လံာ်သးသယုၢ်တၢ် 4:9 - Sgaw Karen Common Bible

⁹ ပှၤလၢအသံတ့ၢ်လၢတၢ်ဒုးတၢ်ယၤအပူၤတဖၣ်ဂ့ၤဒိၣ်န့ၢ်ဒံးပှၤ အသံတ့ၢ်လၢခံတဖၣ်, လၢအသၣ်ဝံၤလီၤဒိကယီကယီဆူတၢ်သံန့ၣ်လီၤ. အဂ့ၢ်ဒ်အံၤ, တၢ်အီၣ်တအိၣ်ဘၣ်လၢကဒုးမူအီၤအဂီၢ်ဘၣ်.

လံာ်သးသယုၢ်တၢ် 4:9 Iomraidhean Croise

လံာ်စီၤပၤခံဘ့ၣ်တဘ့ၣ် 25:3

လၢနံၣ်တနံၣ်ဃီ, လါလွံၢ်လါတလါထီၣ်ခွံသီတသီ, ဖဲန့ၣ်တၢ်သၣ်ဝံၤလီၤဒိအိၣ်ထီၣ်ဝဲနးမး, တုၤဒၣ်လဲာ်ပှၤဂီၢ်မုၢ်ကအီၣ်တၢ်အဂီၢ်တၢ်တအိၣ်လီၤတဲာ်နီတမံၤ လၢၤဘၣ်န့ၣ်,

လံာ်တၢ်ဟးထီၣ်ကွံာ် 16:3

ဒီးစံးဘၣ်အဝဲသ့ၣ်, “ပဆၢလၢယွၤကမၤသံတ့ၢ်ပှၤလၢကီၢ်အဲၤကူပတူးအပူၤလီၤ. အစှၤကတၢၢ်ပဆ့ၣ်နီၤဒီးအီၣ်တၢ်ဖံးတၢ်ညၣ်ဒီးတၢ်အီၣ်တၢ်အီအဂၤလၢပအဲၣ်ဒိးအီၣ်ဖဲန့ၣ်သ့ဝဲလီၤ. မ့မ့ၢ်သုဟဲကိးပှၤဆူပှၢ်မုၢ်ကနၢအံၤအပူၤဒ်သိးပကသၣ်ဝံၤလီၤဒိသံခဲလၢာ်လီၤ.”

လံာ်ယၡါယၤ 22:2

ဝ့ၢ်ဒီဝ့ၢ်ညါသီၣ်သထူၣ်ဘးလီ, ဒီးအိၣ်ပှဲၤဝဲဒီးတၢ်သီၣ်တၢ် သဲဒီးတၢ်ထိၣ်ဂဲၤသူၣ်ထီၣ်ဂဲၤသးန့ၣ်လီၤ. သုပှၤတဖၣ်လၢအသံတ့ၢ်လၢတၢ်ဒုးတၢ်ယၤအပူၤန့ၣ် တသံလၢအဒုးတၢ်အဃိဘၣ်.

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယဃ့းစက့လး 24:23

သုတလဲၤဘၣ်တၢ်လၢတၢ်ဖၢၣ်သုခိၣ်မ့ၢ်ဂ့ၤ, တၢ်ဒိးခီၣ်ဖံးမ့ၢ်ဂ့ၤ, တၢ်ဘၣ်မိၣ်ဘၣ်မးမ့ၢ်ဂ့ၤ, တၢ်ဟီၣ်တၢ်ယၢၤတၢ်မ့ၢ်ဂ့ၤအပူၤန့ၣ် ဘၣ်. သုဂံၢ်သုဘါကလီၤစၢ်ကွံာ်, မ့ၢ်လၢသုတၢ်ဒဲးဘးတဖၣ် အဃိဒီးသုကကအုကစွါလၢတဂၤဒီးတဂၤအဖီခိၣ်န့ၣ်လီၤ.

