လံာ်သးသယုၢ်တၢ် 5:18 - Sgaw Karen Common Bible

¹⁸ အဂ့ၢ်ဒ်အံၤ, ကစၢၢ်စံယိၣ်အိၣ်သယုၢ်ဒီး ဘၣ်တၢ်စူးကွံာ်ညိကွံာ်အီၤလီၤ. ထွံၣ်ဟီၣ်ခိၣ်တဖၣ်လဲၤဝ့ၤဝီၤကစုဒုလၢ အတၢ်လီၤပှီၢ်လီၤဟိတဖၣ်အကျါလီၤ.

လံာ်သးသယုၢ်တၢ် 5:18 Iomraidhean Croise

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်စီၤနဃ့မယၤ 4:3

ဒီးပှၤဧၣ်မိၣ်ဖိစီၤတိၤဘံယၤဆၢထၢၣ်ဖဲန့ၣ်လၢအကပၤဒီးစံး ဝဲဒၣ် “ဝ့ၢ်ခိၣ်ဒူလၢအမၤဝဲန့ၣ်မ့ၢ်မနုၤလဲၣ်. ထွံၣ်ဟီၣ်ခိၣ်တဒုဒၣ်လဲာ်မၤလီၤပှီၢ်ကွံာ်သ့ဝဲဒၣ်န့ၣ်လီၤ.”

စံးထီၣ်ပတြၢၤ 63:10

အဝဲသ့ၣ်ကဘၣ်တၢ်မၤသံအီၤလၢတၢ်ဒုးအပူၤ, ဒီးထွံၣ်မံၤတဖၣ်ကအီၣ်ကွံာ်အီၤလီၤ.

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်ယံးရမံယၤ 17:3

ဒီးလၢကစၢၢ်တဖၣ်အဒီခိၣ်ဖဲကီၢ်အတၢ်လီၤပျီအပူၤန့ၣ်လီၤ. ယကမၢသုဒုၣ်သုဒါတဖၣ်စိာ်ကွံာ်သုတၢ်ထူးတၢ်တီၤဒီးသု တၢ်လုၢ်ဒိၣ်ပှ့ၤဒိၣ်တဖၣ်, လၢတၢ်ဒဲးဘးခဲလၢာ်လၢသုမၤတ့ၢ် သကုၤသုထံသုကီၢ်အဃိန့ၣ်လီၤ.

လံာ်ယံးရမံယၤ 26:9

ဘၣ်မနုၤအဃိ, လၢယွၤအမံၤအပူၤန့ၣ် နစံးလၢ, ယွၤအတၢ်လုၢ်ဟံၣ်အံၤ ကကဲထီၣ်ဒ် ဝ့ၢ်ၡံလိၣ်အသိးဒီး လၢဝ့ၢ်အံၤကဘၣ်တၢ်မၤဟးဂီၤကွံာ်အီၤဒီး ပှၤတအိၣ်လၢၤလၢ အပူၤနီတဂၤန့ၣ်လဲၣ်.” အန့ၣ်ဝံၤဒီး, ပှၤဂီၢ်မုၢ်ဟဲဖှိၣ်ပှဲၤကတံာ်ဝးတရံးယၤန့ၣ်လီၤ.

လံာ်ယံးရမံယၤ 44:2

ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, “သုကစၢ်ဒၣ် သုဝဲသုထံၣ်တ့ၢ်တၢ်ဟးဂီၤလၢ ယဒုး ဘၣ်ဝ့ၢ်ယရူၤၡလ့ၣ်, ဒီးလၢဝ့ၢ်အဂၤတဖၣ်လၢ ကီၢ်ယူ ဒၤအပူၤလီၤ. တုၤလၢအခဲအံၤဒၣ်လဲာ် အိၣ်ဒံးဒၣ်လၢ တၢ်ဟးဂီၤအပူၤဒီး ပှၤတအိၣ်လၢ အပူၤနီတဂၤဘၣ်.

လံာ်ယံးရမံယၤ 44:6

သတးဒီး, ယလူလီၤဂၢ်လီၤတ့ၢ် ယတၢ်သးဒိၣ်ဒီးသးကဲၤထီၣ်လၢ ကီၢ်ယူဒၤအဝ့ၢ်တဖၣ်အဖီခိၣ်ဒီးလၢဝ့ၢ်ယရူၤရှလ့ၣ်အကျဲမုၢ် ကျဲဘိတဖၣ် အဖီခိၣ်ဒီးယဒွဲၣ်အူထီၣ်ကွံာ် အဝဲသ့ၣ်လၢ မ့ၣ်အူန့ၣ်လီၤ. အဝဲသ့ၣ်အိၣ်လီၤပှီၢ်တ့ၢ်ဝဲလၢ တၢ်ဟးဂူာ်ဟးဂီၤ အပူၤဒီး ကဲထီၣ်တၢ်ထံၣ်ဘၣ်အလီၢ်တပူၤလၢ အလီၤ ပျံၤလီၤဖုးဒ် အအိၣ်ဝဲခဲအံၤအသိးန့ၣ်လီၤ.

လံာ်ယံးရမံယၤ 52:13

အဝဲဒွဲၣ်အူထီၣ်ကွံာ် ယွၤအတၢ်လုၢ်ဟံၣ်, စီၤပၤအနူၢ်, ဒီးပှၤဂီၢ်မုၢ်လၢ အကါဒိၣ်လၢအအိၣ်ဆိးလၢ ဝ့ၢ်ယရူၤရှလ့ၣ်အပူၤခဲလၢာ်အဟံၣ်အဃီတဖၣ်,

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်ယဃ့းစက့လး 13:4

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုဝံတဖၣ်တဂိာ်တသီၣ်ဘၣ်တၢ် ဒ်သိးဒၣ်ထွံၣ်မံၤတဖၣ်လၢအအိၣ်ဆိးလၢဝ့ၢ်တဝ့ၢ်အတၢ်ဟးဂီၤတဖၣ် အကျါအသိးန့ၣ်လီၤ.

လံာ်ဒၤနံးယ့လး 9:17

အိကစၢ်ယွၤဧၢ, ဒိကနၣ်လၢ်ယတၢ်ထုကဖၣ်ဒီးယတၢ်ဃ့ ကညးတက့ၢ်. မၤအိၣ်ထီၣ်က့ၤနတၢ်လုၢ်ဟံၣ်လၢအဘၣ်တၢ် မၤဟးဂီၤအီၤတက့ၢ်. မၤအိၣ်ထီၣ်က့ၤအီၤဒ်သိးပှၤကိးဂၤ ကသ့ၣ်ညါလၢနမ့ၢ်ကစၢ်ယွၤတက့ၢ်.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.