လံာ်တၢ်ဘူၣ်ထီၣ်ဘါထီၣ် 10:7 - Sgaw Karen Common Bible

⁷ ဒီးတဘၣ်ဟးထီၣ်ကွံာ်လၢတၢ်ဘူၣ်ထီၣ်ဘါထီၣ်ယွၤအဒဲ အကျဲစၢၤန့ၣ်တဂ့ၤ. သုမ့ၢ်ဟးထီၣ်သုကသံလီၤ. မ့ၢ်လၢသုဘၣ်တၢ်ပာ်စီဆှံလံသုခီဖျိတၢ်ဖှူသုလၢယွၤအသိအဃိန့ၣ်လီၤ.” ဒီးအဝဲသ့ၣ်မၤဝဲဒ်စီၤမိၤၡ့စံးဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:7 Iomraidhean Croise

လံာ်တၢ်ဟးထီၣ်ကွံာ် 28:41

ဒုးသိးထီၣ်တၢ်ကူတၢ်သိးတဖၣ်အံၤလၢနဒီပုၢ်ဝဲၢ်စီၤအၤဟရိၣ် ဒီးအဖိခွါတဖၣ်အလိၤတက့ၢ်. အန့ၣ်ဝံၤဒီးဖှူအီၤဒီးပာ်စီဆှံအီၤလၢသ့ၣ်စၤယံးအသိဒ်သိး အကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်တၢ်ဟးထီၣ်ကွံာ် 30:30

အန့ၣ်ဝံၤဒီးဖှူစီၤအၤဟရိၣ်ဒီးအဖိခွါတဖၣ်, ဒီးပာ်စီဆှံအီၤဒ်ပှၤလုၢ်တၢ်အခိၣ်တဖၣ်အသိးလၢယတၢ်မၤအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 10:8

ဒီးယွၤစံးဘၣ်စီၤအၤဟရိၣ်, “နၤဒီးနဖိခွါတဖၣ်တဘၣ်လဲၤနုာ် လီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤဖဲသုအီမူၤစပံးထံမ့ၢ်ဂ့ၤ, သံးမ့ၢ်ဂ့ၤန့ၣ်ဘၣ်. သုမ့ၢ်မၤဒီးသုကသံလီၤ. အအံၤမ့ၢ်တၢ်မၤလိာ်လၢသုစၢၤသုသွဲၣ်ကဘၣ်တိၢ်န့ၢ်အီၤအစိၤစိၤအဃၣ်ဃၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:12

တဘၣ်ဟးထီၣ်စ့ၢ်ကီးဝဲဆူတၢ်ဘူၣ်ထီၣ်ဘါထီၣ်ယွၤအဒဲအချၢမ့ၢ် ဂ့ၤ, တဘၣ်မၤဘၣ်အၢအကစၢ်ယွၤအတၢ်လီၢ်စီဆှံမ့ၢ်ဂ့ၤန့ၣ်ဘၣ်. အဂ့ၢ်ဒ်အံၤ, အကစၢ်ယွၤအသိဖှူတၢ်အိၣ်ဝဲလၢအလိၤအဃိလီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 8:12

ဒီးပာ်စုစီၤအၤဟရိၣ်ခီဖျိတၢ်လူလီၤသိဖှူတၢ်တနီၤလၢအခိၣ်လိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:30

စီၤမိၤၡ့ဟံးန့ၢ်သိဖှူတၢ်တနီၤဒီးတၢ်သွံၣ်တနီၤလၢအအိၣ် လၢတၢ်လုၢ်လီၢ်ဖီခိၣ်ဒီးဖှံဝဲလၢစီၤအၤဟရိၣ်ဒီးအဖိခွါတဖၣ်အလိၤဒီးအဆ့ကၤအလိၤစ့ၢ်ကီးလီၤ. တၢ်အံၤမ့ၢ်စီၤမိၤၡ့ပာ်စီဆှံ အဝဲသ့ၣ်ဒီးအဆ့ကၤတဖၣ်ဆူယွၤအအိၣ်လီၤ.

လံာ်လူၤကၣ် 9:60

ယ့ၣ်ၡူးစံးဆၢဝဲ, “ပျဲပှၤသံတဖၣ်ခူၣ်လီၤအပှၤသံဒၣ်ဝဲတက့ၢ်. မ့မ့ၢ်နဲတခီ, လဲၤဒီးစံၣ်တဲၤတဲလီၤကစၢ်ယွၤအဘီအမုၢ်အဂ့ၢ်တက့ၢ်.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

၂ ကရံၣ်သူး 1:21

ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအဒုးအိၣ်စံာ်အိၣ်ကျၢၤ ပဝဲဒီးသုဝဲလီၤတံၢ်လီၤဆဲးလၢတၢ်ပာ်ဖှိၣ်ဃုာ်ပှၤလၢခရံာ် အပူၤလီၤ. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအမၢလီၤ ဒီးဟ့ၣ်စိဟ့ၣ်ကမီၤတ့ၢ်ပှၤ,