လံာ်တၢ်ဘူၣ်ထီၣ်ဘါထီၣ် 1:3 - Sgaw Karen Common Bible

³ အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3 Iomraidhean Croise

လံာ်တၢ်ကဲထီၣ်အခီၣ်ထံး 22:13

ဒီးစီၤအၤဘြၤဟၣ်ကွၢ်တၢ်ဆူအခိၣ်အဃၢၤဒီးထံၣ်ဘၣ်သိဖါတဒု အနၢၤတဖၣ်ဘၣ်ဘျးလၢသ့ၣ်တပှီာ်တပှာ်အကျါဒီးအဝဲ လဲၤဖီၣ်န့ၢ်အီၤဒီးလုၢ်ထီၣ်အီၤဒ်တၢ်လုၢ်မ့ၣ်အူတမံၤအသိးလၢ အဖိခွါအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:2

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 22:8

စီၤအၤဘြၤဟၣ်စံးဆၢဝဲ, “ကစၢ်ယွၤအနီၢ်ကစၢ်ဒၣ်ဝဲ ကဟ့ၣ်လီၤသိဖိတဒုန့ၣ်လီၤ.” ဒီးအဝဲသ့ၣ်ခံဂၤလဲၤသကိးတၢ်ဆူညါလီၤ.

လံာ်တၢ်ကဲထီၣ်အခီၣ်ထံး 8:20

ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:32

အဝဲသ့ၣ်ဟဲစိာ်ဂီၤဖံးဖါအဒုနွံဆံ, သိအဒုတကယၤ, ဒီးသိဖိအဒု ခံကယၤဒ်တၢ်လုၢ်မ့ၣ်အူတဖၣ်အသိးလၢယွၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:12

ဝံၤဒီး, အဝဲသ့ၣ်နီၤဖးလီၤဆၣ်ဖိကီၢ်ဖိလၢတၢ်လုၢ်မ့ၣ်အူ အဂီၢ်တဖၣ်ဆူပှၤဂီၢ်မုၢ်တဖၣ်အအိၣ်, ဒ်အဝဲသ့ၣ်အဟံၣ်ဒူၣ်ဃီထၢအကရူၢ်အိၣ်ဝဲအသိးဒ်သိးအဝဲသ့ၣ်လုၢ် ထီၣ်အီၤကသ့ဝဲဒ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤဝဲ အတၢ်သိၣ်လိနဲၣ်ယုၤန့ၣ်လီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

စံးထီၣ်ပတြၢၤ 40:8

ယကစၢ်ယွၤဧၢ, ယသးခုမၤယဲနတၢ်ဘၣ်နသးန့ၣ်လီၤ. ယပၢၤဃာ်နတၢ်သိၣ်တၢ်သီလၢယသးပူၤလီၤ.’’

လံာ်တၢ်ဟးထီၣ်ကွံာ် 12:5

သုဃုထၢသိတဒုမ့တမ့ၢ်မဲာ်တဲးလဲးတဒုသ့ဝဲလီၤ. ဘၣ်ဆၣ်ဒီးကဘၣ်မ့ၢ်အဖါတဒုလၢအသးအိၣ်တနံၣ်ဒီးတအိၣ်ဘၣ်ဒီးတၢ် လီၤတူာ်လီၤကာ်နီတမံၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 24:5

အန့ၣ်ဝံၤဒီးအဝဲမၢလီၤပိာ်ခွါသးစၢ်တဖၣ်ဒီးအဝဲသ့ၣ်ဆူး ကဲၤထီၣ်တၢ်လုၢ်တၢ်ပာ်တဖၣ်ဆူယွၤအအိၣ်ဒီးလုၢ်ထီၣ်ပာ်ထီၣ်ဂီၤ ဘုၣ်ဂီၤဖံးတနီၤဒ်တၢ်လုၢ်မၤဃူမၤဖိးတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်တၢ်ဟးထီၣ်ကွံာ် 29:4

ဟဲကိးစီၤအၤဟရိၣ်ဒီးအဖိခွါတဖၣ်ဆူယအိၣ်ယဆိးအဒဲစီဆှံ အကျဲစၢၤဒီးမၢအဝဲသ့ၣ်လုၣ်ကဆှီထီၣ်အသးဒ်တၢ်အလုၢ်အလၢ်အိၣ် ဝဲအသိးတက့ၢ်.

