လံာ်တၢ်ဘူၣ်ထီၣ်ဘါထီၣ် 1:9 - Sgaw Karen Common Bible

⁹ မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9 Iomraidhean Croise

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 6:34

စီၤအ့လကါနၤ, စီၤယရိဃၣ်, စီၤအလံၤအ့လး, စီၤတိအး,

လံာ်ကွဲးနီၣ်တၢ်ခံဘ့ၣ်တဘ့ၣ် 4:6

အဝဲသ့ၣ်မၤစ့ၢ်ကီးဝဲသရာ်အဖျၢၣ်တဆံ, ယဲၢ်ဖျၢၣ်ကဘၣ်တၢ်ပာ်အီၤလၢယွၤအတၢ်လုၢ်ဟံၣ်အကလံၤထံး, ဒီးယဲၢ်ဖျၢၣ်လၢအကလံၤစိးန့ၣ်လီၤ. သရာ်တဖၣ်န့ၣ်ကဘၣ်တၢ်သူအီၤလၢတၢ်ကသ့ကွံာ်ဆၣ်ဖိ ကီၢ်ဖိအကူာ်တဖၣ်လၢတၢ်ဆူးကဲၤထီၣ်တ့ၢ်လံအီၤဒ်တၢ်လုၢ်တၢ်ပာ် တဖၣ်န့ၣ်လီၤ. ထံလၢထံဒၢဖးဒိၣ်န့ၣ်ကဘၣ်တၢ်သူ အီၤလၢပှၤလုၢ်တၢ်အခိၣ်တဖၣ်ကသ့အသးအဂီၢ်န့ၣ်လီၤ.

စံးထီၣ်ပတြၢၤ 51:6

တၢ်သူၣ်တီသးလိၤဒီးတၢ်မ့ၢ်တၢ်တီန့ၣ် မ့ၢ်တၢ်လၢနသးလီန့ၣ်လီၤ. မၤပှဲၤယသးလၢနတၢ်ကူၣ်သ့န့ၣ်တက့ၢ်.

စံးထီၣ်ပတြၢၤ 66:15

ယကလုၢ်ထီၣ် တၢ်လုၢ်မ့ၣ်အူလၢ ဆၣ်ဖိကီၢ်ဖိတဖၣ်ဆူနၤ, ဒီးတၢ်ဆိၣ်ကဲၤနၢမူဘၣ်ဃးဒီးသိဖါတဖၣ်, ယကလုၢ်ဂီၤဖံးဖါဒီးမဲာ်တဲးလဲးတဖၣ်လီၤ. စ့လၤ

လံာ်တၢ်ဟးထီၣ်ကွံာ် 12:9

အီၣ်သံကစဲာ်အီၤမ့တမ့ၢ်ချီအီၣ်အီၤတစဲးတဂ့ၤ. မ့မ့ၢ်ကၣ်မံအီၤလၢမ့ၣ်အူဒီဒုဃုာ်ဒီးအခိၣ်, အခီၣ်ဒီးတၢ်အိၣ်လၢအလဲပူၤတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်တၢ်ဟးထီၣ်ကွံာ် 29:25

အန့ၣ်ဝံၤဒီးဟံးန့ၢ်တၢ်တဖၣ်အံၤလၢအဝဲသ့ၣ်အအိၣ်ဒီးဆူးကဲၤ ထီၣ်အီၤလၢတၢ်လုၢ်လီၢ်အဖီခိၣ်, ပာ်အီၤလၢတၢ်လုၢ်မ့ၣ်အူ ခဲလၢာ်အဖီခိၣ်ဒ်တၢ်လုၢ်တၢ်အီၣ်တမံၤလၢယဂီၢ်တက့ၢ်. တၢ်လုၢ်အံၤအတၢ်နၢမူမၤမုာ်ယသးလီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 20:41

ဖဲယစိာ်ထီၣ်ကွံာ်သုလၢထံကီၢ်တဖၣ် လၢသုဘၣ်တၢ်မၤလီၤပြံလီၤပြါသု ဒီးပာ်ဖှိၣ်က့ၤသုတပူၤဃီဝံၤအလီၢ်ခံန့ၣ်, ယကတူၢ်လိာ်တၢ်လုၢ်တၢ်ပာ်တဖၣ်လၢသုဆိၣ်ကဲၤထီၣ်အီၤဒီးပှၤကလုာ် တဖၣ်ကထံၣ်ဝဲလၢယမ့ၢ်တၢ်စီဆှံတဂၤန့ၣ်လီၤ.

