လံာ်သးသယုၢ်တၢ် 5:13 - Sgaw Karen Common Bible

¹³ ပပှၤသးစၢ်ပိာ်ခွါတဖၣ်ဘၣ်တၢ်မၢဆူၣ်အီၤလၢကဂံာ်ဘုဒ်ကုၢ်တဖၣ် အသိး, ဒီးဖိသၣ်ပိာ်ခွါတဖၣ်လဲၤကနူၤနူၤကပၤပၤလၢ တၢ်ဝံသ့ၣ်မုၣ်ဃၢမးအဃိန့ၣ်လီၤ.

လံာ်သးသယုၢ်တၢ် 5:13 Iomraidhean Croise

လံာ်စီၤယိၤဘး 31:10

မ်ယမါမၤဒုးအီၣ်ဒုးအီပှၤအဂၤတဂၤဒီးမံဃုာ်ဒီးအီၤတ က့ၢ်.

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 11:5

ဒီးကယဲၢ်ဖိခွါဝဲၢ်ကိလၢကီၢ်အဲၤကူပတူးအပူၤကသံဝဲ, စးထီၣ်လၢစီၤပၤအဖိခွါဝဲၢ်ကိလၢအကထီၣ်က့ၤစီၤပၤအလီၢ်, တုၤလီၤလၢကုၢ်ပိာ်မုၣ်လၢအဂံာ်ဘုအဖိခွါဝဲၢ်ကိ, ဒီးဆၣ်ဖိကီၢ်ဖိအဖိဝဲၢ်ကိခဲလၢာ်ဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 2:11

ဖဲစီၤမိၤၡ့ဒိၣ်ထီၣ်ဝဲ, ဒီးဘၣ်မုၢ်တနံၤန့ၣ်လဲၤအိၣ်သကိး အပှၤကလုာ်, ပှၤဧ့ၤဘြံၤဖိတဖၣ်ဒီး ထံၣ်ဘၣ်လၢအဝဲသ့ၣ်ဘၣ်တၢ်မၢဆူၣ် မၢနၢၤအီၤန့ၣ်လီၤ. ဒီးထံၣ်ဘၣ်ပှၤအဲၤကူပတူးဖိတဂၤတီၢ်ပှၤဧ့ၤဘြံၤဖိတဂၤလၢ အမ့ၢ်အပှၤကလုာ်န့ၣ်လီၤ.

လံာ်တၢ်ဟးထီၣ်ကွံာ် 23:5

နမ့ၢ်ထံၣ်ဘၣ်နဒုၣ်နဒါအကသ့ၣ်ယီၤလီၤဃံၤလၢအတၢ်ဝံတၢ်ယိးအဃိ ဒီးနတသးအိၣ်မၤစၢၤအီၤဘၣ်ဒီးလဲၤပူၤကွံာ်ကလီအီၤတဂ့ၤ. မၤစၢၤအီၤလၢကဝံၣ်ဆၢထၢၣ်က့ၤအကသ့ၣ်ယီၤအဂီၢ်တက့ၢ်.

လံာ်ယၡါယၤ 47:2

တြံးဆၢၣ်ဂူာ်လၢၢ်ဒီးဂံာ်ကိၣ်ကမူၣ်တက့ၢ်. ပဲကွံာ်နီၣ်ကျၢၢ်ဘၢမဲာ်ဒီးဘ့ၣ်ကွံာ်နကူနကၤအဂ့ၤတဖၣ်တက့ၢ်. ထဲးထီၣ်နဆ့ကၤဆူအဖီခိၣ်လၢနကခီထံကျိအဂီၢ်တက့ၢ်.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်မးသဲ 23:4

အဝဲသ့ၣ်စၢထီၣ်တၢ်ဝံဃၢတဖၣ်လၢပှၤဝံအီၤကီလၢပှၤအဖံဘၣ် ခိၣ်ဘၣ်ဆၣ်ဒီး, လၢကစိာ်စၢၤပှၤအတၢ်ဝံတၢ်ယိးတဖၣ်အဂီၢ်တခီ, အစုမုၢ်စုနၢဖိတဘိဒၣ်လဲာ်တသးအိၣ်ယူာ်ဃီၤဝဲဘၣ်.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.