လံာ်တၢ်ဟးထီၣ်ကွံာ် 29:42

ခဲအံၤဒီးဆူညါထီဘိန့ၣ်တၢ်လုၢ်မ့ၣ်အူအံၤကဘၣ်တၢ်မၤဘူၣ် အီၤလၢယအိၣ်ယဆိးအဒဲစီဆှံအကျဲစၢၤလၢယမဲာ်ညါန့ၣ်လီၤ. အဝဲန့ၣ်မ့ၢ်တၢ်လီၢ်ဖဲယကသဂၢၢ်ယပှၤဂီၢ်မုၢ်ဒီးကတိၤတၢ်ဆူသုအိၣ်န့ၣ်လီၤ.

လံာ်တၢ်ဟးထီၣ်ကွံာ် 32:6

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်အဝဲသ့ၣ်ဟဲစိာ်ဆၣ်ဖိကီၢ် ဖိတနီၤလၢကဘၣ်တၢ်ဆူးကဲၤအီၤဒ်တၢ်လုၢ်တၢ်ပာ်တဖၣ်အသိး, ဒီးအဂၤတနီၤလၢကအီၣ်ဝဲဒ်တၢ်လုၢ်မၤဃူမၤဖိးအတၢ်လုၢ်အသိး န့ၣ်လီၤ. ပှၤဂီၢ်မုၢ်ဆ့ၣ်နီၤမၤမူးဖးဒိၣ်ဒီးကဲထီၣ်ဝဲလၢတၢ်အီၣ်လုၣ် ကိလုၣ်ကပာ်ဒီးတၢ်မုာ်ဖံးမုာ်ညၣ်အတၢ်ကလုာ်ကလိၤန့ၣ်လီၤ.

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်တၢ်ဟးထီၣ်ကွံာ် 35:5

မၤတၢ်လုၢ်မၤဘူၣ်တမံၤဆူယွၤအအိၣ်တက့ၢ်. ပှၤကိးဂၤလၢအသး အိၣ်တၢ်ဒ်န့ၣ်အသိးန့ၣ်, ကဘၣ်ဟဲစိာ်တၢ်လုၢ်မၤဘူၣ်တမံၤလၢထူ, စ့, မ့တမ့ၢ်တိၢ်ဘီ,

လံာ်တၢ်ဟးထီၣ်ကွံာ် 36:3

အဝဲသ့ၣ်ဒိးန့ၢ်ကယဲၢ်တၢ်လုၢ်မၤဘူၣ်လၢပှၤအံၣ်စရ့လးဖိတဖၣ် ဟဲစိာ်ဝဲခဲလၢာ်လၢတၢ်သူၣ်ထီၣ်ဒဲစီဆှံအဂီၢ်လၢစီၤမိၤၡ့အစုပူၤလီၤ. ဘၣ်ဆၣ်ဒီးကီၢ်အံၣ်စရ့လးအပှၤဂီၢ်မုၢ်ဟဲစိာ်ဒံးအတၢ်လုၢ်မၤဘူၣ်တဖၣ်ဆူ စီၤမိၤၡ့အအိၣ်ကိးမုၢ်ဂီၤဒဲးလီၤ.

လံာ်တၢ်ဟးထီၣ်ကွံာ် 38:1

လၢတၢ်လုၢ်မ့ၣ်အူတဖၣ်အဂီၢ်န့ၣ်, အဝဲမၤတၢ်လုၢ်လီၢ်တခါလၢသ့ၣ် ဖှံၡံးတၤလီၤ. ဒီးတၢ်လုၢ်လီၢ်န့ၣ်အလဲၢ်အနီၣ်ထိၣ်ဃူလွံၢ်ကပၤလိာ်လၢ အထီအိၣ်ယဲၢ်ပျၢ်ဒီး, ဒီးအလဲၢ်အိၣ်ယဲၢ်ပျၢ်, ဒီးအကစီၤထီၣ်ဝဲသၢပျၢ်န့ၣ်လီၤ.

