လံာ်သးသယုၢ်တၢ် 4:19 - Sgaw Karen Common Bible

¹⁹ အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ. အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.

လံာ်သးသယုၢ်တၢ် 4:19 Iomraidhean Croise

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်သးသယုၢ်တၢ် 1:13

ဆှၢလီၤဝဲမ့ၣ်အူလၢမူခိၣ်, မ့ၣ်အူလၢအအီၣ်တၢ်လၢယပူၤန့ၣ်လီၤ. အဝဲဆဲထီၣ်ထုလၢယဂီၢ်ဒီးဒုးလီၤဃံၤယၤ လၢဟီၣ်ခိၣ်လိၤလီၤ. အန့ၣ်ဝံၤဒီးညိကွံာ်တ့ၢ်ယၤ, ဒီးပာ်တ့ၢ်ယၤလၢ တၢ်ဆါတပယူာ်ဃီအပူၤန့ၣ်လီၤ.

လံာ်ဟိၤၡ့ 8:1

ယွၤစံးဝဲဒၣ် အူထီၣ်ကွဲၤလၢတၢ်မၤဖုးမၤပျီၢ်အဂီၢ်တက့ၢ်. ဒုၣ်ဒါတဖၣ်နုာ်လီၤချ့သဒံးဆူယကီၢ်ပူၤဒ် လံာ်ကြီကြာ်တဖၣ်ယူၤလီၤဝဲလၢကဖီၣ်န့ၢ်တၢ်အဂီၢ်အသိးန့ၣ်လီၤ. ယပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်ဒီးပူထီၣ်ထီဒါယတၢ်သိၣ်လိန့ၣ်လီၤ.

လံာ်ဟိၤၡ့ 8:3

အဝဲသ့ၣ်စူးကွံာ်ညိကွံာ်တၢ်လၢအဂ့ၤလီၤ. လၢတၢ်အံၤအဃိ, အဒုၣ်အဒါတဖၣ်ကလူၤသဖှိအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်ဃဘးကူာ် 1:8

အကသ့ၣ်တဖၣ်ချ့န့ၢ်ဒံးခ့စံၣ်ပိၣ်တဖၣ်ဒီး လီၤပျံၤဒိၣ်န့ၢ်ဒံးထွံၣ်မံၤတဖၣ်လၢအသၣ်ဝံၤန့ၣ်လီၤ. အပှၤဒိးကသ့ၣ်တဖၣ်ဟဲဒိးကသ့ၣ်လၢကီၢ်အယံၤတဖၣ်, ဒီးအကသ့ၣ်တဖၣ်လဲၤသဖှိတၢ်လၢတၢ်ပာ်ကဖိအသးပူၤလီၤ. အဝဲသ့ၣ်လဲၤသဖှိဃီၤဒ်လံာ်ကြီကြာ်တဖၣ်ယူၤလီၤချ့ သဒံးဒီးစှီၤန့ၢ်အဆၣ်အီၣ်အသိးန့ၣ်လီၤ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.