လံာ်တၢ်ဘူၣ်ထီၣ်ဘါထီၣ် 10:1 - Sgaw Karen Common Bible

¹ စီၤအၤဟရိၣ်အဖိခွါတဖၣ်လၢအမ့ၢ်စီၤနၤဒးဒီးစီၤအဘံဟူၤ, ဟံးန့ၢ်ဝဲသပၢၤမ့ၣ်အူတဂၤတဖျၢၣ်စုာ်စုာ်ဒီးဒၢနုာ်မ့ၣ်အူအ့ၣ် ဃုာ်ဒီးတၢ်နၢမူလၢအပူၤဒီးလုၢ်ထီၣ်ဝဲဆူယွၤအအိၣ်လီၤ. ဘၣ်ဆၣ်ဒီးမ့ၣ်အူအံၤတမ့ၢ်တၢ်လၢအကဆှီဘၣ်. မ့ၢ်လၢယွၤတမၤလိာ်အဝဲသ့ၣ်လၢကလုၢ်ထီၣ်ဝဲအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:1 Iomraidhean Croise

လံာ်စီၤပၤအခီၣ်ထံးတဘ့ၣ် 18:38

ယွၤဆှၢလီၤမ့ၣ်အူဒီးမ့ၣ်အူန့ၣ်အီၣ်ကွံာ်ဝဲတၢ်လုၢ်တၢ်ပာ်, သ့ၣ်မုၣ်, လၢၢ်တဖၣ်ဒီးဟီၣ်ခိၣ်ကမူၣ်ဒီးအီၣ်ဃ့ထီၣ်ကွံာ်စ့ၢ် ကီးထံလၢတၢ်ကျိၤအပူၤန့ၣ်လီၤ.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

လံာ်တၢ်ဟးထီၣ်ကွံာ် 24:1

ယွၤစံးဘၣ်စီၤမိၤၡ့, “ဟဲထီၣ်ဆူကစၢၢ်ကလိဆူယအိၣ်, နဲဒၣ်ဒီးစီၤအၤဟရိၣ်, စီၤနၤဒးဒီးစီၤအဘံဟူၤ, ဒီးပှၤအံၣ်စရ့လးဖိအခိၣ်အနၢ်တဖၣ်အဂၤနွံဆံန့ၣ်တက့ၢ်. ဒီးဖဲသုအိၣ်ဒံးလၢအယံၤန့ၣ်ဆုးလီၤသုခိၣ်လၢတၢ်ဘူၣ်ထီၣ် ဘါထီၣ်အပူၤတက့ၢ်.

လံာ်တၢ်ဟးထီၣ်ကွံာ် 24:9

စီၤမိၤၡ့, စီၤအၤဟရိၣ်, စီၤနၤဒး, စီၤအဘံဟူၤဒီးပှၤအံၣ် စရ့လးဖိအခိၣ်အနၢ်အဂၤနွံဆံန့ၣ်လဲၤထီၣ်ဆူကစၢၢ်အလိၤ,

လံာ်တၢ်ဟးထီၣ်ကွံာ် 27:3

မၤန့ၢ်သပၢၤဘံၣ်တဖၣ်လၢတၢ်ကစိာ်ကွံာ်ဖၣ်ဆါလၢအဘၣ်အၢဒီးသိ တဖၣ်အဂီၢ်, ဒီးမၤန့ၢ်နီၣ်တရီာ်တဖၣ်, လီခီဖးဒိၣ်တဖၣ်နီၣ်ကွးတၢ်တဖၣ်ဒီးသပၢၤမ့ၣ်အူတဖၣ်တက့ၢ်. ကယဲၢ်တၢ်အပီးအလီတဖၣ်အံၤကဘၣ်တၢ်မၤအီၤလၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 31:11

သိဖှူတၢ်, ဒီးတၢ်နၢမူနၢဆှီလၢတၢ်အလီၢ်စီဆှံအဂီၢ်န့ၣ်လီၤ. လၢတၢ်မၤကယဲၢ်တၢ်ကိးမံၤဒဲးအံၤအပူၤ, အဝဲသ့ၣ်ကဘၣ်မၤဝဲ လီၤတံၢ်လီၤဆဲးဒ်ယမၤလိာ်တ့ၢ်နၤအသိးန့ၣ်လီၤ.”