လံာ်ယၡါယၤ 1:11

အဝဲစံး, “မ့ၢ်သုဆိကမိၣ်လၢယသးလီကယဲၢ်တၢ်လုၢ်တၢ်ပာ်တဖၣ် လၢသုလုၢ်ထီၣ်ယၤတထံၣ်ဃီအံၤန့ၣ်ဧါ. သိတဖၣ်လၢသုဒွဲၣ် အူအီၤလၢမ့ၣ်အူဒ်တၢ်လုၢ်တၢ်ပာ်တဖၣ် အသိးဒီးသုဆၣ်ဖိကီၢ်ဖိအဂ့ၤတဖၣ်အသိန့ၣ်ယဒိးန့ၢ်တ့ၢ်အီၤ အါန့ၣ်ယလိၣ်ဘၣ်အီၤလံ. ယသးလၢာ်ဂီၤဖံးတဖၣ်, သိတဖၣ်, ဒီးမဲာ်တဲးလဲးတဖၣ်အသွံၣ်လံ.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်ယဃ့းစက့လး 40:39

လၢကျဲစၢၤထံးဒၢးအံၤအပူၤန့ၣ်, စီၢ်နီၤခိၣ်အိၣ်ဝဲလွံၢ်ဖျၢၣ်, ခံဖျၢၣ်စုာ် စုာ်လၢဒၢးပူၤတခီတကပၤန့ၣ်လီၤ. လၢစီၢ်နီၤခိၣ်တဖၣ်အံၤအလိၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်လၢတၢ်ကလုၢ်ထီၣ်အီၤဒ်တၢ် လုၢ်တၢ်ပာ်တဖၣ်အသိး, လၢတၢ်လုၢ်ဆိၣ်ကဲၤအီၤဒီဒုတဖၣ်အ ဂီၢ်မ့ၢ်ဂ့ၤလၢတၢ်လုၢ်လၢတၢ်ပျၢ်တၢ်ဒဲးဘးတဖၣ်အဂီၢ်မ့ၢ်ဂ့ၤ, တၢ်လုၢ်လၢတၢ်ပျၢ်တၢ်ကမၣ်တဖၣ်အဂီၢ်မ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:10

ဒီးလၢဃိးသီတသီန့ၣ်ကဘၣ်ဟဲစိာ်ဝဲသိဖါခံဒုဒီးသိ အမိၢ်ဖိတဒုလၢအသးအိၣ်တနံၣ်လၢမဲၣ်သူမဲၣ်ဂီၤတအိၣ်ဘၣ်လၢအလိၤ, ဒီးကိၣ်ကမူၣ်အဃၢလီၤတယၢၢ်သၢအ့စရိၣ်လၢအဃါဃုာ်ဒီးသ့ၣ်စၤ ယံးအသိဒီးသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:7

အန့ၣ်ဝံၤဒီးကဘၣ်လဲၤစိာ်မဲာ်တဲးလဲးဖါခံဒုန့ၣ်ဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:4

လုၢ်သ့ၣ်ခါပတာ်တၢ်သိၣ်တၢ်ဘျၢန့ၣ်လီၤ. အဝဲမ့ၢ်ပှၤတဂၤလၢအဂၢ်လီၤတၢ်သွံၣ်, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:8

ပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤ, မ့ၢ်လုၢ်တၢ်လုၢ်မ့ၣ်အူမ့ၢ်ဂ့ၤ, တၢ်လုၢ်အဂုၤအဂၤတမံၤမံၤမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 17:9

ဒ်တၢ်လုၢ်မၤဘူၣ်ဆူယွၤအအိၣ်, လၢတၢ်လီၢ်အဂၤတပူၤပူၤလၢ အတမ့ၢ်ဘၣ်တၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဘၣ်န့ၣ်အဝဲတဘၣ် တၢ်ပာ်လၢၤအီၤဒ်ပှၤတဂၤလၢကစၢ်ယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 23:12

မုၢ်တနံၤလၢသုလုၢ်ထီၣ်တၢ်မၤဘူၣ်ဘုဧိၤဟုဧိၤန့ၣ်, သုကဘၣ်လုၢ်ထီၣ်သိဖါတနံၣ်ဖိတဒုလၢအတအိၣ်ဒီးနီၢ်ခိ အတၢ်လီၤတူာ်လီၤကာ်ဒ်တၢ်လုၢ်မ့ၣ်အူအသိးစ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:18

