လံာ်သးသယုၢ်တၢ် 5:19 - Sgaw Karen Common Bible

¹⁹ မ့မ့ၢ်နဲဒၣ်, ယွၤဧၢ, နမ့ၢ်စီၤပၤအထူအယိာ်, ဒီးကပၢတၢ်အစိၤစိၤအဃၣ်ဃၣ်လီၤ.

လံာ်သးသယုၢ်တၢ် 5:19 Iomraidhean Croise

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 102:12

မ့မ့ၢ်နဲဒၣ်နၤ, ယွၤဧၢ, နပၢတၢ်လီၤစိၤလီၤထီ ဒီးနတၢ်မံၤဟူသၣ်ဖျါန့ၣ် ကအိၣ်ဝဲဆိးဝဲလၢ ကယဲၢ်စိၤခဲလၢာ်အပူၤလီၤ.

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 146:10

ယွၤကဲစီၤပၤလီၤစိၤလီၤထီလီၤ. စံယိၣ်ဧၢ, နကစၢ်ယွၤကပၢတၢ်အစိၤစိၤအဃၣ်ဃၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 29:10

ယွၤဆ့ၣ်နီၤပၢတၢ်လၢထံလုၣ်ဘၢတၢ်အဖီခိၣ်, ယွၤ, စီၤပၤလီၤထူလီၤယိာ်ဆ့ၣ်နီၤပၢတၢ်လီၤ.

စံးထီၣ်ပတြၢၤ 45:6

ဘီမုၢ်လၢကစၢ်ယွၤဟ့ၣ်တ့ၢ်နၤအံၤ ကအိၣ်ဝဲအစိၤစိၤအဃၣ်ဃၣ်န့ၣ်လီၤ. နပၢနပှၤဂီၢ်မုၢ်လၢတၢ်တီတၢ်လိၤအပူၤ,

စံးထီၣ်ပတြၢၤ 9:7

မ့မ့ၢ်, ယွၤမ့ၢ်စီၤပၤလီၤစိၤလီၤထီလီၤ. ပာ်လီၤဝဲအလီၢ်ပစိာ်လၢတၢ်စံၣ်ညီၣ်အဂီၢ်လံ.

စံးထီၣ်ပတြၢၤ 90:2

တချုးလၢကစၢၢ်ကလိအိၣ်ထီၣ်ဒံးဘၣ်, မ့တမ့ၢ်တချုးလၢနဒုးအိၣ်ထီၣ်ဟီၣ်ခိၣ်ဒံးဘၣ်န့ၣ်, နမ့ၢ်ကစၢ်ယွၤအစိၤစိၤအဃၣ်ဃၣ်ဒီး နကမ့ၢ်ဒံးနဲလီၤစိၤထီလီၤ.

စံးထီၣ်ပတြၢၤ 93:2

ယွၤဧၢ, နလီၢ်ပစိာ်အိၣ်ဂၢၢ်ဆိးကျၢၤတ့ၢ်လံလၢ အခီၣ်ထံးလံၤလံၤ ဒီးနအိၣ်တ့ၢ်လံနဲလၢပျၢၤလၢကစၢၤ လီၤထူလီၤယိာ်န့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်ယိၤဟၣ် 1:38

ယ့ၣ်ၡူးဃၣ်ဃီၤအသး, ထံၣ်ဘၣ်အဝဲသ့ၣ်ပိာ်ထီၣ် အခံ, ဒီးသံကွၢ်ဝဲ, “သုဃုမနုၤတမံၤလဲၣ်.” အဝဲသ့ၣ်စံးဆၢဝဲ, “သရၣ်ဧၢ, နအိၣ်နဆိးဖဲလဲၣ်.”

လံာ်သိၣ်လီၤသီလီၤတၢ် 33:27

ထီဘိကစၢ်ယွၤမ့ၢ်သုတၢ်အိၣ်တဒၢအလီၢ်, အဝဲအစုတီၤအထူအယိာ်တဖၣ် မ့ၢ်တၢ်လၢအမၤစၢၤသုန့ၣ်လီၤ. အဝဲနီၣ်ထီၣ်ဟီထီၣ်ကွံာ်သုဒုၣ်သုဒါတဖၣ်ဖဲသုလဲၤထီၣ် ဒုးတၢ် ဒီးတဲဘၣ်သုလၢသုကမၤဟးဂီၤကွံာ်အဝဲသ့ၣ်ခဲလၢာ်န့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

လံာ်လီၣ်ဖျါ 1:4

လၢစီၤယိၤဟၣ်, ဆူတၢ်အိၣ်ဖှိၣ်နွံဖုလၢကီၢ်အၤစံအပူၤ. မ်သုကဒိးန့ၢ်ဘၣ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ကစၢ်ယွၤအအိၣ်, ယွၤလၢအအိၣ်ဝဲ, အိၣ်တ့ၢ်လံဝဲ, ဒီးအကဟဲဝဲတဂၤ, ဒီးလၢသးနွံဖျၢၣ်လၢအဝဲဒၣ်အလီၢ်ပစိာ်အမဲာ်ညါန့ၣ်အအိၣ်,

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”