လံာ်ယဃ့းစက့လး 33:10

ယွၤကတိၤတ့ၢ်တၢ်ဒီးယၤလီၤ. အဝဲစံးဝဲ, “ပှၤကညီလၢအသံ သ့ဧၢ, တဲကဒါက့ၤပှၤအံၣ်စရ့လးဖိတဖၣ်တၢ်လၢအဝဲသ့ၣ်စံးဝဲ န့ၣ်တက့ၢ်. အဝဲသ့ၣ်စံးလၢပအိၣ်ဒီးတၢ်ဝံဃၢယိးဃၢတဖၣ်လၢ ပတၢ်ဒဲးဘးဒီးတၢ်ကမၣ်တဖၣ်လၢပမၤတ့ၢ်အီၤအဃိန့ၣ်လီၤ. ပမ့ၢ်တၢ်ကလီကလီဒီးပဘျုးတအိၣ်လၢၤဘၣ်ပအိၣ်မူကသ့ဒ်လဲၣ်.

လံာ်ယဃ့းစက့လး 4:16

ဒီးကစၢ်ယွၤစံးအါထီၣ်, “ပှၤကညီလၢအသံသ့ဧၢ, ယကဒီၣ်တဲာ်ကွံာ်တၢ်ဆှၢလီၤကိၣ်လၢဝ့ၢ်ယရူၤၡလ့ၣ်အဂီၢ်န့ၣ်လီၤ. ပှၤဂီၢ်မုၢ်ဖဲန့ၣ်တဖၣ်ကဘၣ်တၢ်ကိၢ်တၢ်ဂီၤဒီးကအိၣ်ဒီးတၢ်ဘၣ် ယိၣ်ဘၣ်ဘီ, ဖဲအဝဲသ့ၣ်စီၤထီၣ်ဝဲတၢ်အီၣ်လၢအဝဲသ့ၣ်အီၣ်ဝဲဒီးဃီၣ်ဝဲထံ လၢအဝဲသ့ၣ်အီဝဲအခါန့ၣ်လီၤ.

လံာ်ယဃ့းစက့လး 7:15

တၢ်ဒုးတၢ်ယၤအိၣ်ဝဲလၢကျဲဘိတဖၣ်အပူၤ, ဒီးတၢ်ဆူးတၢ်ဆါ ဒီးတၢ်သၣ်ဝံၤလီၤဒိလၢဟံၣ်ဃီတဖၣ်အပူၤလီၤ. ပှၤတဂၤဂ့ၤတဂၤ ဂ့ၤလၢအအိၣ်လၢခိန့ၣ်, ကသံဝဲလၢတၢ်ဒုးတၢ်ယၤအပူၤ, ဒီးပှၤတဂၤဂ့ၤတဂၤဂ့ၤလၢအအိၣ်လၢဝ့ၢ်ပူၤန့ၣ်, တၢ်ဆူးတၢ်ဆါဒီးတၢ်သၣ်ဝံၤလီၤဒိကမၤန့ၢ်မၤနၢၤအီၤလီၤ.

လံာ်တၢ်ဘူၣ်ထီၣ်ဘါထီၣ် 26:39

ဒီးသုပှၤလၢအိၣ်လီၤတဲာ်တဖၣ်ကဟးဂူာ်ဟးဂီၤ ကွံာ်လၢသုဒုၣ်သုဒါအကီၢ်ပူၤမ့ၢ်လၢသုတၢ်ဒဲးဘးဒၣ်သုဝဲ အဃိဒီးပှၤလၢသုဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးအဃိန့ၣ်လီၤ.

လံာ်သိၣ်လီၤသီလီၤတၢ် 28:51

အဝဲသ့ၣ်ကအီၣ်ကွံာ်သုဆၣ်ဖိကီၢ်ဖိလၢသုဘုၣ်အီၤတဖၣ်ဒီးသု တၢ်မုၢ်တၢ်ဘိ, တၤသူတၤသၣ်တဖၣ်, ဒီးသုကသၣ်ဝံၤလီၤဒိသံကွံာ်န့ၣ်လီၤ. အဝဲသ့ၣ်တပာ်တ့ၢ်န့ၢ်သုလၢဘုဧိၤဟုဧိၤ, စပံးထံ, သ့ၣ်စၤယံးအသိ, ဆၣ်ဖိကီၢ်ဖိလၢသုဘုၣ်အီၤမ့ၢ်ဂ့ၤ, သိမ့ၢ်ဂ့ၤနီတမံၤဘၣ်, ဒီးသုကဘၣ်သံန့ၣ်လီၤ.