ဒီးသုဘၣ်လုၢ်ထီၣ်သိဖိလၢအတအိၣ်ဒီးနီၢ်ခိ က့ၢ်ဂီၤအတၢ်လီၤတူာ်လီၤကာ်တနံၣ်ဖိနွံဒုဒီးဂီၤဖံးဖိတဒု, ဒီးသိဖါခံဒုဒီးကိၣ်န့ၣ်လီၤ. ဒီးကဘၣ်တၢ်လုၢ်ထီၣ်အီၤဒ်တၢ်လုၢ်မ့ၣ်အူလၢယွၤအဂီၢ်အသိးဃုာ် ဒီးတၢ်လုၢ်မၤဘူၣ်ကိၣ်ဒီးတၢ်လုၢ်စပံးထံန့ၣ်လီၤ. ဒီးတၢ်လုၢ်အံၤမ့ၢ်တၢ်လုၢ်နၢမူလၢယွၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 3:1

ပှၤတဂၤလၢ်လၢ်မ့ၢ်လုၢ်ထီၣ်အဂီၤဖံးဒ်တၢ်လုၢ်မၤဃူမၤဖိးအသိးန့ၣ်, ကဘၣ်မ့ၢ်ဂီၤဖံးအဖါတဒုမ့တမ့ၢ်အမိၢ်တဒုလၢအတအိၣ်ဒီးမဲၣ်သူ မဲၣ်ဂီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:15

ဒီးပှၤအံၣ်စရ့လးဖိအခိၣ်အနၢ်တဖၣ်ကဘၣ်ပာ်ထီၣ်အစုလၢဂီၤဖံး ဖါတဒုန့ၣ်အခိၣ်လိၤဒီးမၤသံကွံာ်အီၤဖဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:23

တုၤအတၢ်ဒဲးဘးလၢအမၤတ့ၢ်ဝဲအံၤဘၣ်တၢ်ဒုးသ့ၣ်ညါက့ၤအီၤ ဒီးအဝဲကဘၣ်ဟဲစိာ်မဲာ်တဲးလဲးဖါလၢမဲၣ်သူမဲၣ်ဂီၤဒၣ်လဲာ် တအိၣ်ဘၣ်တဒု, ဒ်အတၢ်လုၢ်မၤဘူၣ်,

လံာ်တၢ်ဘူၣ်ထီၣ်ဘါထီၣ် 4:3

ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 4:32

အဝဲမ့ၢ်ဟဲစိာ်သိဖိတဒုဒ်အတၢ်လုၢ်မၤဘူၣ်လၢတၢ်ပျၢ်တၢ်ဒဲးဘး အဂီၢ်ဒီးကဘၣ်မ့ၢ်အမိၢ်တဒုလၢမဲၣ်သူမဲၣ်ဂီၤဒၣ်လဲာ်တအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:15

ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:18

ဒီးကဘၣ်ဟဲစိာ်ဝဲသိဖါတဒု မ့တမ့ၢ်မဲာ်တဲးလဲးဖါတဒုလၢမဲၣ်သူမဲၣ်ဂီၤတအိၣ်ဘၣ်, ဒ်တၢ်ဟ့ၣ်ဆၢက့ၤအသိးဆူပှၤလုၢ်တၢ်အခိၣ်အအိၣ်န့ၣ်လီၤ. ဒီးအပှ့ၤအနီၣ်ထိၣ်တၢ်ပာ်ကအီၤ ဒ်တၢ်လုၢ်တၢ်ပာ်အလုၢ်အပှ့ၤကဘၣ်အိၣ်ဝဲအသိးလၢတၢ်လုၢ်တၢ်ပျၢ်တၢ်ကမၣ် လၢအမၤဘၣ်ဝဲ လၢတၢ်တတိာ်သူၣ်ပာ်သးအပူၤအဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:2

ပှၤတဂၤဂၤမ့ၢ်မၤတၢ်ဒဲးဘးထီဒါယွၤခီဖျိတၢ်တဟ့ၣ်က့ၤတၢ် ဟ့ၣ်ကီၤပာ်မ့ၢ်ဂ့ၤ, တၢ်ဂုာ်ဆူၣ်ပျီဆူၣ်မ့ၢ်ဂ့ၤ, တၢ်လီအီၣ်ဝ့ၤ အီၣ်ပှၤလၢအဃၢၤမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 6:8

ယွၤမၤလိာ်စီၤမိၤၡ့, လၢအကဟ့ၣ်လီၤတၢ်သိၣ်တၢ်ဘျၢဘၣ်ဃးတၢ်လုၢ်မ့ၣ်အူဆူ စီၤအၤဟရိၣ်ဒီးအဖိခွါန့ၣ်လီၤ. တၢ်လုၢ်မ့ၣ်အူန့ၣ်ကဘၣ်တၢ် ဆူးကဲၤအီၤဒီတနံၤညါလၢတၢ်လုၢ်လီၢ်ဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:16

