လံာ်တၢ်ဘူၣ်ထီၣ်ဘါထီၣ် 1:4 - Sgaw Karen Common Bible

⁴ ကဘၣ်ပာ်အစုလၢဂီၤဖံးဖါအခိၣ်လိၤဒီးကဘၣ်တၢ်တူၢ်လိာ်အီၤဒ် တၢ်လုၢ်တၢ်ပာ်လၢအစိာ်ကွံာ်အတၢ်ဒဲးဘးအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:4 Iomraidhean Croise

လံာ်တၢ်ဟးထီၣ်ကွံာ် 28:38

စီၤအၤဟရိၣ်ကဘၣ်ဖၢၣ်ထီၣ်အီၤဖဲအခိၣ်တိသၣ်ဒ်သိးယၤ, ယွၤကတူၢ်လိာ်တၢ်လုၢ်ထီၣ်မၤဘူၣ်ခဲလၢာ်လၢပှၤအံၣ်စရ့လးဖိ တဖၣ်ပာ်စီဆှံထီၣ်အီၤဆူယအိၣ်, ဖဲပှၤဂီၢ်မုၢ်မၤတ့ၢ်တၢ်ကမူၤ ကမၣ်တနီၤနီၤလၢအတၢ်လုၢ်ထီၣ်ပာ်ထီၣ်အပူၤဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 29:10

ဟဲစိာ်ဂီၤဖံးဖါဆူယအိၣ်ယဆိးအဒဲစီဆှံအမဲာ်ညါဒီးတဲဘၣ် စီၤအၤဟရိၣ်ဒီးအဖိခွါတဖၣ်လၢကပာ်ထီၣ်အစုလၢဂီၤဖံးဖါ အခိၣ်လိၤန့ၣ်တက့ၢ်.

လံာ်တၢ်ဟးထီၣ်ကွံာ် 29:15

ဟံးန့ၢ်သိဖါတဖၣ်အကျါတဒုဒီးတဲဘၣ်စီၤအၤဟရိၣ်ဒီးအဖိခွါ တဖၣ်လၢကပာ်အစုလၢသိဖါန့ၣ်အခိၣ်လိၤတက့ၢ်.

လံာ်တၢ်ဟးထီၣ်ကွံာ် 29:19

ဟံးန့ၢ်သိဖါအဂၤတဒု, သိဖါလၢတၢ်သူအီၤလၢတၢ်ပာ်စီဆှံ အဂီၢ်ဒီးတဲဘၣ်စီၤအၤဟရိၣ်ဒီးအဖိခွါတဖၣ်လၢကပာ်အစုလၢသိဖါန့ၣ်အခိၣ်လိၤတက့ၢ်.

လံာ်တၢ်ဟးထီၣ်ကွံာ် 29:33

အဝဲသ့ၣ်ကဘၣ်အီၣ်တၢ်အီၣ်လၢဘၣ်တၢ်သူအီၤဒ်တၢ်ပျၢ်တၢ်ဒဲးဘး အတၢ်ဘူၣ်တၢ်ဘါအလုၢ်အလၢ်, ဖဲတၢ်ဖှူအဝဲသ့ၣ်အကတီၢ်န့ၣ်လီၤ. ထဲပှၤလုၢ်တၢ်အခိၣ်တဖၣ်ဧိၤ ကဘၣ်အီၣ်တၢ်အီၣ်အံၤန့ၣ်လီၤ. အဂ့ၢ်ဒ်အံၤမ့ၢ်ဝဲတၢ်စီဆှံန့ၣ်လီၤ.

