လံာ်တၢ်ဘူၣ်ထီၣ်ဘါထီၣ် 1:1 - Sgaw Karen Common Bible

¹ ယွၤကိးထီၣ်စီၤမိၤၡ့လၢတၢ်ဘူၣ်ထီၣ်ဘါထီၣ်ယွၤအဒဲပူၤဒီး ဟ့ၣ်လီၤအီၤတၢ်သိၣ်တၢ်သီတဖၣ်,

လံာ်တၢ်ဘူၣ်ထီၣ်ဘါထီၣ် 1:1 Iomraidhean Croise

လံာ်စီၤပၤခံဘ့ၣ်တဘ့ၣ် 16:13

လၢတၢ်န့ၣ်အဃိစီၤအၤဃးဆိၣ်ကဲၤထီၣ်တၢ်လုၢ်ဆၣ်ဖိကီၢ်ဖိ အတၢ်လုၢ်တၢ်ပာ်တဖၣ်ဒီးဘုဧိၤဟုဧိၤအတၢ်လုၢ်တၢ်ပာ်တဖၣ်လၢတၢ် လုၢ်လီၢ်န့ၣ်အဖီခိၣ်, ဒီးလူလီၤတၢ်လုၢ်စပံးထံဒီးတၢ်လုၢ်မၤဃူမၤဖိးအသွံၣ်လၢ အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:32

အဝဲသ့ၣ်ဟဲစိာ်ဂီၤဖံးဖါအဒုနွံဆံ, သိအဒုတကယၤ, ဒီးသိဖိအဒု ခံကယၤဒ်တၢ်လုၢ်မ့ၣ်အူတဖၣ်အသိးလၢယွၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 24:12

ယွၤစံးဘၣ်တ့ၢ်စီၤမိၤၡ့, “ဟဲထီၣ်ဆူကစၢၢ်လိၤဆူယအိၣ်တ က့ၢ်. ဒီးနအိၣ်ဖဲအံၤအကတီၢ်န့ၣ်ယကဟ့ၣ်နၤလၢၢ်ဘ့ၣ်ဘၣ်ခံဘ့ၣ်လၢ အအိၣ်ဒီးတၢ်သိၣ်တၢ်သီတဖၣ်လၢယကွဲးအီၤလၢတၢ်သိၣ်လိနဲၣ်ယုၤပှၤ ဂီၢ်မုၢ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 25:22

ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.

လံာ်တၢ်ဟးထီၣ်ကွံာ် 29:42

ခဲအံၤဒီးဆူညါထီဘိန့ၣ်တၢ်လုၢ်မ့ၣ်အူအံၤကဘၣ်တၢ်မၤဘူၣ် အီၤလၢယအိၣ်ယဆိးအဒဲစီဆှံအကျဲစၢၤလၢယမဲာ်ညါန့ၣ်လီၤ. အဝဲန့ၣ်မ့ၢ်တၢ်လီၢ်ဖဲယကသဂၢၢ်ယပှၤဂီၢ်မုၢ်ဒီးကတိၤတၢ်ဆူသုအိၣ်န့ၣ်လီၤ.

လံာ်တၢ်ဟးထီၣ်ကွံာ် 3:4

ဒီးတုၤယွၤထံၣ်လၢစီၤမိၤၡ့ဟဲဘူးထီၣ်ဝဲဒီး, ယွၤကိးထီၣ်အီၤလၢသ့ၣ်တၤဆှုၣ်အပူၤဒီးစံးဝဲဒၣ်, “စီၤမိၤၡ့ဧၢ, စီၤမိၤၡ့ဧၢ” န့ၣ်လီၤ. ဒီးစီၤမိၤၡ့စံးဆၢဝဲ, “မ့ၢ်ယၤလီၤ.”

လံာ်တၢ်ဟးထီၣ်ကွံာ် 33:7

တဘျီလၢ်လၢ်ဖဲအံၣ်စရ့လးအပှၤဂီၢ်မုၢ်သူၣ်ထီၣ်အဒဲန့ၣ်, စီၤမိၤၡ့ကဟံးန့ၢ်ဒဲစီဆှံဒီးသူၣ်ထီၣ်အီၤတဘူးတယံၤဖဲတၢ်သူၣ်ဒဲအလီၢ်န့ၣ်လီၤ. တၢ်န့ၣ်ဘၣ်တၢ်ကိးအီၤလၢယွၤအိၣ်ဝဲဆိးဝဲ အဒဲစီဆှံဒီးပှၤတဂၤလၢ်လၢ်လၢအသးအိၣ်ကူၣ်လိာ်သကိးတၢ်ဒီး ယွၤန့ၣ်ကလဲၤထီၣ်ဆူဒဲအံၤန့ၣ်လီၤ.