ဘၣ်ဆၣ်ဒီးပှၤတဂၤမ့ၢ်ဟဲစိာ်အတၢ်လုၢ်မၤဃူမၤဖိးလၢအက မၤလၢပှဲၤအတၢ်အၢၣ်လီၤအီလီၤတမံၤမ့ၢ်ဂ့ၤ, လၢအသးအိၣ်မၤဒၣ်ဝဲအဃိမ့ၢ်ဂ့ၤန့ၣ်, တဘၣ်အီၣ်လၢာ်ဝဲလၢတၢ် လုၢ်ထီၣ်အီၤအနံၤန့ၣ်ဘၣ်. မ့မ့ၢ်တၢ်အိၣ်လီၤတဲာ်န့ၣ်, အီၣ်ကဒီးဝဲလၢမုၢ်ဆ့ၣ်ထီၣ်တနံၤသ့စ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:18

ဒီးစီၤမိၤၡ့ဟံးန့ၢ်သိဖါတဒုလၢတၢ်လုၢ်မ့ၣ်အူအဂီၢ်, ဒီးစီၤအၤဟရိၣ်အဖိခွါတဖၣ်ပာ်ထီၣ်အစုလၢအခိၣ်လိၤလီၤ.

လံာ်တၢ်ဘူၣ်ထီၣ်ဘါထီၣ် 8:21

ဒီးသ့စီကွံာ်ဝဲအပှံာ်အကဖုဒီးအခီၣ်တဖၣ်ဒီးဆူးကဲၤထီၣ်သိ ဖါဒီဒုလၢတၢ်လုၢ်လီၢ်အဖီခိၣ်ဒ်ယွၤမၤလိာ်ဝဲအသိးန့ၣ်လီၤ. မ့ၣ်အူအံၤအတၢ်နၢမူန့ၣ်မၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မၤလကံ 1:14

ဒီးပှၤလၢအအၢၣ်လီၤအသးလၢကလုၢ်ထီၣ်ဆၣ်ဖိကီၢ်ဖိလၢ အဂ့ၤဘၣ်ဆၣ်လုၢ်ထီၣ်ဆၣ်ဖိကီၢ်ဖိလၢတဂိာ်တသီၣ်န့ၣ်မ့ၢ် ပှၤလီတၢ်ဒီးဘၣ်ဆိၣ်အၢဝဲလီၤ. အဂ့ၢ်ဒ်အံၤ, မ့ၢ်စီၤပၤဖးဒိၣ်ဒီး ပှၤကလုာ်ခဲလၢာ်ပျံၤယၤလီၤ.”

လံာ်တၢ်ဂံၢ် 15:3

ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်တၢ်ဂံၢ် 15:8

ဖဲဂီၤဖံးဖါတဒုဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်မ့ၣ်အူ မ့တမ့ၢ်တၢ်လုၢ်တၢ်ပာ်တမံၤလၢတၢ်မၤလၢထီၣ်ပှဲၤထီၣ်တၢ်ဆိၣ် တမံၤအဂီၢ်မ့ၢ်ဂ့ၤ, ဒ်တၢ်လုၢ်မၤဃူမၤဖိးတမံၤအဂီၢ်န့ၣ်,

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်တၢ်ဂံၢ် 23:27

စီၤဘၤလးစံးဝဲဒၣ်, “ဟဲဃုာ်ဒီးယၤ, ဒီးယကလဲၤကိးနၤဆူတၢ်လီၢ်အဂၤတတီၤလီၤ. ဘၣ်သ့ၣ်သ့ၣ်ကစၢ်ယွၤအဲၣ်ဒိးပျဲနကဆိၣ်အၢအဝဲသ့ၣ်လၢယဂီၢ်ဖဲ န့ၣ်လီၤ.