လံာ်ယဃ့းစက့လး 40:38

လၢတၢ်လုၢ်ဟံၣ်အဂၢၤလၢတၢ်ချၢတတီၤအပူၤန့ၣ်ဒၢးအိၣ်ဝဲတဖျၢၣ် လၢအအိၣ်စဲဘူးဒီးတၢ်အိပူၤအကျဲစၢၤကျိၤထံးလၢကလံၤစိး တကပၤန့ၣ်လီၤ. ဒၢးအံၤအိၣ်အိးထီၣ်ပာ်အသးဆူကျဲစၢၤ ထံးအဒၢးလၢအကွၢ်ဃီၤတၢ်ဆူတၢ်လုၢ်ဟံၣ်အဂၢၤပူၤ, ဒီးဖဲန့ၣ် အဝဲသ့ၣ်သ့ကွံာ်ဆၣ်ဖိကီၢ်ဖိတဖၣ်လၢအဘၣ်တၢ်မၤသံအီၤဒ်သိး ကဘၣ်တၢ်ဆိၣ်ကဲၤအီၤဒီဒုဒ်တၢ်လုၢ်တၢ်ပာ်တဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:17

ဒီးကဘၣ်ဖီၣ်ဝဲလၢအဒံးဆ့ဒီးဖှီသ့ၣ်ဖးအီၤဘၣ်ဆၣ်, တဘၣ်မၤတဲာ်ကွံာ်အဒံးဆ့ဘၣ်. ဒီးကဘၣ်ဆိၣ်ကဲၤထီၣ်အီၤခဲလၢာ် လၢတၢ်လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်တၢ်အီၣ်တနီၤဒီးသိ, ဃုာ်ဒီးတၢ်နၢမူလီၢ်ဘၣ်ခဲလၢာ်ဒ်တၢ်သ့ၣ်နီၣ်ထီၣ်က့ၤတၢ်အဂီၢ်အသိးန့ၣ်လီၤ. တၢ်အံၤန့ၣ်မ့ၢ်တၢ်လုၢ်မ့ၣ်အူဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:2

ဒီးဘၣ်ဟဲစိာ်အီၤဆူပှၤလုၢ်တၢ်အခိၣ်လၢအလီၤစၢၤလၢစီၤအၤဟ ရိၣ်အအိၣ်လီၤ. ပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဟံးန့ၢ်ကိၣ်ကမူၣ်တစှီၤ, ဒီးသိ, ဒီးတၢ်နၢမူခဲလၢာ်, ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဒ်တၢ်ပနီၣ်လၢအဘၣ် တၢ်လုၢ်ထီၣ်တ့ၢ်လံအီၤခဲလၢာ်ဆူယွၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:9

ဒီးပှၤလုၢ်တၢ်အခိၣ်ကဟံးန့ၢ်ကိၣ်တနီၤဒ်တၢ်သ့ၣ်နီၣ်ထီၣ်က့ၤ အတၢ်လုၢ်လၢတၢ်အံၤအဂီၢ်ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:11

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:14

တၢ်သိၣ်တၢ်ဘျၢလီၤဆီဘၣ်ဃးတၢ်လုၢ်ဘုဧိၤဟုဧိၤန့ၣ်, မ့ၢ်ဒ်လၢလာ်အသိးလီၤ. ပှၤလုၢ်တၢ်အခိၣ်လၢအလီၤစၢၤလၢစီၤအၤ ဟရိၣ်န့ၣ်, ကလုၢ်ထီၣ်တၢ်လုၢ်ဘုဧိၤဟုဧိၤဆူ ယွၤအအိၣ်လၢတၢ်လုၢ်လီၢ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:21

ဒီးသ့စီကွံာ်ဝဲအပှံာ်အကဖုဒီးအခီၣ်တဖၣ်ဒီးဆူးကဲၤထီၣ်သိ ဖါဒီဒုလၢတၢ်လုၢ်လီၢ်အဖီခိၣ်ဒ်ယွၤမၤလိာ်ဝဲအသိးန့ၣ်လီၤ. မ့ၣ်အူအံၤအတၢ်နၢမူန့ၣ်မၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:28

