လံာ်သးသယုၢ်တၢ် 4:7 - Sgaw Karen Common Bible

⁷ ပစီၤပၤဖိခွါတဖၣ်တသံၣ်သူမီၣ်ကျာ်ဘၣ်ဒီးကဆှီဝဲဒ်မူခိၣ်ဖီ အသိး, ပှဲၤဝဲဒီးအဂံၢ်အဘါဒီးဆူၣ်ဝဲကိၤဝဲဒီးဖျါလီၤကဟု ကညီၢ်လၢတၢ်အိၣ်ဆူၣ်အိၣ်ချ့အဃိန့ၣ်လီၤ.

လံာ်သးသယုၢ်တၢ် 4:7 Iomraidhean Croise

လံာ်စီၤယိၤဘး 28:16

ထူဧိၤလွဲဧိၤအဂ့ၤကတၢၢ်ဒီးတၢ်လုၢ်ဒိၣ်ပှ့ၤဒိၣ်တဖၣ်, ထိၣ်အလုၢ်အပှ့ၤထဲသိးဒီးအီၤတသ့ဘၣ်.

လံာ်စီၤယိၤဘး 28:18

တၢ်ကူၣ်သ့န့ၣ်အလုၢ်အပှ့ၤဒိၣ်န့ၢ်ဒံးလၢၢ်ဖီမ့ၢ်ဂ့ၤ, လၢၢ်ဖျါကလၤမ့ၢ်ဂ့ၤ, တၢ်မျၢ်ဂီၤမ့ၢ်ဂ့ၤန့ၣ်လီၤ.

စံးထီၣ်ပတြၢၤ 144:12

မ်ပဖိခွါတဖၣ်လၢအသးစၢ်အကတီၢ်န့ၣ်, ကလီၤဂာ်ဒီးသ့ၣ်ဖိတဖၣ်လၢ အဒိၣ်ထီၣ်ပှဲၤဂံၢ်ပှဲၤဘါန့ၣ်တက့ၢ်. မ်ပဖိမုၣ်တဖၣ်ကမၤအသးဒ် လၢၢ်နၢၣ်စိးပျၤအသး လၢပှၤမၤဃံမၤလၤနူၢ်ဧိၤစီၤဧိၤအသိးန့ၣ်တက့ၢ်,

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်တၢ်ဟးထီၣ်ကွံာ် 24:10

ဒီးအဝဲသ့ၣ်ထံၣ်ပှၤအံၣ်စရ့လးဖိအကစၢ်ယွၤန့ၣ်လီၤ. လၢအခီၣ်ဖီလာ်န့ၣ်တၢ်လီၤဂာ်ဒီးတၢ်မျၢ်နံၤလါအိၣ်ဒါလီၤအသး, ဒီးလါအဲးဝဲဒ်မူကပိာ်လိၤအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:10

ယတၢ်အဲၣ်မ့ၢ်ပှၤလၢအက့ၢ်ဘၣ်ဂီၤဂ့ၤဒီးဒုၣ်ဂ့ၤဒ့ဘၣ်လီၤ. လၢပှၤအကလးအကျါန့ၣ်အဝဲမ့ၢ်ပှၤထဲတဂၤဧိၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:15

အကံၣ်ဒုၣ်တဖၣ်မၤအသးဒ်လၢၢ်ဝါအထူၣ်တဖၣ်, လၢတၢ်ပာ်လီၤအီၤလၢထူအပူၤတဖၣ်အသိးန့ၣ်လီၤ. အဝဲလီၤကဟုကညီၢ်, ဒ်လဘၤနိၣ်အကစၢၢ်တဖၣ်, လၢအပှဲၤဒီးသ့ၣ်ဆှိးအ့ရ့းဖးထီတဖၣ်အသိးန့ၣ်လီၤ.

