လံာ်တၢ်ဘူၣ်ထီၣ်ဘါထီၣ် 1:5 - Sgaw Karen Common Bible

⁵ ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 35:11

တုၤသိဖိတဖၣ်ဒီးမဲာ်တဲးလဲးတဖၣ်ဘၣ်တၢ်မၤသံအီၤဝံၤန့ၣ်, ပှၤလ့ၤဝံဖိတဖၣ်အုၣ်ကွံာ်အဖံး, ဒီးပှၤလုၢ်တၢ်အခိၣ်တဖၣ်ဖှံ လီၤတၢ်သွံၣ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်တၢ်ဟးထီၣ်ကွံာ် 29:11

မၤသံဂီၤဖံးဖါတဒုန့ၣ်ဖဲယအိၣ်ယဆိးအဒဲစီဆှံအကျဲစၢၤန့ၣ်တက့ၢ်.

လံာ်တၢ်ဟးထီၣ်ကွံာ် 29:16

မၤသံအီၤဒီးဟံးန့ၢ်အသွံၣ်ဒီးဖှံအီၤလၢတၢ်လုၢ်လီၢ်အကပၤလွံၢ်ခီလိာ်န့ၣ်တက့ၢ်.

လံာ်တၢ်ဟးထီၣ်ကွံာ် 40:6

ပာ်လီၤတၢ်လုၢ်လီၢ်လၢတၢ်လုၢ်မ့ၣ်အူတဖၣ်အဂီၢ်လၢဒဲစီဆှံ အမဲာ်ညါတက့ၢ်.

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ယဃ့းစက့လး 43:18

ယွၤပၢဘၣ်တၢ်ခဲလၢာ်ကစၢ်စံးဘၣ်ယၤ, “ပှၤကညီလၢအသံသ့ဧၢ, ဒိကနၣ်တၢ်လၢယတဲဘၣ်နၤန့ၣ်တက့ၢ်. တုၤမ့ၢ် တၢ်လုၢ်လီၢ်ဘၣ်တၢ်ဘှီထီၣ်အီၤဝံၤန့ၣ်, နကဘၣ်ပာ်စီဆှံအီၤခီ ဖျိတၢ်ဆိၣ်ကဲၤတၢ်လုၢ်တၢ်ပာ်တဖၣ်လၢအဖီခိၣ်, ဒီးခီဖျိတၢ်ဖှံ ဆၣ်ဖိကီၢ်ဖိတဖၣ်လၢအဘၣ်တၢ်လုၢ်ထီၣ်အီၤအသွံၣ်လၢအဖီခိၣ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:11

ဒီးအဝဲကမၤသံအီၤလၢတၢ်လုၢ်လီၢ်အကလံၤစိးတကပၤ, ဒီးပှၤလုၢ်တၢ်အခိၣ်တဖၣ်ကလူလီၤတၢ်သွံၣ်ဝးတရံးတၢ်လုၢ်လီၢ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:15

ဒီးပှၤလုၢ်တၢ်အခိၣ်ကပာ်ထီၣ်ဝဲလၢတၢ်လုၢ်လီၢ်အဖီခိၣ်, ကဝံာ်ကၢ်ဝဲအကိာ်, ဒီးဆိၣ်ကဲၤအခိၣ်လၢတၢ်လုၢ်လီၢ်အဖီ ခိၣ်န့ၣ်လီၤ. ဒီးအသွံၣ်ကဘၣ်တၢ်စံၢ်ကွံာ်အီၤလၢတၢ်လုၢ်လီၢ် အကပၤလီၤ.

လံာ်တၢ်ဘူၣ်ထီၣ်ဘါထီၣ် 16:15

အန့ၣ်ဝံၤဒီးကဘၣ်မၤသံဝဲမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘး လၢပှၤဂီၢ်မုၢ်အဂီၢ်န့ၣ်လီၤ. ဒီးကဘၣ်လဲၤစိာ်နုာ်တၢ်သွံၣ်တနီၤဆူတၢ်လီၢ်စီဆှံကတၢၢ်ဒီး ဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အလိၤတနီၤဒီးလၢ တၢ်အၢၣ်လီၤအီလီၤတလါအမဲာ်ညါဒ်အမၤတ့ၢ်ဝဲလၢဂီၤဖံးဖါတဒု အသွံၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:11