လံာ်တၢ်ဂံၢ် 23:3

အန့ၣ်ဝံၤဒီးစီၤဘံးလၣ်စံးဘၣ်စီၤဘၤလး, “ဆၢထၢၣ်ဖဲအံၤလၢနတၢ်လုၢ်မ့ၣ်အူအကပၤဖဲယလဲၤဒ်သိးယကကွၢ် တၢ်လၢမ့ၢ်ယွၤကဟဲသဂၢၢ်ယၤမ့တမ့ၢ်တသဂၢၢ်ယၤဘၣ်လဲၣ်အခါန့ၣ်တ က့ၢ်. ယကတဲဘၣ်နၤတၢ်ကိးမံၤဒဲးလၢအဝဲလီၣ်ဖျါဝဲဆူယအိၣ်န့ၣ် လီၤ.” မၤသးဒ်န့ၣ်ဒီး, အဝဲလဲၤထီၣ်ဆူတၢ်လူၢ်ဒီခိၣ်ထဲတဂၤဧိၤ,

လံာ်တၢ်ဂံၢ် 23:30

စီၤဘံၤလံးမၤဝဲဒ်တၢ်စံးတ့ၢ်အီၤအသိး, ဒီးလုၢ်ထီၣ်ဝဲကျီၢ်ဖါတဒုဒီးသိဖါတဒုစုာ်စုာ် လၢတၢ်လုၢ်လီၢ်တခါစုာ်စုာ်အဖီခိၣ်န့ၣ်လီၤ.

လံာ်တၢ်ဂံၢ် 28:11

လၢလါတလါစုာ်စုာ်ထီၣ်အခီၣ်ထံးကတၢၢ်တနံၤန့ၣ်, ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်တက့ၢ်. ကျီၢ်ဖါအသးစၢ်ခံဒု, သိဖါတဒု, သိဖါဖိအသးအိၣ်တနံၣ်နွံဒု, ခဲလၢာ်အံၤကဘၣ်ပူၤဒီးတၢ်သံၣ်သူမီၣ်ကျာ်တဖၣ်န့ၣ်လီၤ.

လံာ်တၢ်ဂံၢ် 28:19

လုၢ်ထီၣ်တၢ်လုၢ်မ့ၣ်အူတခါဒ်တၢ်လုၢ်ထီၣ်တၢ်အီၣ်တမံၤဆူယွၤ အအိၣ်အသိး, လၢအမ့ၢ်လၢကျီၣ်ဖါသးစၢ်ခံဒု, သိဖါတဒုဒီးသိဖါအသးအိၣ်တနံၣ်ဖိနွံဒုလၢအပူၤဖျဲးဒီး တၢ်သံၣ်သူမီၣ်ကျာ်ခဲလၢာ်န့ၣ်တက့ၢ်.

လံာ်တၢ်ဂံၢ် 28:31

လၢကိးနံၣ်ဒဲးတၢ်လုၢ်မ့ၣ်အူဒီးတၢ်လုၢ်ဘုဧိၤဟုဧိၤအမဲာ် ညါန့ၣ်လုၢ်အါထီၣ်တၢ်လုၢ်တဖၣ်အံၤဒီးတၢ်လုၢ်စပံးထံ တက့ၢ်.

လံာ်တၢ်ဂံၢ် 29:13

လၢမုၢ်နံၤအခီၣ်ထံးကတၢၢ်တနံၤအံၤလုၢ်ထီၣ်တၢ်လုၢ်တၢ်အီၣ်တၢ် အီဆူယွၤအအိၣ်, တၢ်နၢမူတမံၤလၢအဘၣ်ယွၤအသးလၢအမ့ၢ်, ကျီၢ်ဖါသးစၢ်ဖိတဆံသၢဒု, သိဖါခံဒု, ဒီးသိဖါဖိအသးအိၣ်တနံၣ်တဆံလွံၢ်ဒုလၢအပူၤ ဖျဲးဒီးတၢ်လီၤတူာ်လီၤကာ်ခဲလၢာ်တက့ၢ်.

လံာ်တၢ်ဂံၢ် 29:2

ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢအမၤမုာ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒု, ဒီးသိဖါဖိအသးအိၣ်တနံၣ်ဖိနွံဒုတက့ၢ်. ဒီးကဘၣ်ပူၤဖျဲးဝဲလၢတၢ်သံၣ်သူမီၣ်ကျာ်ခဲလၢာ်လီၤ.

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်ယိၤဟၣ် 1:36

ဒီးထံၣ်ဘၣ်ယ့ၣ်ၡူးလဲၤတၢ်ဒီးစံး, “ကွၢ်ကွၢ်, ကစၢ်ယွၤအသိဖိန့ၣ်လီၤ.”

