လံာ်သးသယုၢ်တၢ် 4:21 - Sgaw Karen Common Bible

²¹ နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်. သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.

လံာ်သးသယုၢ်တၢ် 4:21 Iomraidhean Croise

လံာ်တၢ်ကဲထီၣ်အခီၣ်ထံး 36:28

စီၤဒံၡၣ်မ့ၢ်ဝဲစီၤဧူးစးအဒူၣ်တဒူၣ်ဒီးစီၤအၤရၣ်အဒူၣ် တဒူၣ်အပၢ်လၢပျၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:19

မ့ၢ်လၢကီၢ်ယူဒၤအစီၤပၤအၤဃးမၤတရီတပါကွံာ်အပှၤဂီၢ်မုၢ် အတၢ်ခွဲးတၢ်ယာ်တဖၣ်ဒီးခီၣ်ဆၢဝဲယွၤအဃိ, ယွၤဟဲစိာ်တၢ်ကိၢ်တၢ်ဂီၤလၢကီၢ်ယူဒၤအလိၤန့ၣ်လီၤ.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ယံးရမံယၤ 49:12

ပှၤတဖၣ်လၢ အတကြၢးတၢ်စံၣ်ညီၣ်အီၤဒၣ်လဲၣ်, မ့ၢ်ဘၣ်အီၤတၢ်လၢ တၢ်စံၣ်ညီၣ်အလီခီပူၤဒီး, မ့ၢ်သုဆိကမိၣ်လၢ သုကပူၤဖျဲးဒီးတၢ်စံၣ်ညီၣ်န့ၣ်ဧါ. တပူၤဖျဲးဘၣ်. သုကဘၣ်အီတၢ်လၢလီခီန့ၣ်အပူၤလီၤ.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယဃ့းစက့လး 25:6

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.

လံာ်ယဃ့းစက့လး 25:8

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “မ့ၢ်လၢကီၢ်မိၤအးစံး တ့ၢ်ဝဲလၢကီၢ်ယူဒၤန့ၣ်လီၤဂာ်ဒီးကယဲၢ်ကီၢ်အဂၤတဖၣ်အဃိ,

လံာ်ယဃ့းစက့လး 26:2

အဒ်မ်ဝဲစံးဝဲဒၣ်, “ပှၤကညီလၢအသံသ့ဧၢ, အအံၤမ့ၢ်တၢ်လၢပှၤဂီၢ်မုၢ်လၢဝ့ၢ်ထါယၢၣ်အပူၤကိး ပသူထီၣ်တၢ်သူၣ်ဖှံသးညီအပူၤအဂ့ၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, ဝ့ၢ်ယရူၤၡလ့ၣ်ဟးဂီၤလီၤပြံလီၤပြါ ကွံာ်လံ. အပနံၣ်တၢ်ကၤတၢ်အတၢ်မၤအစိကမီၤန့ၣ်ဟးဂီၤကွံာ်လံ. အဝဲတမ့ၢ်လၢၤပှၤပြၢလိာ်အသးဒီးပှၤနီတစုလၢၤဘၣ်.

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်ဧိၤဘါဒယၤ 1:1

အအံၤစီၤဧိၤဘါဒယၤအတၢ်ထံၣ်လၢညါခီဘၣ်ဃးဒီးပှၤကီၢ်အဒိၣ် ဖိဒ်ကစၢ်ယွၤစံးတ့ၢ်ဝဲအသိးန့ၣ်လီၤ. ပနၢ်ဟူတၢ်ကစီၣ်လၢကစၢ်ယွၤအအိၣ်, ဒီး အဝဲဆှၢလီၤပှၤစိာ်တၢ်ကစီၣ်တဂၤဆူပှၤကလုာ်တဖၣ်အကျါ, “ကတဲာ်ကတီၤသုသး, ဂဲၤဆၢထၢၣ်သကိးဒီးမ်ပဒုးတၢ် ထီဒါကီၢ်အဒိၣ်တက့ၢ်.

လံာ်မံကၤ 1:11

ပှၤဂီၢ်မုၢ်လၢဝ့ၢ်ၡၤဖံၣ်ဧၢ, လဲၤဆူတၢ်စိာ်မၢကဲကုၢ်အပူၤလၢတၢ်အိၣ်ဘ့ၣ်ဆ့ဒီးတၢ်မဲာ်ဆှးတက့ၢ်. ပှၤတဖၣ်လၢအအိၣ်ဝဲဆိးဝဲလၢဝ့ၢ်စၤနၣ်အပူၤန့ၣ်ဟဲထီၣ်ဆူဝ့ၢ်အချၢ တဘူၣ်ဘၣ်. ဖဲသုနၢ်ဟူဝ့ၢ်ဘ့ၤစသ့လးအပှၤဂီၢ်မုၢ်ဟီၣ်တၢ်ယၢၤ တၢ်န့ၣ်, သုကသ့ၣ်ညါလၢတၢ်ပူၤဖျဲးအလီၢ်တအိၣ်ဘၣ်ဖဲန့ၣ်ဘၣ်.

လံာ်ဃဘးကူာ် 2:16

သုကဘၣ်တၢ်ကျၢၢ်ဘၢကဒါက့ၤသုဒီးတၢ်မဲာ်ဆှးလၢတၢ်လၤကပီၤ အလီၢ်လီၤ. သုနီၢ်ကစၢ်ဒၣ်သုဝဲသုကအီတၢ်ဒီးလဲၤကနုၤကပၤလီၤ. ယွၤကဒုးအီက့ၤသုလၢသုတၢ်စံၣ်ညီၣ်အလီခီဒၣ်သုဝဲ, ဒီးသုတၢ်လၤကပီၤကဃၣ်ကဒါက့ၤအသးဆူတၢ်လီၤမဲာ်ဆှးလီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”