လံာ်သးသယုၢ်တၢ် 5:20 - Sgaw Karen Common Bible

²⁰ ဘၣ်မနုၤအဃိလၢနညိကွံာ်ပှၤဖးယံာ်န့ၣ်လဲၣ်. မ့ၢ်နကသ့ၣ်နီၣ်ထီၣ်ပှၤတဘျီဘျီဒံးဧါ.

လံာ်သးသယုၢ်တၢ် 5:20 Iomraidhean Croise

စံးထီၣ်ပတြၢၤ 13:1

ဆံးယံာ်လဲၣ်, ယွၤဧၢ, နကသးပ့ၤနီၣ်ယၤလီၤထူလီၤယိာ်ဧါ. နကပာ်တဒၢနမဲာ်ဒီးယၤဆံးယံာ်လဲၣ်.

စံးထီၣ်ပတြၢၤ 13:2

ယသးကဘၣ်တူၢ်တၢ်နးတၢ်ဖှီၣ်ဆံးယံာ်လဲၣ်. တၢ်သူၣ်အုးသးအုးကမၤပှဲၤယသး နံၤဒီးနၤဆံးယံာ်လဲၣ်. ယဒုၣ်ယဒါသ့ၣ်တဖၣ်ကမၤနၢၤယၤဆံးယံာ်ဒံးလဲၣ်.

စံးထီၣ်ပတြၢၤ 42:10

ယဘၣ်တၢ်ဆီၣ်တံၢ်ဆီၣ်သနံးယၤလၢအဝဲသ့ၣ် အတၢ်ကတိၤဒုၣ်ဒွဲၣ် ခီဖျိအတၢ်သံကွၢ်ယၤတထံၣ်ဃီ “နကစၢ်ယွၤအိၣ်ဖဲလဲၣ်” အဃိန့ၣ်လီၤ.

စံးထီၣ်ပတြၢၤ 44:24

ဘၣ်မနုၤလၢနပာ်သဒၢနသးလၢပှၤန့ၣ်လဲၣ်. တဘၣ်သးပ့ၤနီၣ်ပတၢ်နးတၢ်ဖှီၣ်ဒီး ပတၢ်ကိၢ်တၢ်ဂီၤန့ၣ်တဂ့ၤ.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

စံးထီၣ်ပတြၢၤ 85:5

မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နကမၤယံာ်ထီၣ်နတၢ်သးထီၣ်ဆူ ကယဲၢ်စိၤခဲလၢာ်န့ၣ်ဧါ.

စံးထီၣ်ပတြၢၤ 89:46

ဆံးယံာ်လဲၣ်, ယွၤဧၢ, မ့ၢ်နကပာ်တဒၢနသးလီၤထူလီၤယိာ်လီၤဧါ. မ့ၢ်နတၢ်သးထီၣ် ကအီၣ်တၢ်ဒ်မ့ၣ်အူအသိးဆံးယံာ်လဲၣ်.

လံာ်ယၡါယၤ 49:14

ဘၣ်ဆၣ်, ပှၤဝ့ၢ်ယရူၤၡလ့ၣ်ဖိတဖၣ်စံးဝဲ, “ယွၤပာ်တ့ၢ်ကွံာ်ပှၤလံ. အဝဲသးပ့ၤနီၣ်ကွံာ်ပှၤလံ.”

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်ယံးရမံယၤ 14:9

ဘၣ်မနုၤအဃိနလီၤဂာ်ဒ်ပှၤတဂၤလၢအကမၢကမၣ်ဒီးသးလီၤကတုၤအသိး, နလီၤဂာ်ဒ်ပှၤသုးဖိတဂၤလၢတအိၣ်ဒီးအစိကမီၤလၢ ကမၤစၢၤတၢ်အသိးန့ၣ်လဲၣ်. ယွၤဧၢ, နအိၣ်ဒီးပှၤသပှၢ်ကတၢၢ်လီၤ. ပမ့ၢ်နပှၤဂီၢ်မုၢ်လီၤ. ပာ်လီၤတဲာ်ကွံာ်ပှၤတဂ့ၤ.”