အန့ၣ်ဝံၤဒီး, စီၤမိၤၡ့ဟံးက့ၤတၢ်အီၣ်တဖၣ်လၢအဝဲသ့ၣ်အစု ပူၤဒီးဆိၣ်ကဲၤထီၣ်ဝဲလၢတၢ်လုၢ်လီၢ်အဖီခိၣ်ဃုာ်ဒီးတၢ်လုၢ် မ့ၣ်အူဒ်အမ့ၢ်တၢ်ဒိးပာ်စုအတၢ်လုၢ်တၢ်ပာ်တမံၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:14

အန့ၣ်ဝံၤဒီးသ့စီကွံာ်ဝဲအပှံာ်အကဖုဒီးအခီၣ်တဖၣ်, ဒီးဆူးကဲၤထီၣ်ဝဲဃုာ်ဒီးတၢ်လုၢ်မ့ၣ်အူလၢတၢ်လုၢ်လီၢ်အဖီခိၣ်န့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်တၢ်ဂံၢ် 15:3

ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်တၢ်ဂံၢ် 28:11

လၢလါတလါစုာ်စုာ်ထီၣ်အခီၣ်ထံးကတၢၢ်တနံၤန့ၣ်, ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်တက့ၢ်. ကျီၢ်ဖါအသးစၢ်ခံဒု, သိဖါတဒု, သိဖါဖိအသးအိၣ်တနံၣ်နွံဒု, ခဲလၢာ်အံၤကဘၣ်ပူၤဒီးတၢ်သံၣ်သူမီၣ်ကျာ်တဖၣ်န့ၣ်လီၤ.

လံာ်တၢ်ဂံၢ် 28:7

လၢတၢ်လုၢ်စပံးထံဃုာ်ဒီးသိအခီၣ်ထံးတဒုအဂီၢ်န့ၣ်လူလီၤ စပံးထံတဟံၣ်လွံၢ်ပူတပူဖဲတၢ်လုၢ်လီၢ်အဖီခိၣ်န့ၣ်တက့ၢ်.

လံာ်တၢ်ဂံၢ် 28:8

လၢမုၢ်ဟါန့ၣ်လုၢ်ထီၣ်သိခံဒုတဒုန့ၣ်, တမံၤဃီဒ်တၢ်လုၢ်လၢ မုၢ်ဂီၤအသိးဃုာ်ဒီးအတၢ်လုၢ်စပံးထံတက့ၢ်. တၢ်န့ၣ်စ့ၢ်ကီးမ့ၢ်တၢ်လုၢ်တၢ်အီၣ်တၢ်အီတမံၤ, တၢ်နၢမူတမံၤလၢအမၤမုာ်ယွၤအသးန့ၣ်လီၤ.

၂ ကရံၣ်သူး 2:15

အဂ့ၢ်ဒ်အံၤ, ပလီၤဂာ်ဒီးတၢ်နၢမူနၢဆှီတမံၤလၢခရံာ်လုၢ်ထီၣ် ပာ်ထီၣ်ဝဲဆူကစၢ်ယွၤအအိၣ်, ဒီးရၤလီၤအသးဆူပှၤဒိးန့ၢ်တၢ်အုၣ်က့ၤခီၣ်က့ၤဒီးပှၤလီၤ မၢ်တဖၣ်အသိးအကျါလီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

လံာ်သိၣ်လီၤသီလီၤတၢ် 12:27

တၢ်လုၢ်တၢ်ပာ်တဖၣ်လၢကဘၣ်တၢ်ဆိၣ်ကဲၤအီၤဒီဒုလၢယွၤအတၢ်လုၢ် လီၢ်အဖီခိၣ်န့ၣ်, လုၢ်ထီၣ်အီၤဖဲန့ၣ်တက့ၢ်. လုၢ်ထီၣ်စ့ၢ်ကီးတၢ်လုၢ်တၢ်ပာ်တဖၣ်လၢသုအီၣ်အညၣ်, ဒီးလူလီၤကွံာ်အသွံၣ်လၢတၢ်လုၢ်လီၢ်အဖီခိၣ်တက့ၢ်.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.