လံာ်တၢ်ဘူၣ်ထီၣ်ဘါထီၣ် 1:2 - Sgaw Karen Common Bible

² လၢပှၤအံၣ်စရ့လးဖိကတိၢ်နီၣ်မၤထွဲဝဲဖဲအလုၢ်ထီၣ်တၢ်လုၢ်တၢ် ပာ်တဖၣ်န့ၣ်လီၤ. ပှၤတဂၤလၢ်လၢ်မ့ၢ်လုၢ်ထီၣ်တၢ်လုၢ်တၢ်ပာ်ဘၣ်ဃးဒီးဆၣ်ဖိကီၢ်ဖိန့ၣ်, ကဘၣ်မ့ၢ်အဂီၤဖံး, မ့တမ့ၢ်အသိ, မ့တမ့ၢ်အမဲာ်တဲးလဲးအကျါတဒုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:2 Iomraidhean Croise

လံာ်တၢ်ကဲထီၣ်အခီၣ်ထံး 4:3

လၢခံတယံာ်ဘၣ်ဒီးစီၤကၤယံၣ်ဟဲစိာ်အဘုဧိၤဟုဧိၤတနီၤဒီး ဟ့ၣ်ထီၣ်တၢ်န့ၣ်ဒ်တၢ်လုၢ်တၢ်ပာ်တမံၤအသိးဆူယွၤအအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 4:5

မ့မ့ၢ်စီၤကၤယံၣ်ဒီးအတၢ်လုၢ်တၢ်ပာ်န့ၣ်တတူၢ်လိာ်ဘၣ်ဝဲဘၣ်. စီၤကၤယံၣ်အသးထီၣ်ဒိၣ်ဒိၣ်ကလဲာ်ဒီးကွၢ်ဟ့တၢ်လၢတၢ်သးထီၣ်အပူၤလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:29

စံးထီၣ်ပတြၢၤယွၤအမံၤစီဆှံ, ဟဲစိာ်တၢ်မၤဘူၣ်တမံၤဒီးဟဲနုာ် ဆူအတၢ်လုၢ်ဟံၣ်တက့ၢ်. တီၤလီၤလၢတၢ်စီဆှံတဂၤအမဲာ်ညါ ဖဲအဝဲအိၣ်ဖျါထီၣ်ဝဲန့ၣ်,

လံာ်စီၤဧ့စြၤ 3:5

ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်တၢ်ဂံၢ် 15:3

ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်တၢ်ဂံၢ် 5:15

လၢတၢ်မၤအသးဒ်သိးအံၤတခါဂ့ၤတခါဂ့ၤအပူၤန့ၣ်ပှၤပိာ်ခွါ တဂၤန့ၣ်ကဘၣ်လဲၤကိးအမါဆူပှၤလုၢ်တၢ်အခိၣ်အအိၣ်လီၤ. အဝဲကဘၣ်လဲၤစိာ်ဃုာ်စ့ၢ်ကီးဘုမုယီၤအကိၣ်ကမူၣ်လီၤတယၢၢ် တအ့ဖးဆံဆဲၣ်ပူတပူဒ်တၢ်လီၤဘၣ်အီၤအသိးလၢတၢ်လုၢ်မၤဘူၣ် အဂီၢ်, ဘၣ်ဆၣ်ဒီးတဘၣ်လူလီၤသ့ၣ်စၤယံးအသိလၢကိၣ်ကမူၣ် အဖီခိၣ်မ့ၢ်ဂ့ၤ, တဘၣ်ပာ်ထီၣ်တၢ်နၢမူမ့ၢ်ဂ့ၤလၢကိၣ်ကမူၣ်အလိၤ မ့ၢ်ဂ့ၤဘၣ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လုၢ်မၤဘူၣ်တမံၤလၢဝၤတဂၤလၢ အသးဒ့ဒီမၤဝဲဒ်သိးကမၤဖျါထီၣ်တၢ်မ့ၢ်တၢ်တီအဂီၢ်န့ၣ်လီၤ.

လံာ်မၢ်ကူး 7:11

ဘၣ်ဆၣ်ဒီးသုစံးသုဝဲ, ပှၤတဂၤမ့ၢ်တဲဘၣ်အမိၢ်မ့တမ့ၢ်အပၢ်လၢ တၢ်လၢအဝဲကြၢးဟ့ၣ်မၤစၢၤအဝဲသ့ၣ်တဖၣ်န့ၣ် ‘ကဲထီၣ်ကီၤဘၣ်လံ’ (အခီပညီ, ကဲထီၣ်ကစၢ်ယွၤအတၢ်လံ) န့ၣ်,

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 12:6

လၢတၢ်န့ၣ်အဃိ ပကဘၣ်သူပတၢ်ဟ့ၣ်လၢအလီၤဆီ တဖၣ်ဒ်သိးကလီၤပလိာ်ဒီးတၢ်ဘျုးတၢ်ဖှိၣ်လၢကစၢ် ယွၤဟ့ၣ်လီၤပှၤန့ၣ်လီၤ. ပတၢ်ဟ့ၣ်မ့မ့ၢ်တၢ်စံၣ်တဲၤတဲလီၤ ယွၤအတၢ်ကစီၣ်ဒီး, ပကမၤအီၤလီၤပလိာ်ဒီးတၢ်နာ်လၢ အအိၣ်ဒီးပှၤန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.