢ်ဖံးမ့ၢ်ဂ့ၤ, ထၢၣ်မ့ၢ်ဂ့ၤတၢ်လၢအဘၣ်တၢ်သူအီၤအလိၤန့ၣ်ကကဲထီၣ်တၢ်တကဆှီလီၤ. ဒီးတၢ်ကဘၣ်စုၣ်လီၤအီၤလၢထံအပူၤ, ဘၣ်ဆၣ်ကမ့ၢ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:32 Iomraidhean Croise

လံာ်တၢ်ဘူၣ်ထီၣ်ဘါထီၣ် 11:31

ပှၤတဂၤလၢ်လၢ်လၢအထိးဘၣ်အီၤမ့ၢ်ဂ့ၤ, အသံစိၣ်မ့ၢ်ဂ့ၤန့ၣ်, ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:46

ပှၤတဂၤလၢ်လၢ်လၢအလဲၤနုာ်ဆူဟံၣ်တဖျၢၣ်လၢအဘၣ် တၢ်ကးတံၢ်အီၤန့ၣ်, ကမ့ၢ်တၢ်တကဆှီဘၣ်တုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:12

ဒီးကယဲၢ်သပၢၤဟီၣ်ခိၣ်လၢပှၤလၢအအိၣ်ဒီးတၢ်ယွၤလီၤတဂၤထိး ဘၣ်ဝဲန့ၣ်ကဘၣ်တၢ်မၤသ့ၣ်ဖးကွံာ်အီၤန့ၣ်လီၤ. ဒီးကယဲၢ်လီခီသ့ၣ်လၢအဘၣ်တၢ်ထိးဘၣ်လၢအီၤန့ၣ် ကဘၣ်တၢ်သ့စီကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:15

ပှၤလုၢ်တၢ်အခိၣ်ကဘၣ်လုၢ်ထီၣ်ထိၣ်တဘ့ၣ်ဒ်တၢ်လုၢ်တၢ်ပျၢ်တၢ်ဒဲး ဘးအသိးဒီးအဂၤတဘ့ၣ်ဒ်တၢ်လုၢ်မၤဘူၣ်လၢမ့ၣ်အူ အသိးအဂီၢ်န့ၣ်လီၤ. ဒီးအအံၤမ့ၢ်ပှၤလုၢ်တၢ်အခိၣ်ကမၤတၢ်မၤက ဆှီထီၣ်က့ၤတၢ်လၢပှၤတဂၤန့ၣ်အဂီၢ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:26

ဒီးပှၤတဂၤလၢအပျဲကွံာ်မဲာ်တဲးလဲးဆူပှၢ်မုၢ်ကနၢလၢတၢ်နါဧ့စ့ၤစ့လး အဂီၢ်န့ၣ်, ကဘၣ်ဆှုၣ်အကူအသိးတဖၣ်ဒီးလုၢ်ထံတချုးလၢ အဟဲက့ၤနုာ်လီၤက့ၤဆူပှၤဂီၢ်မုၢ်သူၣ်ဒဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:15

ပှၤတဂၤလၢ်လၢ်လၢအမ့ၢ်ပှၤအံၣ်စရ့လးဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, မ့ၢ်အီၣ်ဆၣ်ဖိကီၢ်ဖိလၢအသံဒၣ်ဝဲ, မ့တမ့ၢ်လၢအဘၣ်တၢ်အ့ၣ်သံအီၤလၢတၢ်မံၤလာ်အ ညၣ်န့ၣ်ကဘၣ်ဆှုၣ်အကူအသိးတဖၣ်, ဒီးလုၢ်ထံလီၤ. ဒီးကကဲထီၣ်ဝဲတၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:6

ပှၤလုၢ်တၢ်အခိၣ်တဂၤလၢ်လၢ်လၢအထိးဘၣ်တၢ်သ့ၣ်တဖၣ်န့ၣ်တကဆှီဘၣ် ဝဲတုၤမုၢ်ဟါလီၤန့ၣ်လီၤ. ဒီးအဝဲမ့ၢ်တလုၢ်ထံဘၣ်ဒီးတဘၣ်အီၣ်တၢ်လုၢ်စီဆှံတဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 6:28

ဒီးသပၢၤဟီၣ်ခိၣ်လၢတၢ်ချီတၢ်ညၣ်န့ၣ်ကဘၣ်တၢ်မၤသ့ၣ်ဖးကွံာ် အီၤလီၤ. မ့မ့ၢ်သပၢၤတိၢ်န့ၣ်, ကဘၣ်တၢ်ထူးစီဒီးသ့ ကွံာ်အီၤလၢထံန့ၣ်လီၤ.

လံာ်တၢ်ဂံၢ် 19:15

ကယဲၢ်ကိဒီးသပၢၤအိၣ်လၢဒဲပူၤလၢအခိၣ်ကျၢၢ်တအိၣ်ဘၣ်လၢ အလိၤတဖၣ်န့ၣ်စ့ၢ်ကီးကဲထီၣ်တၢ်တကဆှီဘၣ်န့ၣ်လီၤ.

လံာ်တၢ်ဂံၢ် 19:7

အန့ၣ်ဝံၤဒီးအဝဲကဘၣ်ဆှုၣ်အတၢ်ကူတၢ်သိးတဖၣ်ဒီးလူလီၤထံ လၢအနီၢ်ကစၢ်အဖီခိၣ်, ဝံၤဒီးအဝဲက့ၤနုာ်ဆူသူၣ်ဒဲအလီၢ်သ့ဝဲလီၤ. ဘၣ်ဆၣ်ဒီးအဝဲကမ့ၢ်ဒံးတၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်ဝဲအသိးတုၤမုၢ်ဟါတစုန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,