လံာ်ယၡါယၤ 56:7

“ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယဃ့းစက့လး 45:15

လၢတၢ်လုၢ်မၤဘူၣ်သိအဂီၢ်န့ၣ်, လၢကီၢ်အံၣ်စရ့လးအတၢ်အီၣ် ဆၣ်လီၢ်တဖၣ်အပူၤ, လၢသိအဖုလၢအအိၣ်အဒုခံကယၤအကျါ န့ၣ်သုဘၣ်ဟံးန့ၢ်တဒုလီၤ. သုကဘၣ်ဟဲစိာ်တၢ်လုၢ်ဘုဧိၤဟု ဧိၤတဖၣ်, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤဒီတဒု, ဒီးဆၣ်ဖိကီၢ်ဖိတဖၣ်လၢတၢ်လုၢ်မၤဃူမၤဖိးတဖၣ်အဂီၢ်, ဒ်သိး သုတၢ်ဒဲးဘးတဖၣ်ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်မၤလိာ်တၢ်အံၤန့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 16:21

ဒီးကဘၣ်ပာ်ထီၣ်အစုခံခီလိာ်လၢမဲာ်တဲးလဲးန့ၣ်အခိၣ် လိၤဒီးတဲလီၤကျဲၤလီၤအံၣ်စရ့လးအပှၤဂီၢ်မုၢ်အတၢ်အၢတၢ်သီတဖၣ်ခဲလၢာ်, အတၢ်ဒဲးဘးတဖၣ်, ဒီးကီၢ်အံၣ်စရ့လးအပှၤဂီၢ်မုၢ်အတၢ်ပူထီၣ် တဖၣ်ဒ်သိးအပာ်ထီၣ်အီၤလၢမဲာ်တဲးလဲးတဒုန့ၣ်အခိၣ်လိၤန့ၣ် လီၤ. အန့ၣ်ဝံၤဒီးမဲာ်တဲးလဲးတဒုန့ၣ်ကဘၣ်တၢ်ပျဲကွံာ်အီၤဆူပှၢ် မုၢ်ကနၢခီဖျိပှၤလၢဘၣ်တၢ်ဃုထၢအီၤလၢတၢ်မၤအံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:24

ဒီးကဘၣ်လုၢ်ထံလၢတၢ်အလီၢ်စီဆှံအပူၤဒီးသိးထီၣ်က့ၤအကူ အသိးဒၣ်ဝဲတဖၣ်လီၤ. အန့ၣ်ဝံၤဒီးကဘၣ်ဟးထီၣ်ဝဲဒီးလုၢ်ထီၣ်တၢ်လုၢ်မ့ၣ်အူလၢက တြူာ်ကွံာ်အနီၢ်ကစၢ်ဒၣ်ဝဲအတၢ်ဒဲးဘးဒီးပှၤဂီၢ်မုၢ်အတၢ်ဒဲးဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:21

ဖဲဒၣ်ပှၤလၢအလုၢ်ထီၣ်တၢ်လုၢ်မၤဃူမၤဖိးဆူယွၤအအိၣ်, လၢတၢ်မၤလၢထီၣ်ပှဲၤထီၣ်တၢ်အၢၣ်လီၤအီလီၤအဂီၢ်မ့ၢ်ဂ့ၤ, လၢအတၢ်သးဆူၣ်ဒၣ်ဝဲအဃိမ့ၢ်ဂ့ၤ, ဒ်သိးကဘၣ်တၢ်တူၢ်လိာ်အီၤ န့ၣ်ကဘၣ်မ့ၢ်ဆၣ်ဖိကီၢ်ဖိလၢအတအိၣ်ဘၣ်ဒီးနီၢ်ခိအတၢ်လီၤတူာ် လီၤကာ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:2

ဒီးအဝဲကဘၣ်ပာ်အစုလၢဂီၤဖံးန့ၣ်အခိၣ်လိၤဒီးမၤသံအီၤဖဲ တၢ်ဘူၣ်ထီၣ်ဘါထီၣ်ယွၤအကျဲစၢၤန့ၣ်လီၤ. ဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်တဖၣ်ကဘၣ်လူလီၤ တၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:8

အဝဲကဘၣ်ပာ်အစုလၢအသိအခိၣ်လိၤ, ဒီးမၤသံကွံာ်အီၤလၢတၢ်ဘူၣ် ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်တဖၣ် ကလူလီၤတၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:15

ဒီးပှၤအံၣ်စရ့လးဖိအခိၣ်အနၢ်တဖၣ်ကဘၣ်ပာ်ထီၣ်အစုလၢဂီၤဖံး ဖါတဒုန့ၣ်အခိၣ်လိၤဒီးမၤသံကွံာ်အီၤဖဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:20

ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:24

ဒီးပာ်အစုလၢမဲာ်တဲးလဲးန့ၣ်အခိၣ်အလိၤဒီးမၤသံအီၤဖဲတၢ် လီၢ်လၢအဝဲသ့ၣ်မၤသံတၢ်လုၢ်မ့ၣ်အူလၢယွၤအမဲာ်ညါန့ၣ်လီၤ. အဝဲအံၤမ့ၢ်တၢ်လုၢ်မၤဘူၣ်တၢ်ပျၢ်လၢတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:29

ဒီးကဘၣ်ပာ်အစုလၢအတၢ်လုၢ်မၤဘူၣ်န့ၣ်အခိၣ်လိၤ, ဒီးမၤသံအီၤဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢ မ့ၣ်အူအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:33

ဒီးကပာ်ထီၣ်အစုလၢအတၢ်လုၢ်မၤဘူၣ်န့ၣ်အခိၣ်လိၤဒီးမၤသံအီၤ ဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢမ့ၣ်အူအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:35

အန့ၣ်ဝံၤဒီးတၢ်အသိခဲလၢာ်န့ၣ်, ကဘၣ်တၢ်ဟံးထီၣ်ကွံာ်အီၤဒ်သိဖိတဒုလၢဘၣ်တၢ်မၤသံအီၤလၢတၢ် လုၢ်တၢ်မၤဃူမၤဖိးအဂီၢ်န့ၣ်အသိဘၣ်တၢ်ဟံးထီၣ်ကွံာ်အီၤအသိး, ဒီးအဝဲကဘၣ်ဆူးကဲၤထီၣ်အီၤလၢတၢ်လုၢ်လီၢ်အဖီခိၣ်တဘျီဃီလၢ တၢ်လုၢ်မၤဘူၣ်လၢမ့ၣ်အူဆူယွၤအအိၣ်န့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:4

အဝဲကဘၣ်ဟဲစိာ်ဂီၤဖံးဖါန့ၣ်ဆူတၢ်ဘူၣ်ထီၣ်ဘါထီၣ်ယွၤအဒဲ အကျဲစၢၤဒီးပာ်အစုလၢဂီၤဖံးဖါန့ၣ်အခိၣ်လိၤဒီးမၤသံအီၤဖဲန့ၣ်လၢယွၤအမဲာ်ညါလီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:7

ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ကမၣ်လၢအဂီၢ်ဒီး အတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 8:14

ဒီးစီၤမိၤၡ့ဟံးန့ၢ်ဂီၤဖံးဖါဖိလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးစီၤအၤဟရိၣ်ဒီးအဖိခွါတဖၣ်ပာ်ထီၣ်အစုလၢအခိၣ်လိၤလီၤ.

လံာ်တၢ်ဘူၣ်ထီၣ်ဘါထီၣ် 8:18

ဒီးစီၤမိၤၡ့ဟံးန့ၢ်သိဖါတဒုလၢတၢ်လုၢ်မ့ၣ်အူအဂီၢ်, ဒီးစီၤအၤဟရိၣ်အဖိခွါတဖၣ်ပာ်ထီၣ်အစုလၢအခိၣ်လိၤလီၤ.

လံာ်တၢ်ဘူၣ်ထီၣ်ဘါထီၣ် 8:22

အန့ၣ်ဝံၤဒီး, စီၤမိၤၡ့ဟံးန့ၢ်သိဖါခံဒုတဒုလၢတၢ်ဒိး ပာ်စုပှၤလုၢ်တၢ်အခိၣ်တဖၣ်အဂီၢ်, ဒီးစီၤအၤဟရိၣ်ဒီးအဖိခွါတဖၣ်ပာ်ထီၣ်အစုလၢအခိၣ်အလိၤလီၤ.

