လံာ်သးသယုၢ်တၢ် 4:5 - Sgaw Karen Common Bible

⁵ ပှၤဂီၢ်မုၢ်လၢတဘျီမ့ၢ်ပှၤအီၣ်တၢ်အီၣ်အဂ့ၤကတၢၢ်တဖၣ်သၣ်ဝံၤ လီၤဒိသံဝဲလၢကျဲတဖၣ်အပူၤလီၤ. ပှၤဘၣ်တၢ်လုၢ်ဒိၣ်ထီၣ်အီၤလၢတၢ်ဘီၣ်တၢ်ညီအပူၤတဖၣ်လူၤကမုၢ် တၢ်လၢတၢ်ဘၣ်စူးကွံာ်တဂိာ်တသီၣ်ဘၣ်အကျါလၢကထံၣ်န့ၢ်တၢ်အီၣ် အဂီၢ်န့ၣ်လီၤ.

လံာ်သးသယုၢ်တၢ် 4:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:24

ကီၢ်အံၣ်စရ့လးအပှၤပိာ်မုၣ်သ့ၣ်ဧၢ, ဟီၣ်တၢ်ယၢၤတၢ်လၢ စီၤစီလူးအဃိတက့ၢ်. အဝဲဒုးကူဒုးသိးထီၣ်သုလၢတၢ်ကူတၢ်သိးဂီၤဆှူၣ် တဖၣ်, ဒီးကယၢကယဲသုလၢတၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးထူန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:27

သုးခိၣ်န့ၣ်စံးဆၢဝဲ, “မ့ၢ်သုဆိကမိၣ်လၢစီၤပၤဖးဒိၣ်မၢ လီၤယၤဒ်သိးယကစံးကယဲၢ်တၢ်အံၤခဲလၢာ်ထဲဒၣ်ဆူသုဝဲဒီးစီၤ ပၤအအိၣ်ဧိၤန့ၣ်ဧါ. တမ့ၢ်ဘၣ်, ယကတိၤစ့ၢ်ကီးတၢ်ဆူပှၤဂီၢ်မုၢ်လၢအဆ့ၣ်နီၤလၢဝ့ၢ် ခိၣ်ဒူအဖီခိၣ်လၢအကဘၣ်အီၣ်အအ့ၣ်ဒီးအီအဆံၣ်ဒ်သုကဘၣ်မၤအီၤ အသိး, အအိၣ်န့ၣ်လီၤ.”

လံာ်စီၤယိၤဘး 24:8

အဝဲသ့ၣ်ဘၣ်စီၣ်ဘၣ်သ့ဒီးတၢ်ဟဲစူၤလၢကစၢၢ်ကလိဒီး, အဝဲသ့ၣ်ဖိးဟုဃးလၢၢ်ဧိၤလ့ဧိၤလၢကမၤလၢၤအသးအဂီၢ် န့ၣ်လီၤ.

တၢ်ကတိၤဒိ. 31:21

ဖဲမူခိၣ်ဖီလီၤန့ၣ်အဝဲတကိၢ်တၢ်ဂီၤတၢ်ဘၣ်. အဂ့ၢ်ဒ်အံၤ, အဟံၣ်ဖိဃီဖိအိၣ်ဒီးတၢ်ကူတၢ်ကၤအလၢၤန့ၣ်လီၤ.

လံာ်သးသယုၢ်တၢ် 1:11

အပှၤဂီၢ်မုၢ်ကအုကစွါဖဲအဟးဃုန့ၢ်တၢ်တမံၤမံၤလၢကအီၣ်ဝဲ အဂီၢ် ဒီးဟ့ၣ်လဲလိာ်အတၢ်ထူးတၢ်တီၤတဖၣ်လၢတၢ်အီၣ် အဂီၢ်ဒ်သိးကအိၣ်မူဘၣ်ဒံးဝဲအဂီၢ်လီၤ. ဝ့ၢ်ယရူၤၡလ့ၣ်ကိးထီၣ် ဝဲ, “ကွၢ်ဃီၤယၤ, ယွၤဧၢ, ထံၣ်ယၤလၢယတၢ်ကိၢ်တၢ်ဂီၤအပူၤတက့ၢ်.”

လံာ်လူၤကၣ် 15:16

အဝဲဒၣ်အဲၣ်ဒိးအီၣ်ပှဲၤအဟၢဖၢလၢထိးဆၣ်ဘၣ်ဆၣ်, ပှၤတဟ့ၣ်အီၤတၢ်လၢအကအီၣ်ဝဲအဂီၢ်နီတမံၤနီတဂၤဘၣ်.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

လံာ်လူၤကၣ် 7:25

သုဟးထီၣ်လၢသုကထံၣ်ဘၣ်တၢ်မနုၤတမံၤအဂီၢ်လဲၣ်. ပှၤကညီလၢအကူတၢ်သိးတၢ်ဆှုၣ်ဆှုၣ်ဘှဲၣ်ဘှဲၣ်တဂၤဧါ. သပှၢ်ကတၢၢ်, ပှၤလၢအကူအကၤဒ်န့ၣ်အသိးဒီးအိၣ်မူလၢတၢ်မုာ်တၢ်လၤအပူၤတဖၣ်န့ၣ်, ဘၣ်တၢ်ထံၣ်အီၤလၢနူၢ်ပူၤစီၤပူၤလီၤ.

၁ တံၤမသ့း 5:6

မ့မ့ၢ်, မုၣ်ကမဲတဂၤလၢအဃုအတၢ်မုာ်တၢ်လၤဒၣ်ဝဲန့ၣ်, မူဘၣ်ဆၣ်ဒီးသံဝဲလံန့ၣ်လီၤ.