လံာ်သးသယုၢ်တၢ် 5:2 - Sgaw Karen Common Bible

² ပတၢ်စုလီၢ်ခီၣ်ခိၣ်န့ၣ်အိၣ်လၢပှၤတခီဘီမုၢ်ဖိတဖၣ် အစုပူၤလီၤ. ပှၤတခီဘီမုၢ်ဖိတဖၣ်အိၣ်ဆိးဝဲလၢ ပဟံၣ်တဖၣ်အပူၤလီၤ.

လံာ်သးသယုၢ်တၢ် 5:2 Iomraidhean Croise

စံးထီၣ်ပတြၢၤ 109:11

မ်ဒ့ၣ်ကမၢ်ကစၢ်တဖၣ်ဟံးန့ၢ်တၢ်အိၣ်ဒီးအီၤခဲလၢာ်, မ်ပှၤတခီဘီမုၢ်ဖိဂုာ်န့ၢ်အတၢ်ဖံးတၢ်မၤ အတၤသၣ်တဖၣ်န့ၣ်တက့ၢ်.

လံာ်ယၡါယၤ 1:7

သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်, ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ် တၢ်ခဲလၢာ်န့ၣ်လီၤ.

လံာ်ယၡါယၤ 5:17

လၢဝ့ၢ်တဖၣ်အတၢ်ဟးဂီၤအပူၤန့ၣ်, သိဖိတဖၣ်ကအီၣ်တပံၢ် ဒီးမဲာ်တဲးလဲးဖိတဖၣ်ကထံၣ်န့ၢ်တၢ်အီၣ်ဆၣ်အလီၢ်လီၤ.

လံာ်ယၡါယၤ 63:18

ပဝဲနပှၤဂီၢ်မုၢ်, ဘၣ်တၢ်နီၣ်ဟးထီၣ်ကွံာ်အီၤလၢပဒုၣ်ပဒါတဖၣ် တစိၢ်တလီၢ်, အဝဲသ့ၣ်ယီၢ်တံၢ်လီၤနတၢ်လီၢ်စီဆှံလီၤ.

လံာ်ယံးရမံယၤ 17:4

သုကဘၣ်ပျဲစုပျၢ်ခီၣ်ကွံာ်ထံကီၢ်လၢယဟ့ၣ်လီၤတ့ၢ်သု, ဒီးယကမၢသုမၤသုဒုၣ်သုဒါတဖၣ်အတၢ်မၤလၢကီၢ်တဘ့ၣ်လၢသု တသ့ၣ်ညါအဂ့ၢ်နီတမံၤအပူၤ, မ့ၢ်လၢယတၢ်သးဒိၣ်ထီၣ်လီၤဂာ်ဒီးမ့ၣ်အူ, ဒီးကအီၣ်တၢ်လီၤထူလီၤယိာ်အဃိန့ၣ်လီၤ.”

လံာ်ယံးရမံယၤ 6:12

အဝဲသ့ၣ်အဟံၣ်တဖၣ်ကဘၣ်တၢ်ဟ့ၣ်လီၤ ကွံာ်အီၤဆူပှၤဂၤတဖၣ်အစုပူၤ, ဒီးဒ်န့ၣ်အသိး, အစံာ်ပှဲၤတဖၣ်ဒီးအမါတဖၣ်စ့ၢ်ကီး န့ၣ်လီၤ. ယကစံၣ်ညီၣ်ပှၤဂီၢ်မုၢ်လၢကီၢ်အံၤအပူၤလီၤ.

လံာ်ယဃ့းစက့လး 7:21

ယွၤစံးဝဲဒၣ်, “ယကပျဲပှၤတခီဘီမုၢ်ဖိတဖၣ်ဂုာ်ဆူၣ်ပျီဆူၣ်အဝဲသ့ၣ်လီၤ. ဒီးပှၤမၤကမၣ်တၢ်သိၣ်တၢ်သီတဖၣ်ကဟံးန့ၢ်အဝဲသ့ၣ်အတၢ်ထူးတၢ် တီၤခဲလၢာ်ဒီးမၤတကဆှီအီၤန့ၣ်လီၤ.

လံာ်ယဃ့းစက့လး 7:24

ယကဒုးဟဲနုာ်ပှၤကလုာ်လၢအအၢကတၢၢ်တဖၣ်ဖဲအံၤဒီးပျဲ အဝဲသ့ၣ်မၤန့ၢ်ကွံာ်သုဟံၣ်သုဃီတဖၣ်န့ၣ်လီၤ. ဖဲယပျဲပှၤကလုာ်တဖၣ်မၤတကဆှီတၢ်လီၢ်တဖၣ်လၢသုဘူၣ်ထီၣ်ဘါထီၣ် တၢ်န့ၣ်, သုပှၤတဖၣ်လၢအဂံၢ်ဆူၣ်ဘါဆူၣ်ကတၢၢ်န့ၣ်အတၢ် နာ်န့ၢ်လီၤသးကလီၤမၢ်ကွံာ်ဝဲန့ၣ်လီၤ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်ဟိၤၡ့ 8:8

ကီၢ်အံၣ်စရ့လးကဲထီၣ်ဒ်ပှၤကလုာ်ဂၤတဖၣ်ဒီးအဘျုး တအိၣ်ဘၣ်ဒ်သိးဒၣ်သပၢၤလၢအသ့ၣ်ဖးတဖျၢၣ်န့ၣ်လီၤ.

လံာ်စဖါနယၤ 1:13

အတၢ်ဖိတၢ်လံၤဒီးအဟံၣ်အဃီသ့ၣ်တဖၣ်ကဘၣ်တၢ်ဂုာ်ဆူၣ်ပျီဆူၣ် ဒီးမၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်ဘၣ်လၢၤလၢဟံၣ်လၢအသူၣ်ထီၣ်ဝဲမ့ၢ်ဂ့ၤ, တအီဘၣ် လၢၤစပံးထံလၢစပံးမုၢ်လၢအသူၣ်လီၤဝဲသ့ၣ်တဖၣ်မ့ၢ်ဂ့ၤနီတဘျီဘၣ်.”