လံာ်သးသယုၢ်တၢ် 5:14 - Sgaw Karen Common Bible

¹⁴ ပှၤသူၣ်က့သးပှၢ်တဖၣ်တဆ့ၣ်နီၤလၢၤဘၣ်လၢ ဝ့ၢ်အတြဲၤ, ဒီးပှၤသးစၢ်တဖၣ်တသူၣ်ဝံၣ်သးဆၢတၢ်လၢၤဘၣ်.

လံာ်သးသယုၢ်တၢ် 5:14 Iomraidhean Croise

လံာ်စီၤယိၤဘး 30:1

မ့မ့ၢ်ခဲကနံၣ်အံၤပှၤလၢအသးစၢ်န့ၢ်ယၤတဖၣ်နံၤဘၣ်ဖၣ်လဲ ယၤလီၤ. အဝဲသ့ၣ်အပၢ်တဖၣ်အလုၢ်အပှ့ၤတအိၣ်တုၤဒၣ်လဲာ် ယသးတအိၣ်လၢယကပျဲအမၤစၢၤယထွံၣ်လၢအကွၢ်ထွဲ ယသိတဖၣ်န့ၣ်ဘၣ်.

လံာ်စီၤယိၤဘး 30:31

တၢ်လီၢ်ဖဲတဘျီယနၢ်ဟူတၢ်သူၣ်ဖှံသးညီအတၢ်သးဝံၣ်န့ၣ် ခဲကနံၣ်အံၤယနၢ်ဟူထဲတၢ်သူၣ်အုးသးအုးဒီးတၢ်ဟီၣ်တၢ် ယၢၤန့ၣ်လီၤ.

လံာ်ယံးရမံယၤ 16:9

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးဘၣ်ဝဲန့ၣ်တက့ၢ်. ယကမၤဘှ့ၣ် မၤဘှီၣ်ကွံာ်တၢ်သးခုဒီးတၢ်သူၣ်ဖှံသးညီအသီၣ်တဖၣ်ဒီးတၢ် တ့တၢ်ဖျီအတၢ်အီၣ်အမူးတဖၣ်အတၢ်သူၣ်ဖှံသးညီအသီၣ်န့ၣ်လီၤ. ပှၤဂီၢ်မုၢ်ဖဲအံၤကအိၣ်မူထံၣ်ဘၣ်တၢ်အံၤမၤအသးန့ၣ်လီၤ.

လံာ်ယံးရမံယၤ 25:10

ယကမၤဘှ့ၣ် မၤဘှီၣ်အဝဲသ့ၣ် အတၢ်ကိးထီၣ်အသီၣ်လၢ တၢ်သးခုဒီးတၢ်သူၣ်ဖှံသးညီအပူၤ, ဒီးတၢ်တ့တၢ်ဖျီအတၢ်အီၣ်အမူးတဖၣ် အတၢ်သီၣ်ထီၣ်လၢတၢ်သူၣ်ဖှံသးညီအပူၤန့ၣ်လီၤ. လၢအဝဲသ့ၣ် အမ့ၣ်အူဒၢတဖၣ်အဂီၢ်သိတအိၣ်လၢၤဘၣ်, ဒီးဘုဧိၤဟုဧိၤတအိၣ် လၢၤစ့ၢ်ကီးဘၣ်န့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်သးသယုၢ်တၢ် 1:19

ယကိးထီၣ်တ့ၢ်ယဒီသိၣ်ဒီမှံၤတဖၣ်, ဘၣ်ဆၣ်ဒီးဂ့ၢ်လိာ်တ့ၢ်ဝဲ လၢကမၤစၢၤယၤအဂီၢ်လီၤ. ပှၤလုၢ်တၢ်အခိၣ်တဖၣ်ဒီးပှၤခိၣ်ပှၤနၢ်တဖၣ်သံဝဲလၢဝ့ၢ်အကျဲ တဖၣ်အပူၤ, ဖဲအဟးဃုတၢ်အီၣ်တၢ်အီလၢကဒုးမူဒံးအဝဲသ့ၣ်အဂီၢ်န့ၣ်လီၤ.

လံာ်သးသယုၢ်တၢ် 1:4

ခဲကနံၣ်အံၤပှၤကဟဲဆူတၢ်လုၢ်ဟံၣ်ဒ်သိးကဘူၣ်ထီၣ်ဘါထီၣ်တၢ်လၢ မုၢ်နံၤစီဆှံတဖၣ်န့ၣ်တအိၣ်ဘၣ်နီတဂၤဘၣ်. ဖိသၣ်ပိာ်မုၣ်လၢအသးဝံၣ်တ့ၢ်တၢ်ဖဲန့ၣ်တဖၣ်တူၢ်ဘၣ်တၢ်ဒီးပှၤ လုၢ်တၢ်အခိၣ်တဖၣ်မၤသ့ထဲတၢ်ကအုကစွါဧိၤလီၤ. ဝ့ၢ်အတြဲၤတဖၣ်ဆၢထၢၣ်အိၣ်ကလီဒီးကစၢၢ်စံယိၣ်အိၣ်လၢတၢ်ကိၢ် တၢ်ဂီၤဖးဒိၣ်အပူၤလီၤ.

လံာ်သးသယုၢ်တၢ် 2:10

ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်ယဃ့းစက့လး 26:13

ယကမၤကတၢၢ်ကွံာ် ကယဲၢ်သုတၢ်သးဝံၣ်တဖၣ် ဒီးယကမၤဘှ့ၣ်မၤဘှီၣ်ကွံာ်သုသီတူၢ်တဖၣ် အတၢ်သူၣ်ဝံၣ်သးဆၢအသီၣ်န့ၣ်လီၤ.

လံာ်ဟိၤၡ့ 2:13

လၢတၢ်ဆၢကတီၢ်တဖၣ်လၢအဝဲသးပ့ၤနီၣ်ကွံာ်ယၤဖဲအဆိၣ်ကဲၤထီၣ် တၢ်နၢမူဆူဘဧၤလးဒီးကယၢကယဲထီၣ်အသးလၢအတၢ်မျၢ် ပလဲတဖၣ်ဒ်သိးကလူၤပိာ်ပှၤလၢအအဲၣ်ဝဲတဖၣ်အခံအဃိန့ၣ်, ယကစံၣ်ညီၣ်အီၤလီၤ. ယွၤကတိၤတ့ၢ်တၢ်လံ.

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်လီၣ်ဖျါ 18:22

တၢ်သူၣ်ဝံၣ်သးဆၢလၢအဟဲသီၣ်ထီၣ်လၢတနၢ်, ဒီးပှၤအကလုၢ်, ပှၤအူပံဒီးကွဲၤတဖၣ်, တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. ပှၤမၤတၢ်ဖိ, ဘၣ်ဃးဒီးတၢ်မၤတကလုာ်ဂ့ၤတကလုာ်ဂ့ၤတဘၣ်တၢ်ထံၣ်န့ၢ်အီၤလၢ နပူၤနီတစုလၢၤဘၣ်. ဒီးဆၢၣ်ဂူာ်လၢၢ်အသီၣ်တဘၣ်တၢ်နၢ်ဟူအီၤနီတစုလၢၤဘၣ်.