လံာ်တၢ်ဘူၣ်ထီၣ်ဘါထီၣ် 9:7

ဒီးစီၤမိၤၡ့စံးဘၣ်စီၤအၤဟရိၣ်, “လဲၤဆူတၢ်လုၢ်လီၢ်ဒီးလုၢ်ထီၣ်တၢ်ပျၢ်တၢ်ဒဲးဘးဒီးတၢ်လုၢ် မ့ၣ်အူလၢကစိာ်ကွံာ်နတၢ်ဒဲးဘးတဖၣ်ဒီးပှၤဂီၢ်မုၢ်အတၢ်ဒဲးဘး အဂီၢ်န့ၣ်တက့ၢ်. လုၢ်ထီၣ်တၢ်လုၢ်တဖၣ်အံၤလၢကစိာ် ကွံာ်ပှၤဂီၢ်မုၢ်အတၢ်ဒဲးဘးတဖၣ်ဒ်ယွၤမၤလိာ်ဝဲအသိးန့ၣ်တက့ၢ်.”

လံာ်တၢ်ဂံၢ် 15:25

ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

လံာ်တၢ်ဂံၢ် 15:28

လၢတၢ်လုၢ်လီၢ်န့ၣ်ပှၤလုၢ်တၢ်အခိၣ်ကဘၣ်မၤအတၢ်မၤကဆှီ ထီၣ်သးလၢတၢ်ဘူၣ်တၢ်ဘါအလုၢ်အလၢ်လၢကမၤကဆှီထီၣ်ပှၤတဂၤန့ၣ် လၢအတၢ်ဒဲးဘးဒီးအဝဲကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဂံၢ် 25:13

အဝဲဒီးအစၢၤအသွဲၣ်တဖၣ်န့ၣ်ဘၣ်တၢ်ဒုးကဲထီၣ်ဒီးပာ်ဂၢၢ်ပာ် ကျၢၤအီၤဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီလီၤ. အဂ့ၢ်ဒ်အံၤ, အဝဲဝံသးစူၤပှၤလၢအပြၢတၢ်ထီဒါယၤတကဲ နီတဂၤဘၣ်ဒီးဒုးလီၤဘၣ်တၢ်ပျၢ်တၢ်ဒဲးဘးလၢပှၤဂီၢ်မုၢ်အတၢ် ဒဲးဘးအဂီၢ်လီၤ.”

လံာ်တၢ်ဂံၢ် 8:10

ကီၢ်အံၣ်စရ့လးအပှၤဂီၢ်မုၢ်ကဘၣ်ပာ်ထီၣ်အစုတဖၣ်လၢပှၤလ့ၤဝံ ဖိတဖၣ်အခိၣ်အဖီခိၣ်,

လံာ်တၢ်ဂံၢ် 8:12

ဝံၤဒီးပှၤလ့ၤဝံဖိတဖၣ်ကပာ်ထီၣ်အစုတဖၣ်လၢကျီၢ်ဖါခံဒု အခိၣ်လိၤလၢတဒုန့ၣ်, ကဘၣ်တၢ်လုၢ်ထီၣ်အီၤလၢတၢ်ပျၢ်တၢ်ဒဲးဘးအဂီၢ်ဒီးအဂၤတဒုန့ၣ် လၢတၢ်လုၢ်မ့ၣ်အူအဂီၢ်, လၢတၢ်ကမၤတၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီထီၣ်ပှၤလ့ၤဝံ ဖိတဖၣ်အဂီၢ်န့ၣ်လီၤ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

ရိမ့ၤ 5:11

အါန့ၢ်အန့ၣ်, ပသးခုဒီးပာ်ကဖၢလၢပသးလၢကစၢ်ယွၤ အပူၤ, ခီဖျိပကစၢ်ယ့ၣ်ၡူးခရံာ်လၢအဒုးကဲထီၣ်ပှၤလၢ ကစၢ်ယွၤအတံၤသကိးတဖၣ်အဃိန့ၣ်လီၤ.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ဧ့ၤဘြံၤ 10:4

အဂ့ၢ်ဒ်အံၤဂီၤဖံးဖါဒီးမဲာ်တဲးလဲးတဖၣ်အသွံၣ်ဟံးထီၣ်ကွံာ်ပှၤ အတၢ်ဒဲးဘးတဖၣ်တသ့နီတဘျီဘၣ်.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.