လံာ်ဒၤနံးယ့လး 1:15

တုၤတၢ်ဆၢကတီၢ်ပှဲၤထီၣ်ဒီးအဝဲသ့ၣ်ဖျါအိၣ်ဆူၣ်အိၣ်ချ့ဒီး အဂံၢ်အဘါဆူၣ်န့ၢ်ဒံးပှၤအဂၤခဲလၢာ်လၢအအီၣ်တ့ၢ်စီၤပၤ အတၢ်အီၣ်တၢ်အီန့ၣ်လီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်ပှၤစံၣ်ညီၣ်ကွီၢ် 13:5

ဒီးဖဲနဖိခွါအိၣ်ဖျဲၣ်ထီၣ်လံန့ၣ်နတဘၣ်တံာ်တဲာ်အခိၣ်သူနီတစုဘၣ်. အဂ့ၢ်ဒ်အံၤ, စးထီၣ်လၢအအိၣ်ဖျဲၣ်ထီၣ်မုၢ်တနံၤန့ၣ် အဝဲကဘၣ်တၢ်ပာ်စီဆှံအီၤဆူယွၤအအိၣ်ဒ်ပှၤနစၤရံဖိတဂၤအသိးန့ၣ်လီၤ. အဝဲကစးထီၣ်တၢ်ဖံးတၢ်မၤလၢတၢ်အုၣ်က့ၤခီၣ်က့ၤကီၢ်အံၣ်စရ့လးလၢပှၤဖလ့ၡသးဖိ အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:7

ဘၣ်ဆၣ်ဒီးအဝဲဒၣ်စံးဘၣ်ယၤလၢယကဒၢထီၣ်ဒီးန့ၢ်ဘၣ်ဖိခွါတဂၤလီၤ. စံးဘၣ်ယၤလၢယတဘၣ်အီသံးမ့ၢ်ဂ့ၤ, စပံးထံမ့ၢ်ဂ့ၤ, တၢ်အီၣ်လၢဘၣ်တၢ်တြီအီၤမ့ၢ်ဂ့ၤနီတမံၤဘၣ်. အဂ့ၢ်ဒ်အံၤဖိသၣ်န့ၣ်ကဘၣ်တၢ်ပာ်စီဆှံထီၣ်အီၤဆူယွၤအအိၣ်ဒ် ပှၤနစၤရံဖိတဂၤအသိးတစိၤသးလီၤ.”

လံာ်ပှၤစံၣ်ညီၣ်ကွီၢ် 16:17

တုၤဒၣ်လဲာ်လၢခံကတၢၢ်န့ၣ်တဲဘၣ်ပိာ်မုၣ်န့ၣ်လၢတၢ်မ့ၢ်တၢ်တီ, “ယခိၣ်သူန့ၣ်တဘၣ်တၢ်လူၤအီၤနီတစုဘၣ်. ယဘၣ်တၢ်ပာ်စီဆှံထီၣ်ယၤဆူကစၢ်ယွၤအအိၣ် ဒ်ပှၤနစၤရံဖိတဂၤအသိးစးထီၣ်လၢယအိၣ်ဖျဲၣ်ထီၣ်အကတီၢ်န့ၣ်လီၤ. ယခိၣ်သူမ့ၢ်ဘၣ်တၢ်လူၤအီၤဒီး ယဂံၢ်ယဘါကလီၤမၢ်ကွံာ်ဝဲဒီးယဂံၢ်ယဘါကစၢ်လီၤဝဲဒ်ပှၤဂၤအသိး န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:12

မၤသးဒ်န့ၣ်ဒီး, စီၤယံးၡဲမၢပှၤလဲၤကိးအီၤလီၤ. အဝဲမ့ၢ်ပှၤဒိၣ်တၢ်ဂ့ၤ, ပှၤသးစၢ်လၢအအိၣ်ဆူၣ်အိၣ်ချ့ ဒီးအမဲာ်ချံတဖၣ်ကပြုၢ်ကပြီၤဝဲလီၤ. ယွၤစံးဘၣ်စီၤၡမူၤအ့လး, “အဝဲအံၤမ့ၢ်ပှၤတဂၤန့ၣ်လီၤ. ဖှူအီၤတက့ၢ်.”