လံာ်တၢ်ဟးထီၣ်ကွံာ် 39:32

ကယဲၢ်တၢ်မၤလၢယွၤအိၣ်ဝဲဆိးဝဲအဒဲစီဆှံအဂီၢ်န့ၣ်, လၢခံကတၢၢ်န့ၣ်ဘၣ်တၢ်မၤဝံၤအီၤဂ့ၤဂ့ၤန့ၣ်လီၤ. ပှၤအံၣ်စရ့လးဖိတဖၣ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 40:29

ဒီးဖဲန့ၣ်လၢယၣ်ဘျးသဒၢတၢ်အမဲာ်ညါန့ၣ်, အဝဲပာ်လီၤတၢ်လုၢ် လီၢ်လၢတၢ်ကဆိၣ်ကဲၤအတၢ်လုၢ်တၢ်ပာ်တဖၣ်အဂီၢ်န့ၣ်လီၤ. လၢတၢ်လုၢ်လီၢ်အဖီခိၣ်န့ၣ်အဝဲလုၢ်ထီၣ်ပာ်ထီၣ်တၢ်လုၢ်မ့ၣ်အူဒီးတၢ် လုၢ်ဘုဧိၤဟုဧိၤဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:38

ဒီးယွၤဟ့ၣ်လီၤတၢ်မၤလိာ်တဖၣ်အံၤဆူစီၤမိၤၡ့လၢမုၢ်တနံၤ ဖဲအဝဲကတိၤတၢ်ဒီးပှၤအံၣ်စရ့လးဖိတဖၣ်လၢကစၢၢ်စံၤနါအလိၤလၢပှၢ် မုၢ်ကနၢအပူၤ, ဘၣ်ဃးဒီးတၢ်မၤတၢ်လုၢ်မၤဘူၣ်တဖၣ်ဆူ ယွၤအအိၣ်အဂ့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:16

ဒီးဟဲစိာ်ထီၣ်ဝဲဆၣ်ဖိကီၢ်ဖိလၢတၢ်လုၢ်မ့ၣ် အူအဂီၢ်ဒီးလုၢ်ထီၣ်ဝဲဒ်တၢ်သိၣ်တၢ်ဘျၢတဖၣ်အိၣ်ဝဲအသိးန့ၣ်လီၤ.

လံာ်တၢ်ဂံၢ် 1:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အပူၤ, ပူၤကွံာ်ခံနံၣ်တနံၣ်, လါခံလါတလါထီၣ်အခီၣ်ထံးကတၢၢ်တသီ န့ၣ်ယွၤကတိၤတၢ်ဒီးစီၤမိၤၡ့လၢယွၤအိၣ်ဝဲဆိးဝဲ အဒဲစီဆှံပူၤလၢကစၢၢ်စံၤနါအပှၢ်မုၢ်ကနၢပူၤန့ၣ်လီၤ. ယွၤစံးဝဲဒၣ်,

လံာ်တၢ်ဂံၢ် 7:89

ဖဲစီၤမိၤၡ့လဲၤနုာ်လီၤဆူဒဲစီၤဆှံအပူၤဒ်သိးက, ကတိၤတၢ်ဒီးယွၤအကတီၢ်န့ၣ်အဝဲနၢ်ဟူယွၤကတိၤတၢ်ဒီးအီၤလၢ တလါစီဆှံအခိၣ်ကၢၢ်အဖီခိၣ်ဖဲတၢ်ဘၣ်တ့အိၣ်ဒီးအဒံးဆ့အိၣ်ဝဲခံခီ တဖၣ်အကဆူးန့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်သိၣ်လီၤသီလီၤတၢ် 27:6

အဂ့ၢ်ဒ်အံၤ, တၢ်လုၢ်လီၢ်တခါလၢ်လၢ်လၢသုဘှီထီၣ်အီၤလၢယွၤ, သုကစၢ်ယွၤအဂီၢ်န့ၣ်, ကဘၣ်တၢ်မၤဒၣ်အီၤလၢလၢၢ်တဖၣ်လၢတၢ်တကူး တဲာ်အီၤဘၣ်န့ၣ်လီၤ. ဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ကဘၣ်ဆိၣ်ကဲၤအီၤ,