လံာ်သးသယုၢ်တၢ် 4:16 - Sgaw Karen Common Bible

¹⁶ ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ. အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.

လံာ်သးသယုၢ်တၢ် 4:16 Iomraidhean Croise

လံာ်တၢ်ကဲထီၣ်အခီၣ်ထံး 49:7

မ်တၢ်ဆိၣ်အၢတမံၤကလီၤဘၣ်အဝဲသ့ၣ်အတၢ်သူၣ်ဒိၣ်သးဖျိးတက့ၢ်. အဂ့ၢ်ဒ်အံၤ, အတၢ်သူၣ်ဒိၣ်သးဖျိးန့ၣ်, လီၤပျံၤလီၤဖုးဒိၣ်မးလီၤ. မ်တၢ်ဆိၣ်အၢကအိၣ်လၢအဝဲသ့ၣ်အတၢ်သးဒိၣ်တပျုာ်တပျီၤအလိၤတ က့ၢ်. အဂ့ၢ်ဒ်အံၤ, အၢဝဲသီဝဲဒိၣ်မးလီၤ. ယကရၤလီၤအဝဲသ့ၣ်လၢကီၢ်အံၣ်စရ့လးဒီကီၢ်ညါလီၤ. ယကမၤလီၤပြံလီၤပြါအဝဲသ့ၣ်လၢအပှၤဂီၢ်မုၢ်တဖၣ်အကျါန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

စံးထီၣ်ပတြၢၤ 106:27

ဒီးကမၤလီၤပြံလီၤပြါအစၢၤအသွဲၣ်တဖၣ်လၢ ပှၤတဘူၣ်ထီၣ်ဘါထီၣ်ယွၤအသိးအကျါ, ဒီးပျဲအဝဲသ့ၣ်သံကွံာ်လၢ တခီထံတခီကီၢ်အပူၤန့ၣ်လီၤ.

စံးထီၣ်ပတြၢၤ 106:44

အန့ၣ်ဒၣ်လဲာ်, ဖဲအဝဲသ့ၣ်ကိးထီၣ်န့ၣ် ယွၤနၢ်ဟူအဝဲသ့ၣ်ဒီး အဝဲပာ်သူၣ်ပာ်သးလၢ အဝဲသ့ၣ်အတၢ်ကိၢ်တၢ်ဂီၤန့ၣ်လီၤ.

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်ယံးရမံယၤ 15:4

ယကဒုးကဲထီၣ်အဝဲသ့ၣ်လၢတၢ်လီၤပျံၤလီၤဖုးအဒိအတဲာ် တမံၤလၢပှၤဂီၢ်မုၢ်လၢဟီၣ်ခိၣ်ချၢခဲလၢာ်အဂီၢ်, မ့ၢ်လၢ, တၢ်လၢ စီၤဃံးစကံယၤအဖိခွါစီၤမနၤၡ့ၤမၤတ့ၢ်ဝဲလၢဝ့ၢ်ယရူၤရှလ့ၣ်အပူၤ, ဖဲအဝဲကဲကီၢ်ယူဒၤအစီၤပၤအဆၢကတီၢ်, အဃိန့ၣ်လီၤ.”

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယံးရမံယၤ 52:24

အါန့ၢ်အန့ၣ်, စီၤနဘူစၢ်ရဒၣ်လၢ အမ့ၢ်သုးခိၣ် ဖးဒိၣ်, စိာ်မၢကဲကုၢ် ကွံာ်ပှၤလုၢ်တၢ်အခိၣ်အဒိၣ် ကတၢၢ်စီၤစရါယၤ, ဒီးပှၤလုၢ်တၢ်အခိၣ် ခံဂၤတဂၤလၢ အမ့ၢ်စီၤစဖါနယၤ, ဒီးယွၤအတၢ်လုၢ်ဟံၣ်အပဒိၣ် ပပှၢ်လၢအကါဒိၣ်အဂၤသၢဂၤန့ၣ်လီၤ.

လံာ်သးသယုၢ်တၢ် 2:20

ယွၤဧၢ, ဘၣ်မနုၤနစံၣ်ညီၣ်ပှၤဒ်သိးအံၤလဲၣ်, ကွၢ်ဆိကမိၣ်တၢ်တက့ၢ်. ပိာ်မုၣ်တဖၣ်အီၣ်က့ၤအဖိဆံးတဖၣ်လၢအအဲၣ်ဝဲအဖံးအညၣ်အနီၢ်ခိ ကသ့ဒ်လဲၣ်. ပှၤလုၢ်တၢ်အခိၣ်တဖၣ်ဒီးဝံတဖၣ်ဘၣ်တၢ်မၤသံအီၤလၢတၢ်လုၢ်ဟံၣ် ဒၣ်ဝဲအပူၤကကြၢးဝဲဒ်လဲၣ်.

လံာ်သးသယုၢ်တၢ် 2:6

ဒိလီၤသဘှံးကွံာ်ဝဲတၢ်လုၢ်ဟံၣ်ဖဲပဘူၣ်ထီၣ်ဘါထီၣ်တ့ၢ်အီၤ န့ၣ်လီၤ. ဆိကတီၢ်ကွံာ်ဝဲမုၢ်နံၤစီဆှံတဖၣ်ဒီးမုၢ်အိၣ်ဘှံးအနံၤတဖၣ် လီၤ. စီၤပၤဒီးပှၤလုၢ်တၢ်အခိၣ်ကလၢၢ်ဘၣ်အတၢ်သးဒိၣ် အသဟီၣ်ဒ်သိးသိးလီၤ.

လံာ်သးသယုၢ်တၢ် 5:12

ပခိၣ်ပနၢ်တဖၣ်ဘၣ်တၢ်မၤန့ၢ်အီၤဒီးစၢသံအီၤ, ဒီးပပှၤသူၣ်က့သးပှၢ်တဖၣ်တဘၣ်တၢ်ပာ်ကဲအီၤဘၣ်.

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

ဧ့ၤဘြံၤ 8:9

တမ့ၢ်ဘၣ်ဒ်တၢ်အၢၣ်လီၤအီလီၤလၢယမၤတ့ၢ်ဒီး အဝဲသ့ၣ်အပၢ်တဖၣ် ဖဲမုၢ်နံၤလၢယဟံးအဝဲသ့ၣ်အစုဒီးထုးထီၣ်အဝဲသ့ၣ် လၢကီၢ်အဲၤကူပတူးအပူၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်တဟံးဃာ် ယတၢ်အၢၣ်လီၤအီလီၤဘၣ်. ဒီးမ့ၢ်လၢတၢ်န့ၣ်အဃိ ယတကနၣ်ဃုာ်အဝဲသ့ၣ်ဘၣ်, ကစၢ်စံးဝဲဒၣ်.