လံာ်တၢ်ဘူၣ်ထီၣ်ဘါထီၣ် 10:6 - Sgaw Karen Common Bible

⁶ အန့ၣ်ဝံၤဒီး, စီၤမိၤၡ့စံးဘၣ်စီၤအၤဟရိၣ်ဒီးအဖိခွါစီၤအလၤဧစၢ်, ဒီးစီၤအံသမၢ်, “ပာ်သုခိၣ်သူတဖုတရုဒီးဖှီသုဆ့တဖၣ်ဒ်သိးသုကပာ်ဖျါ သုတၢ်သးအုးန့ၣ်တဂ့ၤ. သုမ့ၢ်မၤဒ်န့ၣ်ဒီးသုကသံလီၤ. ဒီးယွၤကသးထီၣ်ဘၣ်ပှၤဂီၢ်မုၢ်ခဲလၢာ်လီၤ. မ့မ့ၢ်ပှၤအံၣ်စရ့လးဖိခဲလၢာ်ဟီၣ်ယၢၤဝဲသ့လၢတၢ်သံအံၤမၤအသးခီဖျိမ့ၣ်အူဟဲလၢယွၤအအိၣ် အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:1

လၢတၢ်မၤအသးအဂၤတဘျီန့ၣ်, ယွၤသးဒိၣ်ဘၣ်ပှၤကီၢ်အံၣ်စ ရ့လးဖိဒီးအဝဲမၤဒ်သိးစီၤဒၤဝံးကဒုးဟဲဘၣ်တၢ်ကီတၢ်ခဲ လၢအဝဲသ့ၣ်အဖီခိၣ်လီၤ. ယွၤစံးဘၣ်အီၤ, “လဲၤဒီးဂံၢ်ပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤအပူၤတက့ၢ်.”

လံာ်စီၤဧ့စြၤ 7:5

စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

လံာ်တၢ်ဟးထီၣ်ကွံာ် 33:5

ယွၤမၤလိာ်စီၤမိၤၡ့လၢကစံးဘၣ်အဝဲသ့ၣ်, “သုမ့ၢ်ပှၤဂီၢ်မုၢ်တဖုလၢအခိၣ်ကိၤလီၤ. ယမ့ၢ်လဲၤဃုာ်တၢ်ဒီးသုထဲတစိၢ်တလီၢ်ဧိၤဒၣ်လဲာ်န့ၣ်, ယကမၤဟးဂီၤကွံာ်သုလၢာ်လၢာ်ဆ့ဆ့န့ၣ်လီၤ. ခဲအံၤဘ့ၣ်လီၤကွံာ်သုတၢ်မျၢ်လုၢ်ဒိၣ်ပှ့ၤဒိၣ်တဖၣ်တက့ၢ်. ဒီးယစံၣ်ညီၣ်တဲာ်လၢယကဘၣ်မၤသုဒ်လဲၣ်ဒ်လဲၣ်အဂ့ၢ်န့ၣ်လီၤ.”

လံာ်တၢ်ဟးထီၣ်ကွံာ် 6:23

ဒီးစီၤအၤဟရိၣ်ဟံးန့ၢ်အမါလၢစီၤအမံၤနဒးအဖိမုၣ်ဒီးစီၤ နးၡိၣ်အဒီပုၢ်ဝဲၢ်မုၣ်နီၢ်အ့းလံၤစါဘ့းလီၤ. ဒီးအဝဲဒၣ်ဆံးစၢ်န့ၢ်အီၤလၢစီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်လီၤ.

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်တၢ်ဘူၣ်ထီၣ်ဘါထီၣ် 13:45

ပှၤလၢအအိၣ်ဒီးတၢ်ဆါအၢအတၢ်ဆါတဂၤန့ၣ်ကဘၣ်ကူ သိးဝဲတၢ်ကူတၢ်ကၤလၢအယာ်ဖျ့, တဘၣ်ခွံအခိၣ်ဘၣ်. ကဘၣ်မၤဘၢအမဲာ်သၣ်လၢအဖီလာ်တဝာ်, ဒီးကဘၣ်ကိးထီၣ်ဝဲ, “တကဆှီဘၣ်, တကဆှီဘၣ်” န့ၣ်လီၤ.