လံာ်တၢ်ဟးထီၣ်ကွံာ် 37:29

အဝဲမၤစ့ၢ်ကီးသိဖှူတၢ်စီဆှံဒီးတၢ်ဆိၣ်ကဲၤနၢမူအဆၢ, လၢအဃါဃုာ်အသးဒ်သိနၢမူအသိးန့ၣ်လီၤ.

လံာ်တၢ်ဟးထီၣ်ကွံာ် 38:3

အဝဲမၤစ့ၢ်ကီးတၢ်လုၢ်လီၢ်အပီးအလီတဖၣ်ဒ်သပၢၤဘံၣ်တဖၣ်, နီၣ်တရီာ်တဖၣ်သလၢတဖၣ်, နီၣ်ကွးတဖၣ်ဒီးသပၢၤမ့ၣ်အူတဖၣ်လၢတိၢ်ဘီခဲလၢာ်လီၤ.

လံာ်တၢ်ဟးထီၣ်ကွံာ် 40:27

ဒီးဆိၣ်ကဲၤထီၣ်တၢ်နၢမူဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 6:23

ဒီးစီၤအၤဟရိၣ်ဟံးန့ၢ်အမါလၢစီၤအမံၤနဒးအဖိမုၣ်ဒီးစီၤ နးၡိၣ်အဒီပုၢ်ဝဲၢ်မုၣ်နီၢ်အ့းလံၤစါဘ့းလီၤ. ဒီးအဝဲဒၣ်ဆံးစၢ်န့ၢ်အီၤလၢစီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်လီၤ.

လံာ်တၢ်ဟးထီၣ်ကွံာ် 8:27

ပကဘၣ်လဲၤတၢ်သၢနံၤကျဲဆူပှၢ်မုၢ်ကနၢအပူၤဒီးလုၢ်တၢ်ပာ်တၢ် ဆူယွၤ, ပကစၢ်ယွၤအအိၣ်ဒ်အဝဲမၤလိာ်တ့ၢ်ပှၤအသိးန့ၣ်လီၤ.”

လံာ်ယံးရမံယၤ 19:5

ဒီးအဝဲသ့ၣ်သူၣ်ထီၣ်တ့ၢ်တၢ်လုၢ်လီၢ်တဖၣ်လၢဘဧၤလးအဂီၢ် ဒ်သိးကဆိၣ်ကဲၤထီၣ်အဖိတဖၣ်လၢမ့ၣ်အူအပူၤဒ်တၢ်လုၢ်တၢ်ပာ် တဖၣ်အသိးန့ၣ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤ နီတစုဘၣ်. တၢ်အံၤတဟဲနုာ်ဒၣ်လဲာ်လၢယတၢ်ဆိကမိၣ်အပူၤ နီတစုဘၣ်.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယံးရမံယၤ 44:15

အန့ၣ်ဝံၤဒီး, ပှၤပိာ်ခွါခဲလၢာ်လၢ အသ့ၣ်ညါတ့ၢ်ဝဲ လၢအမါတဖၣ် လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်အဂၤတဖၣ်, ဒီးပိာ်မုၣ်ခဲလၢာ်လၢ အဆၢ ထၢၣ်ဖဲန့ၣ် ဃုာ်ဒီးပှၤအံၣ်စရ့လးဖိတဖၣ်လၢအအိၣ် အဆိးလၢကီၢ်အဲၤကူပတူးအကလံၤထံး, ပှၤဂီၢ်မုၢ်ဖးဒိၣ် တဖုန့ၣ်စံးဘၣ်ယၤ,

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်ယံးရမံယၤ 7:31

လၢဟံၣ်နိၣ်အတြီၤပူၤန့ၣ်, အဝဲသ့ၣ်သူၣ်ထီၣ်ဘှီထီၣ်တၢ်လုၢ် လီၢ်တတီၤလၢတၢ်ကိးအီၤလၢတိဖ့းဒ်သိးအဝဲသ့ၣ်လုၢ်ထီၣ်ပာ်ထီၣ် အဖိခွါတဖၣ်ဒီးအဖိမုၣ်တဖၣ်လၢမ့ၣ်အူအပူၤကသ့ဝဲအဂီၢ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤဘၣ်. တၢ်ဂ့ၢ်အံၤတဟဲနုာ်လၢတၢ်ဆိကမိၣ်အပူၤဒၣ်လဲာ်ဘၣ်.

