လံာ်တၢ်ဘူၣ်ထီၣ်ဘါထီၣ် 10:12 - Sgaw Karen Common Bible

¹² ဒီးစီၤမိၤၡ့စံးဘၣ်စီၤအၤဟရိၣ်ဒီးအဖိခွါအိၣ်လီၤတဲာ်ခံဂၤလၢ အမ့ၢ်စီၤအလၤဧစၢ်ဒီးစီၤအံသမၢ်, “ဟံးန့ၢ်တၢ်လုၢ်ဘုဧိၤဟုဧိၤလၢအအိၣ်လီၤတဲာ်လၢတၢ်လုၢ်မၤ ဘူၣ်တၢ်အီၣ်ဆူယွၤအအိၣ်ဒီးမၤကိၣ်လၢကိၣ်မံၣ်တအိၣ်ဘၣ်. ဒီးအီၣ်အီဖဲတၢ်လုၢ်လီၢ်အကပၤန့ၣ်တက့ၢ်. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်စီၤဧ့စြၤ 7:5

စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

လံာ်တၢ်ဟးထီၣ်ကွံာ် 29:2

ဟံးန့ၢ်ဘုကၠူၣ်အကမူၣ်အဂ့ၤကတၢၢ်လၢတအိၣ်ဘၣ်ဒီးကိၣ်မံၣ်ဒီး မၤကိၣ်တနီၤလၢသ့ၣ်စၤယံးအသိ, ဒီးတနီၤလၢတအိၣ်ဘၣ်ဒီးသ့ၣ်စၤယံးအသိဒီးတနီၤမၤအီၤဒ်ကိၣ် ဘ့ၣ်ဘၣ်ဘူတလါလၢတၢ်ဖှူအီၤလၢသိတက့ၢ်.

လံာ်တၢ်ဟးထီၣ်ကွံာ် 29:33

အဝဲသ့ၣ်ကဘၣ်အီၣ်တၢ်အီၣ်လၢဘၣ်တၢ်သူအီၤဒ်တၢ်ပျၢ်တၢ်ဒဲးဘး အတၢ်ဘူၣ်တၢ်ဘါအလုၢ်အလၢ်, ဖဲတၢ်ဖှူအဝဲသ့ၣ်အကတီၢ်န့ၣ်လီၤ. ထဲပှၤလုၢ်တၢ်အခိၣ်တဖၣ်ဧိၤ ကဘၣ်အီၣ်တၢ်အီၣ်အံၤန့ၣ်လီၤ. အဂ့ၢ်ဒ်အံၤမ့ၢ်ဝဲတၢ်စီဆှံန့ၣ်လီၤ.

လံာ်တၢ်ဟးထီၣ်ကွံာ် 6:23

ဒီးစီၤအၤဟရိၣ်ဟံးန့ၢ်အမါလၢစီၤအမံၤနဒးအဖိမုၣ်ဒီးစီၤ နးၡိၣ်အဒီပုၢ်ဝဲၢ်မုၣ်နီၢ်အ့းလံၤစါဘ့းလီၤ. ဒီးအဝဲဒၣ်ဆံးစၢ်န့ၢ်အီၤလၢစီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်လီၤ.

လံာ်ယဃ့းစက့လး 44:29

တၢ်လုၢ်ဘုဧိၤဟုဧိၤ, တၢ်လုၢ်တၢ်ဒဲးဘးဒီးတၢ်လုၢ်တၢ်ကမၣ်တဖၣ်က မ့ၢ်ပှၤလုၢ်တၢ်အခိၣ်တဖၣ်အတၢ်အီၣ်ဒီးအဝဲသ့ၣ်ကဒိးန့ၢ် ဘၣ်တၢ်ခဲလၢာ်လၢကီၢ်အံၣ်စရ့လးအပူၤလၢတၢ်ပာ်လီၤဆီအီၤလၢ ယဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:13

အီၣ်အီၤလၢတၢ်လီၢ်စီဆှံအပူၤတက့ၢ်ဒီးတၢ်အံၤမ့ၢ်ဝဲတၢ်နီၤ ဖးလၢအဘၣ်ဃးဒီးနၤဒီးနဖိခွါတဖၣ်, လၢတၢ်လုၢ်မၤဘူၣ်ဆူယွၤအအိၣ်န့ၣ်လီၤ. တၢ်န့ၣ်မ့ၢ်ယွၤမၤလိာ်ယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:22

ဒီးအဝဲကအီၣ်ဘၣ်တၢ်အီၣ်လၢအဘၣ်တၢ်လုၢ်ထီၣ်အီၤဆူယအိၣ်, တၢ်အီၣ်လၢအစီအဆှံဒီးအစီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:9

ဒီးကိၣ်န့ၣ်ကကဲထီၣ်စီၤအၤဟရိၣ်ဒီးအစၢၤအ သွဲၣ်တဖၣ်အတၢ်ဒီးကဘၣ်အီၣ်ဝဲလၢတၢ်လီၢ်စီဆှံအပူၤန့ၣ်လီၤ. အဂ့ၢ်ဒ်အံၤမ့ၢ်တၢ်စီဆှံကတၢၢ်လၢအဂီၢ်လၢတၢ်လုၢ်မ့ၣ်အူ အကျါန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 7:9

ဒီးတၢ်လုၢ်ဘုဧိၤဟုဧိၤခဲလၢာ်လၢအဘၣ်တၢ်ကုၢ်အီၤလၢဖၣ်ကပူၤ မ့ၢ်ဂ့ၤ, လၢထးကဘျၣ်အဖီခိၣ်မ့ၢ်ဂ့ၤ, လၢသပၢၤဘံၣ်သလၣ်အပူၤမ့ၢ်ဂ့ၤန့ၣ် ဘၣ်ဃးဒီးပှၤလုၢ်တၢ်အခိၣ်လၢအ လုၢ်ထီၣ်တၢ်လုၢ်အံၤဆူကစၢ်ယွၤအအိၣ်န့ၣ်လီၤ.

လံာ်တၢ်ဂံၢ် 3:2

စီၤအၤဟရိၣ်အိၣ်ဒီးအဖိခွါလွံၢ်ဂၤလၢအမ့ၢ်, စီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.