လံာ်မံကၤ 1:16

ကီၢ်ယူဒၤအပှၤဂီၢ်မုၢ်သ့ၣ်ဧၢ, လူၤကွံာ်သုခိၣ်သူလၢတၢ်ဟီၣ် တၢ်ယၢၤအပူၤလၢဖိလၢသုအဲၣ်တဖၣ်အဂီၢ်တက့ၢ်. မၤသု ခိၣ်လ့ၤကဒိဒ်လီတာ်တဖၣ်အသိးတက့ၢ်. အဂ့ၢ်ဒ်အံၤ, သုဖိ တဖၣ်ကဘၣ်တၢ်စိာ်ထီၣ်ကွံာ်အီၤဆူတၢ်မၢကဲကုၢ်အပူၤလီၤ.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 14:6

ဒီးစီၤနိၣ်အဖိခွါစီၤယိၤၡူဒီးစီၤယဖူန့ၤအဖိခွါစီၤ ကၤလ့း, လၢပှၤလဲၤကွၢ်ဟုၣ်ကွၢ်စုးတၢ်တဖၣ်အကျါခံဂၤန့ၣ်ဖှီယာ် အတၢ်ကူတၢ်သိးတဖၣ်လၢတၢ်သးအုးအပူၤ,

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်တၢ်ဂံၢ် 18:5

ထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်မူဒါတဖၣ်လၢ တၢ်အလီၢ်စီဆှံဂီၢ်ဒီးလၢတၢ်လုၢ်လီၢ်အဂီၢ်, ဒ်သိးယတၢ်သးဒိၣ်အသုတဟဲဖျိးထီၣ်ကဒီးထီဒါဘၣ်ကီၢ်အံၣ်စရ့ လးအပှၤဂီၢ်မုၢ်တဖၣ်တဂ့ၤအဂီၢ်န့ၣ်လီၤ.

လံာ်တၢ်ဂံၢ် 20:25

လဲၤကိးထီၣ်စီၤအၤဟရိၣ်ဒီးအဖိခွါစီၤအလၤဧစၢ်ဆူကစၢၢ်ဃိၢ် အဒီခိၣ်,

လံာ်တၢ်ဂံၢ် 5:18

ဒီးအဝဲကဘ့ၣ်လီၤပိာ်မုၣ်န့ၣ်အခိၣ်သူဒီးဒၢနုာ်လီၤတၢ်လုၢ် မၤဘူၣ်အကိၣ်ကမူၣ်န့ၣ်ဆူပိာ်မုၣ်အစုပူၤန့ၣ်လီၤ. ပှၤလုၢ်တၢ်အခိၣ်န့ၣ်ကဘၣ်ဟံးဃးလီခီလၢတၢ်ဒၢနုာ်ဃးတၢ်ခၣ်ထံ လၢအဟဲစိာ်တၢ်ဆိၣ်အၢတမံၤလၢအစုပူၤလီၤ.

လံာ်သိၣ်လီၤသီလီၤတၢ် 33:9

အဝဲသ့ၣ်ဒုးနဲၣ်အတၢ်သးတီဒိၣ်ထီၣ်ဒီးနၤဒိၣ်န့ၢ်ဒံးအတၢ်သးတီဒီးအမိၢ်အပၢ်တဖၣ်, အဒီပုၢ်ဝဲၢ်ခွါတဖၣ်ဒီးအဖိတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စူၢ်တ့ၢ်နတၢ်မၤလိာ်တဖၣ်, ဒီးအိၣ်ဒီးတၢ်သူၣ်တီသးရၤဒီးနတၢ်အၢၣ်လီၤအီလီၤန့ၣ်လီၤ.

လံာ်စီၤယိၤၡူ 22:18

မ့ၢ်သုသါတတူၢ်လိာ်တၢ်ပိာ်ယွၤအခံခဲအံၤဘၣ်ဧါ. သုမ့ၢ်ပူထီၣ်ထီဒါယွၤလၢမုၢ်မဆါတနံၤအံၤဒီး, ခဲမုၢ်ဆ့ၣ်အဝဲအသးကဒိၣ်ပှၤခဲလၢာ်လၢအံၣ်စရ့လးအပူၤန့ၣ်လီၤ.

လံာ်စီၤယိၤၡူ 22:20

သ့ၣ်နီၣ်ထီၣ်က့ၤစီၤစ့ရၤအဖိခွါစီၤဧၤကၣ်အတၢ်တဒိ ကနၣ်တၢ်မၤလိာ်ဘၣ်ဃးတၢ်သ့ၣ်တဖၣ်လၢတၢ်ကဘၣ်မၤဟးဂီၤအီၤခဲ လၢာ်အဂ့ၢ်န့ၣ်တက့ၢ်. အံၣ်စရ့လးခဲလၢာ်ဘၣ်တၢ်စံၣ်ညီၣ်အီၤ လၢတၢ်ဂ့ၢ်အဝဲန့ၣ်အဃိလီၤ. စီၤဧၤကၣ်တမ့ၢ်ပှၤထဲတဂၤဧိၤလၢ အသံလၢအတၢ်ဒဲးဘးအဃိန့ၣ်ဘၣ်.”

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.