လံာ်တၢ်ဘူၣ်ထီၣ်ဘါထီၣ် 16:1

ယွၤကတိၤတ့ၢ်တၢ်ဒီးစီၤမိၤၡ့, ဖဲစီၤအၤဟရိၣ်အဖိခွါခံဂၤ လၢအလုၢ်ထီၣ်တၢ်လုၢ်မ့ၣ်အူလၢအတကဆှီဘၣ်သံဝံၤအလီၢ်ခံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:12

ဒီးကဘၣ်ဟံးန့ၢ်ဝဲသပၢၤမ့ၣ်အူလၢအ ပှဲၤဒီးမ့ၣ်အူကဖးလၢတၢ်လုၢ်လီၢ်ဒီးတၢ်နၢမူကမူၣ်ခံစှီၤ ဒီးဟဲစိာ်အီၤဆူတၢ်လီၢ်စီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:9

ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:24

ဒီးယွၤဆှၢလီၤမ့ၣ်အူသတူၢ်ကလာ်ဒီးအီၣ်ကွံာ်တၢ်လုၢ်မ့ၣ်အူ ဒီးအသိတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. ဒီးဖဲပှၤဂီၢ်မုၢ် ထံၣ်ဘၣ်တၢ်န့ၣ်, အဝဲသ့ၣ်ခဲလၢာ်ကိးသတြီထီၣ်ဒီးထိၣ်လီၤပှီၤအသးလီၤ.

လံာ်တၢ်ဂံၢ် 16:46

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်နသပၢၤမ့ၣ်အူ, ဒၢနုာ်မ့ၣ်အူအ့ၣ်တဖၣ်လၢနမၤန့ၢ်လၢတၢ်လုၢ်လီၢ်န့ၣ် အပူၤဒီးပာ်ထီၣ်တၢ်နၢမူတနီၤလၢအဖီခိၣ်တက့ၢ်. အန့ၣ်ဝံၤဒီးလဲၤစိာ်အီၤချ့ချ့ဆူပှၤဂီၢ်မုၢ်အအိၣ်ဒီးမၤ တၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢအဝဲသ့ၣ်အဂီၢ်တက့ၢ်. မၤချ့ချ့တက့ၢ်. ယွၤအတၢ်သးဒိၣ်ဖျိးထီၣ်ဝဲလံဒီးတၢ်သံ သတြိာ်တမံၤစးထီၣ်မၤအသးလံ.”

လံာ်တၢ်ဂံၢ် 26:61

စီၤနၤဒးဒီးစီၤအဘံဟူၤသံဝဲဒၣ်ဖဲအဝဲသ့ၣ်လုၢ်ထီၣ်တၢ်လုၢ် တစီဆှံဘၣ်ဆူယွၤအအိၣ်န့ၣ်လီၤ.

လံာ်တၢ်ဂံၢ် 4:18

“မ်စီၤကဃးအဒူၣ်ထၢ

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 17:3

ခီဖျိတၢ်ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, မုၢ်မ့ၢ်ဂ့ၤ, လါမ့ၢ်ဂ့ၤ, ဆၣ်တဖၣ်မ့ၢ်ဂ့ၤအတၢ်, တၢ်လၢအထီဒါလိာ်အသးဒီးယွၤအတၢ်မၤလိာ်န့ၣ်လီၤ.

လံာ်သိၣ်လီၤသီလီၤတၢ် 4:2

မၤအါထီၣ်တၢ်လၢယမၤလိာ်တ့ၢ်သုနီတမံၤတဂ့ၤ. ဒီးထုးကွံာ်တၢ်နီတမံၤတဂ့ၤ. စူၢ်ယွၤ, သုကစၢ်ယွၤအတၢ်မၤ လိာ်တဖၣ်လၢယဟ့ၣ်လီၤသုန့ၣ်တက့ၢ်.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.