လံာ်ယိၤဟၣ် 10:7

မၤသးဒ်န့ၣ်ဒီး ယ့ၣ်ၡူးစံးကဒီးဝဲ, “ယစံးဘၣ်တဲဘၣ်သုတီတီ လိၤလိၤ, ယမ့ၢ်ကျဲစၢၤလၢသိတဖၣ်အဂီၢ်လီၤ.

လံာ်ယိၤဟၣ် 10:9

ယဲဒၣ်အံၤယမ့ၢ်ကျဲစၢၤလီၤ. ပှၤတဂၤလၢ်လၢ်လၢအဟဲနုာ် ခီဖျိယၤန့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ. အဝဲကဟဲ နုာ်ဒီးကဟးထီၣ်ဒီးကထံၣ်န့ၢ်တၢ်အီၣ်ဆၣ်အလီၢ်န့ၣ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

၂ ကရံၣ်သူး 9:7

လၢတၢ်န့ၣ်အဃိ, ပှၤတဂၤဘၣ်တဂၤကြၢးဟ့ၣ်တၢ်ဒ် အပာ်လီၤတ့ၢ်လံအသးအသိး, တမ့ၢ်လၢတၢ်သးအုးအပူၤ, မ့တမ့ၢ်လၢတၢ်သ့ၣ်ညါအမူအဒါအဃိဘၣ်န့ၣ်လီၤ. အဂ့ၢ်ဒ်အံၤ, ယွၤအဲၣ်ပှၤတဂၤလၢအဟ့ၣ်တၢ်လၢတၢ်သးခု အပူၤန့ၣ်လီၤ.

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

အ့းဖ့းစူး 5:27

ဒ်သိးဒီးအကဒိးန့ၢ်ဘၣ်လၢအဂီၢ်ဒၣ်ဝဲတၢ်အိၣ်ဖှိၣ်အိၣ်ဒီး အဃံအလၤ, ဒီးအမဲၣ်သူမဲၣ်ဂီၤမ့ၢ်ဂ့ၤ, အဖံးသွံးမ့ၢ်ဂ့ၤ, တၢ်ဒ်န့ၣ်သိးတဖၣ်မ့ၢ်ဂ့ၤတအိၣ်ဘၣ်, မ့ၢ်ဒ်သိးအကစီကဆှံ, ဒီးပူၤဖျဲးဒီးတၢ်ကမူၤကမၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 12:27

တၢ်လုၢ်တၢ်ပာ်တဖၣ်လၢကဘၣ်တၢ်ဆိၣ်ကဲၤအီၤဒီဒုလၢယွၤအတၢ်လုၢ် လီၢ်အဖီခိၣ်န့ၣ်, လုၢ်ထီၣ်အီၤဖဲန့ၣ်တက့ၢ်. လုၢ်ထီၣ်စ့ၢ်ကီးတၢ်လုၢ်တၢ်ပာ်တဖၣ်လၢသုအီၣ်အညၣ်, ဒီးလူလီၤကွံာ်အသွံၣ်လၢတၢ်လုၢ်လီၢ်အဖီခိၣ်တက့ၢ်.

လံာ်သိၣ်လီၤသီလီၤတၢ် 15:21

ဘၣ်ဆၣ်ဒီးတၢ်မ့ၢ်လဲၤကမၣ်အသးတမံၤမံၤဒီးဆၣ်ဖိကီၢ်ဖိတဖၣ် အံၤ, ဒ်ပစံးတၢ်အသိးအခီၣ်မ့ၢ်ဟးဂီၤမ့ၢ်ဂ့ၤ, အမဲာ်ချံမ့ၢ်ဘျီၣ်မ့ၢ်ဂ့ၤ, မ့ၢ်အိၣ်ဒီးတၢ်ဂံၢ်စၢ်ဘါစၢ်အဂၤ ဒိၣ်ဒိၣ်မုၢ်မုၢ်တမံၤမံၤမ့ၢ်ဂ့ၤဒီး, သုတဘၣ်လုၢ်ထီၣ်အီၤဆူယွၤသုကစၢ်ယွၤအအိၣ်ဘၣ်.

လံာ်သိၣ်လီၤသီလီၤတၢ် 17:1

ဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤလၢအက့ၢ်အဂီၤတလၢတပှဲၤ န့ၣ်လုၢ်ထီၣ်အီၤဆူယွၤ, သုကစၢ်ယွၤအအိၣ်တဂ့ၤ. ယွၤသးဟ့တၢ်အံၤလီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.