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အ ပူၤလီၤ. မၤသးဒ်န့ၣ်ဒီး, ယွၤမၤလိာ်ဝဲလၢတၢ်သွံၣ်ခဲလၢာ်ကဘၣ်တၢ်လူ လီၤအီၤလၢတၢ်လုၢ်လီၢ်အဖီခိၣ်လၢတၢ်တြူာ်ကွံာ်ပှၤဂီၢ်မုၢ်အတၢ် ဒဲဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:2

ဒီးအဝဲကဘၣ်ပာ်အစုလၢဂီၤဖံးန့ၣ်အခိၣ်လိၤဒီးမၤသံအီၤဖဲ တၢ်ဘူၣ်ထီၣ်ဘါထီၣ်ယွၤအကျဲစၢၤန့ၣ်လီၤ. ဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်တဖၣ်ကဘၣ်လူလီၤ တၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:8

အဝဲကဘၣ်ပာ်အစုလၢအသိအခိၣ်လိၤ, ဒီးမၤသံကွံာ်အီၤလၢတၢ်ဘူၣ် ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်တဖၣ် ကလူလီၤတၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:29

ဒီးကဘၣ်ပာ်အစုလၢအတၢ်လုၢ်မၤဘူၣ်န့ၣ်အခိၣ်လိၤ, ဒီးမၤသံအီၤဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢ မ့ၣ်အူအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:33

ဒီးကပာ်ထီၣ်အစုလၢအတၢ်လုၢ်မၤဘူၣ်န့ၣ်အခိၣ်လိၤဒီးမၤသံအီၤ ဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢမ့ၣ်အူအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:7

ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ပာ်တၢ်သွံၣ်တနီၤလၢတၢ် လုၢ်ထီၣ်တၢ်နၢမူအတၢ်လုၢ်လီၢ်အနၢၤတဖၣ်အဖီခိၣ်လၢတၢ်ဘူၣ်ထီၣ် ဘါထီၣ်ယွၤအဒဲပူၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

လံာ်တၢ်ဂံၢ် 18:17

ဘၣ်ဆၣ်ဒီးဂီၤဖံးမိၢ်တဖၣ်အဖိဝဲၢ်ကိ, သိတဖၣ်အဖိဝဲၢ်ကိ, ဒီးမဲာ်တဲးလဲးတဖၣ်အဖိဝဲၢ်ကိန့ၣ်တဘၣ်တၢ်ပှ့ၤက့ၤဘၣ်အီၤဘၣ်. အဝဲသ့ၣ်ဘၣ်ဃးဒီးယၤလၢာ်လၢာ်ဆ့ဆ့ဒီးကဘၣ်တၢ်လုၢ်ထီၣ်ပာ်ထီၣ် အီၤန့ၣ်လီၤ. လူလီၤအသွံၣ်လၢတၢ်လုၢ်လီၢ်အဖီခိၣ်ဒီးဆိၣ်ကဲၤအသိဒ် တၢ်လုၢ်တၢ်အီၣ်အသိးလၢအမ့ၢ်တၢ်နၢမူမၤမုာ်ယသးန့ၣ်တက့ၢ်.

ဧ့ၤဘြံၤ 10:11

ပှၤယူဒၤဖိအပှၤလုၢ်တၢ်အခိၣ်မၤအတၢ်မၤကိးနံၤဒဲးဒီးလုၢ်ထီၣ် တၢ်လုၢ်တၢ်ပာ်တမံၤဃီအဘျီတဖၣ်အဘျီဘၣ်ဆၣ်ဒီး တၢ်လုၢ်တၢ်ပာ်တဖၣ်အံၤဟံးထီၣ်ကွံာ်တၢ်ဒဲးဘးတဖၣ် တသ့ဘၣ်.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 1:25

ဖဲအဝဲသ့ၣ်မၤသံကွံာ်ကျီၢ်ဖါဝံၤန့ၣ်, အဝဲသ့ၣ်လဲၤစိာ်ဖိသၣ် ဆူစီၤဧ့လံၤအအိၣ်လီၤ.