လံာ်သးသယုၢ်တၢ် 5:5 - Sgaw Karen Common Bible

⁵ ပဘၣ်တၢ်နီၣ်ဆူၣ်ပှၤဒ်ကသ့ၣ်လၤမ့တမ့ၢ်ကီၤလၤအူးတဖၣ် အသိးန့ၣ်လီၤ. တၢ်ဘှံးပသးဘၣ်ဆၣ်ဒီးတၢ်တဒုးအိၣ်ဘှံးပှၤဘၣ်.

လံာ်သးသယုၢ်တၢ် 5:5 Iomraidhean Croise

လံာ်ယံးရမံယၤ 27:2

ယကမၤနီၣ်ယိးဘိတဘိလၢ ယဂီၢ်ဒၣ်ယဲလၢ ပျံၤတၢ်ဖံးဒီးသ့ၣ် အဘိဒီးယကယိးထီၣ်အီၤလၢ ယကိာ်လိၤန့ၣ်လီၤ.

လံာ်ယံးရမံယၤ 27:8

ဘၣ်ဆၣ်ဒီး, ပှၤကလုာ်တကလုာ်လၢ်လၢ်မ့ၢ်ဂ့ၤ, ဘီမုၢ်တဘ့ၣ် လၢ်လၢ်မ့ၢ်ဂ့ၤ, မ့ၢ်တဆီၣ်လီၤအသးလၢ အဝဲအတၢ်ပၢအဖီလာ် ဘၣ်ဒီး, ယကစံၣ်ညီၣ်ပှၤကလုာ်အဝဲန့ၣ်ခီဖျိ တၢ်ဒုးတၢ်ယၤ, တၢ် သၣ်ဝံၤလီၤဒိ, ဒီးတၢ်ဆူးတၢ်ဆါတုၤလီၤလၢယပျဲစီၤနဘူၤကးန့ စၢ်မၤဟးဂီၤကွံာ်အီၤလၢာ်လၢာ်ဆ့ဆ့ တစုန့ၣ်လီၤ.

လံာ်ယံးရမံယၤ 28:14

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢအဝဲ ကပာ်နီၣ်ယိးဘိထးတဘိလၢ ပှၤကလုာ်ခဲလၢာ်အံၤအလိၤ, ဒီး လၢအဝဲသ့ၣ်ကမၤကီၢ်ဘၤဘူၤလိၣ်အစီၤပၤ နဘူၤကးန့စၢ် အတၢ်န့ၣ်လီၤ. ယွၤစံးတ့ၢ်ဝဲလၢ အဝဲကမၢဒၣ်လဲာ်ဆၣ်ဖိကီၢ်ဖိအမံၤ တဖၣ်မၤစီၤနဘူၤကးန့စၢ်အတၢ်န့ၣ်လီၤ.”

လံာ်ယံးရမံယၤ 51:58

ဝ့ၢ်ဘၤဘူၤလိၣ်အခိၣ်ဒူဖးလဲၢ် ကဘၣ်တၢ်မၤလီၤ ပှီၢ်အီၤဆူဟီၣ်ခိၣ်လိၤ ဒီးအတြဲၤဖးထီတဖၣ်မ့ၣ်အူကအီၣ်ကွံာ်အီၤလီၤ. ပှၤကလုာ်တဖၣ်အတၢ်မၤကကဲထီၣ်တၢ်ကလီကလီ ဒီးအတၢ်ကျဲးစၢးခဲလၢာ်ကကဲထီၣ်မ့ၣ်အူဆၣ်န့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံၤ. ”

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်သးသယုၢ်တၢ် 4:19

အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ. အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.

လံာ်မံကၤ 2:3

မၤသးဒ်န့ၣ်ဒီးယွၤစံးဝဲဒၣ်, “ယကူၣ်ထီၣ်ကျဲၤလီၤလၢယက ဟဲစိာ်တၢ်နးတၢ်ဖှီၣ်လၢသုလိၤ, ဒီးသုဂုာ်ထူၣ်ဖျဲးလၢအီၤ တသ့ဘၣ်. သုကထံၣ်လီၤသုသးလၢသုအိၣ်လၢတၢ်ကီတၢ်ခဲ အပူၤသတးဒီးသုတဟးလၢၤဘၣ်လၢတၢ်သးထီၣ်ထီအပူၤနီတစုဘၣ်.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

မၤတၢ် 15:10

မ့မ့ၢ်ဒ်န့ၣ်ဒီး, ဘၣ်မနုၤအဃိသုအဲၣ်ဒိးမၤကွၢ်ကစၢ်ယွၤခီဖျိသုပာ်ထီၣ် တၢ်ဝံတၢ်ယိးလၢပမိၢ်ပၢ်ဖံဖုလၢပျၢၤမ့ၢ်ဂ့ၤ, ပဝဲဒၣ်မ့ၢ်ဂ့ၤ, ပဝံပယိးအီၤတန့ၢ်ဘၣ်န့ၣ်, လၢပှၤစူၢ်က့ၤနာ်က့ၤတၢ်တဖၣ်အံၤ အလိၤန့ၣ်လဲၣ်.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.