လံာ်သးသယုၢ်တၢ် 4:2 - Sgaw Karen Common Bible

² ဝ့ၢ်စံယိၣ်အပှၤသးစၢ်ပိာ်ခွါတဖၣ်မ့ၢ်တ့ၢ်တၢ်လုၢ်ဒိၣ်ပှ့ၤဒိၣ် ဒ်ထူအသိးလၢပဂီၢ်, မ့မ့ၢ်ခဲအံၤအဝဲသ့ၣ်ဘၣ်တၢ်မၤအီၤဒ်သပၢၤဟီၣ်ခိၣ်ပတီၢ်မုၢ် တဖၣ်အသိးလီၤ.

လံာ်သးသယုၢ်တၢ် 4:2 Iomraidhean Croise

လံာ်ယၡါယၤ 30:14

သုကလီၤကလဲဝဲဒ်သပၢၤဟီၣ်ခိၣ်အသိး, ကၢ်လီၤကလဲဝဲတုၤ ဒၣ်လဲာ်သပၢၤက့အဒိၣ်လၢပကထၢထီၣ်သွဲၣ်လးကိၢ်မ့ၢ်ဂ့ၤ, ပကဒၢၣ်ထီၣ်ထံလၢထံဒၢဖးဒိၣ် အပူၤမ့ၢ်ဂ့ၤအဂီၢ်တအိၣ်လၢၤဘၣ်န့ၣ်လီၤ.”

လံာ်ယၡါယၤ 51:18

ပှၤလၢအကဆှၢနၤတအိၣ်နီတဂၤဘၣ်, ဒီးလၢနပှၤဂီၢ်မုၢ်ဒၣ်နဲအကျါ ပှၤလၢအကဟံးနၤလၢအစုတအိၣ်နီတဂၤဘၣ်.

လံာ်ယံးရမံယၤ 19:1

ယွၤစံးဘၣ်ယၤလၢယကလဲၤတၢ်ဒီးပှ့ၤသပၢၤဟီၣ်ခိၣ်တဖျၢၣ်လီၤ. အဝဲစံးဘၣ်စ့ၢ်ကီးယၤလၢယကလဲၤကိးဃုာ်ပှၤဂီၢ်မုၢ်အသူၣ်က့ သးပှၢ်တနီၤဒီးပှၤလုၢ်တၢ်အခိၣ်လၢအသးပှၢ်တနီၤ,

လံာ်ယံးရမံယၤ 19:11

ဒီးယွၤမၢယတဲဘၣ်အဝဲသ့ၣ်လၢယွၤသ့တၢ်လၢာ်စံးတ့ၢ်ဝဲဒၣ်, “ယကမၤတၢ်မၤဟးဂီၤပှၤဂီၢ်မုၢ်အံၤဒီးဝ့ၢ်အံၤ, ဒီးတၢ်န့ၣ် ကလီၤဂာ်ဒီးသပၢၤဟီၣ်ခိၣ်လၢအသ့ၣ်ဖးအံၤလၢတၢ်မၤက့ၤ ကဒီးအီၤဒ်အလီၢ်လီၢ်အသိးတသ့ဝဲဘၣ်န့ၣ်လီၤ. လၢတိဖ့းအပူၤ ဒၣ်လဲာ်ပှၤဂီၢ်မုၢ်ကခူၣ်လီၤအပှၤသံတဖၣ်, မ့ၢ်လၢတၢ်လီၢ်အဂၤ လၢကခူၣ်လီၤအဝဲသ့ၣ်တအိၣ်ဘၣ်အဃိန့ၣ်လီၤ.

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်သးသယုၢ်တၢ် 2:21

ပှၤသးစၢ်ဒီးပှၤသးပှၢ်လီၤဃံၤသံဒ်သိးသိးလၢကျဲတဖၣ် အပူၤလီၤ. ပှၤသးစၢ်ပိာ်ခွါဒီးပိာ်မုၣ်တဖၣ်ဘၣ်တၢ်မၤသံအီၤလၢ ဒုၣ်ဒါအနးတဖၣ်လီၤ. လၢနတၢ်သးထီၣ်အမုၢ်တနံၤန့ၣ်နမၤသံအဝဲသ့ၣ်တအိၣ်ဒီးတၢ်သး ကညီၤဘၣ်.

လံာ်သးသယုၢ်တၢ် 5:12

ပခိၣ်ပနၢ်တဖၣ်ဘၣ်တၢ်မၤန့ၢ်အီၤဒီးစၢသံအီၤ, ဒီးပပှၤသူၣ်က့သးပှၢ်တဖၣ်တဘၣ်တၢ်ပာ်ကဲအီၤဘၣ်.

လံာ်ဟိၤၡ့ 8:8

ကီၢ်အံၣ်စရ့လးကဲထီၣ်ဒ်ပှၤကလုာ်ဂၤတဖၣ်ဒီးအဘျုး တအိၣ်ဘၣ်ဒ်သိးဒၣ်သပၢၤလၢအသ့ၣ်ဖးတဖျၢၣ်န့ၣ်လီၤ.

လံာ်စကၤရယၤ 9:13

ယကသူကီၢ်ယူဒၤဒ်ပှၤသုးဖိတဂၤအချံၣ်အသိးဒီး ကီၢ်အံၣ်စရလးဒ်ပျၢ်တဖၣ်အသိးန့ၣ်လီၤ. ယကသူဝ့ၢ်စံယိၣ်အပှၤကညီတဖၣ်ဒ်နးတဘ့ၣ်အသိးလၢ တၢ်ဒုးကီၢ်ကြံး(စ်) အပှၤကညီတဖၣ်အဂီၢ်န့ၣ်လီၤ.”

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

၂ တံၤမသ့း 2:20

လၢဟံၣ်ဖးဒိၣ်တဖျၢၣ်အပူၤန့ၣ်သပၢၤလီခီအိၣ်ဝဲအကလုာ် ကလုာ်န့ၣ်လီၤ. တနီၤန့ၣ်ဘၣ်တၢ်မၤအီၤလၢစ့ဒီးထူဒီးတနီၤ န့ၣ်လၢသ့ၣ်ဒီးဟီၣ်ခိၣ်န့ၣ်လီၤ. တနီၤန့ၣ်လၢတၢ်အကတီၢ် လီၤဆီတဖၣ်အဂီၢ်, ဒီးတနီၤန့ၣ်လၢမုၢ်ဆ့ၣ်မုၢ်ဂီၤအဂီၢ်လီၤ.